Majhi Ladki Bahin Yojana: माझी लाडकी बहिण योजनेचा लाभ 500 रुपयांपर्यंत कमी होणार? मंत्री Aditi Tatkare यांनी दिले स्पष्टीकरण
मंत्री अदिति तटकरे यांनी सांगितले की, इतर कोणत्याही शासकीय योजनांचा लाभ न घेणाऱ्या महिलांना मुख्यमंत्री माझी लाडकी बहीण योजनेअंतर्गत 1,500 रुपये दरमहा सन्मान निधी वितरित करण्यात येत आहे. तसेच, इतर शासकीय योजनांचा 1,500 रुपयांपेक्षा कमी लाभ घेणाऱ्या महिलांना उर्वरित फरकाची रक्कम सन्मान निधी म्हणून वितरित करण्यात येत आहे.
महाराष्ट्रातील ‘मुख्यमंत्री माझी लाडकी बहीण’ (Mukhyamantri Majhi Ladki Bahin) योजना ही गेल्या वर्षभरापासून चर्चेचा विषय ठरली आहे. या योजनेअंतर्गत पात्र महिलांना दरमहा 1,500 रुपये थेट बँक खात्यात जमा केले जातात, ज्यामुळे लाखो महिलांना आर्थिक आधार मिळाला आहे. मात्र, अलीकडेच या योजनेबाबत काही गैरसमज आणि वाद निर्माण झाले, ज्यावर महाराष्ट्राच्या महिला व बालविकास मंत्री अदिति तटकरे यांनी स्पष्टीकरण दिले आहे. काही प्रसारमाध्यमांनी आणि विरोधी पक्षांनी आठ लाख महिलांचे लाभ 1,500 ऐवजी 500 रुपयांपर्यंत कमी होणार असल्याचा दावा केला होता, परंतु तटकरे यांनी हे आरोप फेटाळून लावले.
मंत्री अदिति तटकरे यांनी सांगितले की, इतर कोणत्याही शासकीय योजनांचा लाभ न घेणाऱ्या महिलांना मुख्यमंत्री माझी लाडकी बहीण योजनेअंतर्गत 1,500 रुपये दरमहा सन्मान निधी वितरित करण्यात येत आहे. तसेच, इतर शासकीय योजनांचा 1,500 रुपयांपेक्षा कमी लाभ घेणाऱ्या महिलांना उर्वरित फरकाची रक्कम सन्मान निधी म्हणून वितरित करण्यात येत आहे. नमो शेतकरी महासन्मान निधी योजनेत नोंदणीकृत महिलांसाठीचे फायदे कमी केले जात असल्याचा दावा करणाऱ्या माध्यमांच्या कव्हरेज आणि विरोधकांच्या टीकेनंतर त्यांचे हे विधान समोर आले आहे.
शिवसेना (यूबीटी) खासदार संजय राऊत यांनी राज्य सरकारवर निशाणा साधत म्हटले होते की, लडकी बहिण योजनेचे लाभ 500 रुपयांपर्यंत कमी करण्यात येतील. लवकरच ही योजना पूर्णपणे बंद केली जाईल. राज्याची आर्थिक स्थिती वाईट आहे. सरकारला पगार देण्यासाठी संघर्ष करावा लागत आहे आणि गेल्या साडेतीन वर्षांत आर्थिक शिस्तीचा स्पष्ट अभाव दिसून आला आहे. अशाच भावना व्यक्त करताना काँग्रेसचे आमदार आणि माजी प्रदेशाध्यक्ष नाना पटोले यांनी आरोप केला की, सरकारने महिलांना 1,500 रुपये देऊन त्यांची मते विकत घेतली आहेत आणि आता त्यांची फसवणूक केली जात आहे.
यावर स्पष्टीकरण देताना, आदिती तटकरे यांनी सांगितले की, दिनांक 28 जून 2024 व दिनांक 3 जुलै 2024 रोजी जाहीर करण्यात आलेल्या शासन निर्णयानुसार इतर कोणत्याही शासकीय योजनांचा लाभ न घेणाऱ्या महिलांना मुख्यमंत्री माझी लाडकी बहीण योजनेअंतर्गत,1,500 रुपये दरमहा सन्मान निधी वितरित करण्यात येत आहे. तसेच, इतर शासकीय योजनांचा 1,500 रुपयांपेक्षा कमी लाभ घेणाऱ्या महिलांना उर्वरित फरकाची रक्कम सन्मान निधी म्हणून वितरित करण्यात येत आहे. (हेही वाचा: Mukhyamantri Majhi Ladki Bahin Yojana: मुख्यमंत्री माझी लाडकी बहिण योजनेतील 'या' महिलांना 1500 ऐवजी मिळणार केवळ 500 रूपये)
Majhi Ladki Bahin Yojana:
त्या पुढे म्हणतात, त्याच शासन निर्णयाला अनुसरून नमो शेतकरी सन्मान योजनेचा दरमहा 1,000 रुपये लाभ घेत असलेल्या 7,74,148 महिलांना उर्वरित फरकाचे 500 रुपये सन्मान निधी वितरित करण्यात येत आहे. एकाही पात्र भगिनीस या योजनेतून वगळण्यात आले नसून, सदर प्रक्रियेत दिनांक 3 जुलै 2024 नंतर कोणताही बदल करण्यात आलेला नाही. त्या म्हणाल्या की, राज्याची आर्थिक परिस्थिती आव्हानात्मक असली, तरी ही योजना सुरू राहील, आणि कोणत्याही पात्र महिलेला त्यापासून वंचित ठेवले जाणार नाही. त्यांनी हेही स्पष्ट केले की, योजनेच्या लाभार्थ्यांचे सर्व अर्ज आधीच कसून तपासले गेले आहेत, आणि आता फक्त विशिष्ट तक्रारींच्या आधारे तपासणी केली जात आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)