Mahrashtra Government Formation Live Updates: सर्वोच्च न्यायालय 'महाआघाडी'च्या याचिकेवर उद्या सकाळी 11.30 वाजता सुनावणी करणार

पक्षाचे सर्व आमदार उपस्थित नसताना केलेली जयंत पाटील यांची झालेली राष्ट्रवादी काँग्रेस पक्षाच्या नेतेपदी निवड ही अवैध आहे. तसेच, अजित पवार यांचे विधिमंडळ नेतेपदावरुन हटवणं हे अवौध असल्याचे भाजप नेते आशिष शेलार यांनी म्हटले आहे.

शिवसेना, काँग्रेस आणि राष्ट्रवादी काँग्रेस या पक्षांनी न्यायालयात याचिका दाखल केली आहे. त्यात राज्यपालांना वरील मुद्द्यांना अनुसरुन आदेश द्यावेत अशी विनंतीही केली आहे. पण, या याचिकेवर न्यायालय उद्या 11.30 वाजता सुनावणी घेणार आहे.

वाय. बी. चव्हाण सेंटरमधील राष्ट्रवादीची बैठक संपली आहे. बैठकीनंतर सर्व आमदार हॉटेल रेनेसान्सकडे रवाना झाले आहेत. दरम्यान, महाविकास आघाडीचं सरकार येईल असा विश्वास-नवाब मलिक यांनी व्यक्त केला आहे. राष्ट्रवादीच्या बैठकीला 5 आमदार गैरहजर असल्याचंही नवाब मलिक यांनी सांगितलं आहे.

अजित पवार यांच्यासोबत असणारे अनेक आमदार वाय.बी. सेंटमध्ये दाखल झाले आहेत. शिवसेनेच्या नेत्यांनी उदगीरचे आमदार संजय बनसोडे यांना याठिकाणी आणल्याचे पाहायला मिळाले. संजय बनसोडे यांनी पवारांच्या पाठिशी असल्याचे म्हटले आहे. आता अजित पवार वगळता केवळ तीन अद्याप बैठकीला गैरहजर आहेत.   

राष्ट्रवादी पक्षाचे शहापूरचे आमदार दौलत दरोडा हरवल्याची तक्रार नोंदवण्यात आली आहे. त्यांच्या मुलाने पोलिसांनी याबद्दल माहिती दिली आहे. मात्र दरोडा दिल्लीत जात असतानाचा फोटो व्हायरल झाल्याचा दावा प्रसारमाध्यमांनी केला आहे. 

राष्ट्रवादीचे नेते दिलीप वळसे पाटील यांची विधिमंडळपदी निवड झाली आहे. नुकतचं अजित पवार यांना विधिमंडळ पदावरून हटवण्यात आलं आहे, अशी माहिती सूत्रांकडून देण्यात आली आहे. अजित पवार यांची उचलबांगडी केल्यानंतर विधिमंडळ नेतेपदी दुसऱ्या नेत्याची निवड केली जाणार असल्याचं बोललं जात होतं. दरम्यान, राष्ट्रवादीचे नेते जयंत पाटील, दिलीप वळसे पाटील यांच्यापैकी एकाची विधिमंडळपदी वर्णी लागण्याची शक्यता वर्तवण्यात येत होती. 

अजित पवार यांना विधिमंडळ पदावरून हटवण्यात येणार आहे, अशी माहिती सूत्रांकडून देण्यात आली आहे. अजित पवार यांची उचलबांगडी केल्यानंतर विधिमंडळ नेतेपदी दुसऱ्या नेत्याची निवड केली जाणार आहे. राष्ट्रवादीचे नेते जयंत पाटील, दिलीप वळसे पाटील यांच्यापैकी एकाची विधिमंडळपदी वर्णी लागण्याची शक्यता आहे.

काँग्रेस, शिवसेना आणि राष्ट्रवादी काँग्रेसचे आमदार आज राज्याबाहेर जाणार आहेत, अशी माहिती राष्ट्रवादी पक्षाचे प्रमुख शरद पवार यांनी दिली आहे. यासाठी चार्टर्ड विमानाची व्यवस्था करण्यात आली आहे. काँग्रेस आमदारांना जयपूरला हलवणार असल्याचेही राजस्थानचे मुख्यमंत्री अशोक गेहलोत यांची सांगितले आहे. 

शशीकांत शिंदे, एकनाथ शिंदे यांनी बेपत्ता आमदार संजय बनसोडे यांना वाय. बी. सेंटरमध्ये आणलं आहे. संजय बनसोडे सकाळपासून गायब होते. शशीकांत शिंदे आणि एकनाथ शिंदे यांनी  बनसोडे यांना विमानतळावरून आणलं आहे. 

काहीही कर, पण उपमुख्यमंत्री पदाचा राजीनामा दे, असं भावनिक आवाहन राष्ट्रवादीच्या खासदार सुप्रिया सुळे यांचे अजित पवार यांना आवाहन  केलं आहे. सत्तेसाठी आपल्या कुटुंबात फुट नको, असंही सुप्रिया सुळे यांनी म्हटलं आहे. त्यामुळे आता सुप्रिया सुळे यांनी केलेल्या भावनिक आवाहनाला अजित पवार पाठिंबा देणार का? तसेच ते उपमुख्यमंत्री पदाचा राजीनामा देणार का? हे सर्व प्रश्न अद्याप कोड्यात आहेत. 

शपथविधीविरोधात काँग्रेस, शिवसेना, राष्ट्रवादी काँग्रेस न्यायालयात जाण्याच्या तयारीत असल्याची माहिती सूत्रांकडून देण्यात आली आहे. राष्ट्रवादी पक्षाचे नेते अजित पवार यांनी भाजपाला पाठिंबा दर्शवत उपमुख्यमंत्री पदाची शपथ घेतली. तर देवेंद्र फडणवीस यांनी उपमुख्यमंत्री पदाची शपथ घेतली. त्यामुळे शिवसेना, राष्ट्रवादी काँग्रेस, काँग्रेस कोर्टात जाण्याच्या तयारीत दाखवली आहे. 

अजित पवार श्रीनिवास पवार यांच्या ब्रायटन बंगल्यातून बाहेर पडले आहेत. परंतु, अजित पवार आता वर्षा बंगल्यावर जाणार की, राष्ट्रवादी काँग्रेसच्या बैठकीला हजेरी लावणार हे अद्याप गुलदस्त्यात आहे.

पक्ष फुटण्यापासून वाचवायचा असेल तर भाजपासोबत चला, असा निरोप राष्ट्रवादीचे नेते अजित पवार यांनी दिला आहे. त्यामुळे अजित पवार आता राष्ट्रवादीत येतील, असं वाटत नाही. अजित पवारांची समजूत घालण्यात राष्ट्रवादीला अपयश आलं आहे. तसेच सकाळपासून संपर्कात नसलेले राष्ट्रवादीचे नेत धनंजय मुंडे राष्ट्रवादीच्या बैठकीसाठी दाखल झाले आहेत.  शपथविधी सोहळ्यापासून गायब असलेले राष्ट्रवादीचे नेते धनंजय मुंडे अखेर सायंकाळी पक्षाच्या बैठकीला हजर झाले आहे. मुंबईतील यशवंतराव चव्हाण सभागृहात राष्ट्रवादीची बैठक होत आहे. या बैठकीसाठी मुंडे आले असून, त्यांनी माध्यमांशी संवाद करणे टाळलं आहे.

शिवसेना प्रमुख उद्धव ठाकरे ललित हॉटेलमधून बाहेर पडले आहेत. यावेळी त्यांनी शिवसेनेचाच मुख्यमंत्री होणार असा विश्वास व्यक्त केला आहे. तसेच आपल्या आमदारांना शांत राहण्याचा सल्ला दिला आहे. तसेच तीनही पक्ष एकत्र आहेत घाबरण्याचं काम नाही, असंही त्यांनी म्हटलं आहे. 

राष्ट्रवादी नेते धनंजय मुंडे राष्ट्रवादीच्या बैठकीसाठी दाखल झाले आहेत. दरम्यान, मुंडे यांनी शुक्रवारपासून मी कोणाच्याही संपर्कात नव्हतो, असं सांगितलं आहे. अजित पवार यांना धनंजय मुंडे यांचा पाठिंबा असल्याचे बोलले जात होते. परंतु, मुंडे स्वगृही परतले आहेत. राष्ट्रवादीच्या बैठकीला मुंडे दाखल होताच सुप्रिया सुळे यांचा चेहरा खुलला आणि त्यांनी माध्यमांना 'इन्शाह अल्ला', अशी प्रतिक्रिया दिली.

राष्ट्रवादी पक्षाच्या खासदार सुप्रिया सुळे यांनी मी अजित पवार यांना फोन केला नसल्याचं स्पष्ट केलं आहे. चुकीच्या बातम्यांकडे लक्ष देऊ नका, असंही त्यांनी म्हटलंय. 

राष्ट्रवादी पक्षातून बाहेर पडून भाजपाला पाठिंबा दर्शवणारे अजित पवार यांची समजूत काढण्यासाठी राष्ट्रवादी नेते दिलीप वळसे पाटील, हसन मुश्रीफ आणि सुनील तटकरे गेले होते. मात्र, त्यांना यात यश आलेलं नाही.

मुख्यमंत्रीपदाची शपथ घेतल्यावर देवेंद्र फडणवीस यांनी मुंबईतील भाजपा कार्यलयाबाहेर कार्यकर्त्यांसोबत आनंद साजरा केला. यावेळी, सर्वात आधी युतीतील सोबत असणारे मित्रपक्ष, राष्ट्रवादी नेते अजित पवार आणि अन्य अपक्ष आमदार यांचे आभार मानून त्यांनी पुढील पाच वर्षात अजित पवार यांच्या सोबत मिळून स्थिर आणि मजबूत सरकार स्थापन करू असा विश्वास देखील  व्यक्त केला आहे.

आज सकाळी मुख्यमंत्री पदाची शपथ घेतल्यावर देवेंद्र फडणवीस यांचे मुंबईतील भाजप कार्यलयात जल्लोषपूर्ण वातावरणात स्वागत करण्यात आले. यावेळी फडणवीस- पवार आज बढो अशा घोषणा देत कार्यकर्त्यांनी उत्साह दर्शवला  यावेळेस  विनोद तावडे, चंद्रकांत पाटील आशिष शेलार हे देखील उपस्थित होते.

अजित पवार यांनी आज सकाळी उपमुख्यमंत्रीपदाची शपथ घेतली असली तरी पुन्हा एकदा त्यांचे मन वळवण्याचा प्रयत्न राष्ट्रवादी काँग्रेस कडून केला जात असल्याचे दिसून येतेय. अजित पवार यांच्या भेटीसाठी पक्षाचे नेते सुनील तटकरे, दिलीप वळसे पाटील,  हसन मुश्रीफ हे श्रीनिवास पवार यांच्या निवासस्थानी पोहचले आहेत.