मुंबई: भाजपा आमदार नितेश राणे यांनी सायन हॉस्पिटल पाठोपाठ आता राजावाडी हॉस्पिटलमध्ये मृतदेहा शेजारी रूग्णावर उपचार होत असलेल्या प्रकाराचा व्हिडिओ केला ट्वीट

भाजप पक्षाचे आमदार नितेश राणे (Nitesh Rane) यांनी ट्वीटरवर आणखी एक खळबळजनक व्हिडिओ शेअर केला आहे. या व्हिडिओत मृतदेहाच्या शेजारी रुग्णांवर उपाचार होत असल्याचा दावा करण्यात आला आहे. यापूर्वी सुद्धा नितेश राणे यांनी अशाच प्रकारचे व्हिडिओ केईएम आणि सायन रुग्णालयातील पोस्ट केले असून दोन्ही रुग्णालये शासनाकडून चालवली जातात. या धक्कादायक व्हिडिओमुळे मुंबईतील आरोग्य अधिकाऱ्यांवर जोरदार टीका करण्यात आली होती.(मुंबई: केईएम रुग्णालयातील कोरोना बाधित मृतदेहांच्या शेजारी अन्य रुग्णांवर उपचार होत असलेल्या व्हिडिओवर शिवसेना खासदार अनिल देसाई यांचे स्पष्टीकरण)

कोरोनाबाधित रुग्णांसाठी मुंबईतील रुग्णालयातील बेड्स कमी पडत असल्याचे ही राणे यांनी व्हिडिओतून स्पष्ट केले आहे. परंतु महाराष्ट्र सरकाने आता खासगी रुग्णांलये सुद्धा कोरोनाबाधित रुग्णांसाठी द्यावीत त्यामुळे कोरोनाबाधित रुग्णांची तेथे व्यवस्था करण्यात येईल असा निर्णय घेतला आहे. आज मुख्यमंत्री उद्धव ठाकरे यांनी फेसबुक लाईव्हच्या माध्यमातून जनतेशी संवाद साधताना म्हटले आहे की, एक लाख पर्यंत त्याची सोय करण्यात आली आहे.

महाराष्ट्राला कोरोना व्हायरसचा सर्वाधिक मोठा फटका बसला आहे. आतापर्यंत राज्यात कोरोनाबाधितांचा आकडा 47,190 वर पोहचला आहे. त्यापैकी मुंबईतील बहुतांश रुग्ण असून तेथे आकडा 28 हजारांवर गेला आहे. तसेच 1557 जणांचा बळी गेल्याचे सांगण्यात आले आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)