उद्धव ठाकरे यांच्या शपथ विधीला 400 शेतकर्‍यांच्या कुटुंबीयांना आमंत्रण देण्यात आलं आहे. उद्या शिवाजी पार्कवर हा उद्धव ठाकरे मुख्यमंत्री पदाची शपथ घेणार आहेत.
Live
Maharashtra Government Formation Live News Updates: उद्धव ठाकरे यांच्या शपथ विधीला 400 शेतकर्‍यांच्या कुटुंबीयांना आमंत्रण
आज महाराष्ट्र विधानसभाचं एकदिवसीय अधिवेशन घेण्यात आलं आहे. काल संध्याकाळी कालिदास कोळंबकर यांना हंगामी अध्यक्षपदी नियुक्त करण्यात आलं.
27 Nov, 21:05 (IST)
महाविकास आघाडीच्या सरकारमध्ये शिवसेना पक्षाचे उद्धव ठाकरे यांच्या नावावर शिक्कामोर्तब झाल्यानंतर आता त्यांच्या शपथविधी सोहळ्याच्या तयारीला सुरूवात झाली आहे. उद्या संध्याकाळी 6.40 ला शपथविधी होणार आहे.
27 Nov, 19:35 (IST)
राष्ट्रवादी काँग्रेस पक्षाच्या प्रमुख नेत्यांची एक बैठक वाय.बी. चव्हाण सेटंरमध्ये पार पडली. या बैठकीत अजित पवारही उपस्थित होते. अजित पवार यांच्या उपस्थितीमुळे ते पुन्हा एकदा राष्ट्रवादी काँग्रेस पक्षात सक्रीय झाल्याची चर्चा सुरु झाली आहे.
27 Nov, 17:59 (IST)
नितेश राणे यांनी भाजपामध्ये प्रवेश केल्यानंतर शिवसेनेशी जुळवून घेत राज्याचा कार्यभार सांभाळू असं म्हटलं होतं. मात्र आता नितेश राणे यांनी महाविकास आघाडीच्या सरकारमध्ये शिवसेनेच्या प्रवेशानंतर त्यांच्यावर टीका करत मातोश्रीवरून आदेश देणं सोप्प आहे आता उत्तरं द्यावी लागतील असा टोला लगावला आहे.
27 Nov, 17:33 (IST)
अजित पवार यांनी आपण राष्ट्रवादी पक्षातच होतो. त्यामुळे आगामी मंत्रिमंडळाच्या निर्णयामध्ये जो पक्ष निर्णय घेईल तो मान्य असेल असे म्हणत अजित पवार आज विधीमंडळाबाहेर पडले.
27 Nov, 17:25 (IST)
विधीमंडळामध्ये आज नवनिर्वाचित आमदारांचा शपथविधी सोहळा पार पडला आहे. या शपथविधीनंतर आमदार आदित्य ठाकरे बाहेर पडले. पत्रकारांशी बोलताना युवा आणि नव्या दम्याच्या सरकारमध्ये काम करताना आनंद होत आहे असल्याचं सांगत येत्या काळात नव्या महाराष्ट्रासाठी काम करणार असल्याचं म्हटलं आहे.
27 Nov, 17:05 (IST)
सिंचन घोटाळ्याचे पुरावे रद्दीत विकल्याचे सांगत आज एकनाथ खडसेंनी भाजपाच्या नेत्यांवर टीका केली आहे. यावेळेस सर्वांना एकत्र घेऊन लढलो असतो तर 25 अधिक जागा आल्या असता. असं म्हटलं आहे.
27 Nov, 16:38 (IST)
उद्धव ठाकरे यांच्या शपथविधी सोहळ्याला बंधू राज ठाकरे यांच्या उपस्थितीची शक्यता आहे. आदित्य ठाकरेंच्या पाठोपाठ शिवसेना पक्ष प्रमुख उद्धव ठाकरे आता थेट सक्रिय राजकारणात उतरणार आहेत. ठाकरे कुटुंबातील 'उद्धव ठाकरे' हे पहिलेच मुख्यमंत्री ठरणार आहेत. उद्या संध्याकाळी शिवाजी पार्क वर हा शपथविधी सोहळा पार पडणार आहे.
27 Nov, 16:14 (IST)
महाविकास आघाडीच्या नेत्यांची आज मुंबईत बैठक होण्याची शक्यता आहे. दरम्यान कॉंग्रेसचे नेते दिल्लीहून मुंबईत दाखल होण्यास सुरूवात झाली आहे. आज दुपारी 12 च्या सुमारास एनसीपी अध्यक्ष शरद पवार यांच्या निवासस्थानी बैठकीची शक्यता आहे.
27 Nov, 15:18 (IST)
संजय राऊत यांनी आज पत्रकार परिषदे दरम्यान भाजपाला टोला लगावला आहे. दरम्यान आपलं मिशन पूर्ण झालं आहे. शिवसेनेचं सूर्ययान मंत्रालयाच्या सहाव्या मजल्यावर सुरक्षित लॅन्ड झालं आहे. असं म्हणत उद्धव ठाकरेंनाही शुभेच्छा दिल्या आहेत.
27 Nov, 15:00 (IST)
महाविकास आघाडीच्या नेते पदी उद्धव ठाकरे यांची निवड झाल्यानंतर आता उपमुख्यमंत्री पदावर कोण बसणार? याची चर्चा सुरू आहे. दरम्यान जयंत पाटील, बाळासाहेब थोरात यांची नावं चर्चेत आहेत. मात्र अद्याप अंतिम निर्णय झालेला नसल्याचे आज बाळासाहेब थोरात यांनी स्पष्ट केलं आहे.
27 Nov, 14:51 (IST)
महाविकास आघाडीचे नेते आणि शिवसेनेचे मुख्यमंत्री पदाचे दावेदार उद्धव ठाकरे राजभवनावर पोहचले आहेत. आज उद्धव ठाकरे आणि रश्मी ठाकरे यांनी भगत सिंह होश्यारी यांची भेट घेतली आहे.
27 Nov, 14:47 (IST)
महाविकास आघाडीचं सरकार स्थापन होण्याच्या पार्श्वभूमीवर आता शिवसेना, कॉंग्रेस आणि राष्ट्रवादीमध्ये हालचालींना वेग आला आहे. आज संजय राऊत यांनी 'अभी तो पूरा आसमान बाकी है' म्हणत ट्विट केलं आहे.
27 Nov, 14:26 (IST)
उद्धव ठाकरे उद्या (28 नोव्हेंबर) मुख्यमंत्रीपदाची शपथ घेणार आहेत. त्यापूर्वी आज उद्धव ठाकरे आज राजभवनावर पोहचले आहेत. थोड्याच वेळात ते राज्यपाल भगतसिंह कोश्यारी यांची भेट घेणार आहेत.
27 Nov, 14:17 (IST)
आज राज्यात एक दिवसीय विशेष विधीमंडळ अधिवेशन आयोजित करण्यात आलं आहे. राज्यातील 287 आमदारांना हंगामी अध्यक्ष कालिदास कोळंबकर शपथ देत आहेत. दरम्यान आज विधीमंडळाच्या गेटवर सुप्रिया सुळे यांनी आमदारांचे स्वागत केले.
Maharashtra MLAs Oath Ceremony: सर्वोच्च न्यायालायाने काल महाविकसआघाडीच्या तातडीच्या बहुमत चाचणी घेण्याच्या याचिकेवर सुनावणी करताना देवेंद्र फडणवीस सरकारला 30 तासांमध्ये बहुमत सिद्ध करावं लागणार होतं. त्यानंतर राज्यात राजकीय घडामोडींचा वेग वाढला. त्यानंतर अजित पवार यांनी उपमुख्यमंत्री आणि देवेंद्र फडणवीस यांनी मुख्यमंत्री पदाचा राजीनामा दिल्यानंतर शिवसेना, कॉंग्रेस आणि राष्ट्रवादी कॉंग्रेसच्या सत्ता स्थापनाचा मार्ग मोकळा झाला आहे. आज महाराष्ट्र विधानसभाचं एकदिवसीय अधिवेशन घेण्यात आलं आहे. काल संध्याकाळी कालिदास कोळंबकर यांना हंगामी अध्यक्षपदी नियुक्त करण्यात आलं. शिवसेना प्रमुख उद्धव ठाकरे होणार महाराष्ट्राचे नवीन मुख्यमंत्री; जाणून घ्या 'मातोश्री' ते 'वर्षा'पर्यंतचा त्यांचा प्रवास.
आज कालिदास कोळंबकर यांच्याकडून 287 नव निर्वाचित विधानसभा आमदारांचा शपथविधी सोहळा पार पडणार आहे. दरम्यान उद्या उद्धव ठाकरे मुख्यमंत्री पदाची शपथ घेणार आहेत. त्यासाठी शिवाजी पार्कावर जय्यत तयारी करण्यात आली आहे.
राज्यातील पक्षीय बलाबल पाहता भाजप (BJP) – 105, शिवसेना (Shiv Sena) – 56, राष्ट्रवादी काँग्रेस (NCP) – 54, काँग्रेस(Congress) – 44, बहुजन विकास आघाडी – 03, प्रहार जनशक्ती – 02, एमआयएम – 02, समाजवादी पक्ष – 02, मनसे – 01, माकप – 01, जनसुराज्य शक्ती – 01, क्रांतिकारी शेतकरी पक्ष – 01, शेकाप – 01, रासप – 01, स्वाभिमानी – 01, अपक्ष – 13 जागांवर विजयी झाले आहेत
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)
Tags
BJP
Congress
Live Breaking News Headlines
Maharashtra Assembly Election
Maharashtra government
Maharashtra Government Formation
Maharashtra Vidhan Sabha
NCP
Shiv Sena
आमदार शपथविधी
कालिदास कोळंबकर
कॉंग्रेस
भाजपा
महाराष्ट्र विधानसभा
महाराष्ट्र विधानसभा निवडणूक
महाराष्ट्र सरकार
राष्ट्रवादी कॉंग्रेस
विधानसभा अध्यक्ष
शिवसेना