QuickLY
Socially
Rajmata Jijabai Jayanti 2021: आज राजमाता जिजाऊ यांची जयंती सर्वत्र साजरी होत आहे. मराठा साम्राज्याचे संस्थापक छत्रपती शिवाजी महाराजांच्या आई होत्या. सिंदखेडचे लखुजी जाधव हे जिजाबाईंचे वडील होते. जिजाऊंचा जन्म 12 जानेवारी 1598 रोजी दौलताबाद येथे झाला. इ.स.1605 मध्ये जिजाबाईंचा शहाजीराजांशी दौलताबाद येथे विवाह झाला. राजमाता जिजाऊ यांच्या जयंतीनिमित्त गृहमंत्री अनिल देशमुख, उदयनराजे भोसले, जितेंद्र आव्हाड, रोहित पवार, धनंजय मुंडे आदी नेत्यांनी ट्विटरद्वारे विनम्र अभिवादन केलं आहे.
राजमाता जिजाऊ यांच्या जयंतीनिमित्त गृहमंत्री अनिल देशमुख यांनी आपल्या अधिकृत ट्विटर हँडलवरून अभिवादन केलं आहे. यात त्यांनी म्हटलं आहे की, स्वराज्याचे निर्माते छत्रपती शिवाजी महाराज आणि स्वराज्यरक्षक छत्रपती संभाजी महाराज यांना घडविणाऱ्या, स्वराज्याच्या जडणघडणीत महत्त्वाचा वाटा असणार्‍या राजमाता जिजाऊ माँसाहेब यांना जयंती निमित्त विनम्र अभिवादन! (Rajmata Jijabai Jayanti 2021 Wishes: राजमाता जिजाबाई जयंती निमित्त Messages, WhatsApp Status वापरत आपण देऊ शकता ऐतिहासिक स्मृतींना उजाळा)
अनिल देशमुख ट्विट -
स्वराज्याचे निर्माते छत्रपती शिवाजी महाराज आणि स्वराज्यरक्षक छत्रपती संभाजी महाराज यांना घडविणाऱ्या, स्वराज्याच्या जडणघडणीत महत्त्वाचा वाटा असणार्‍या राजमाता जिजाऊ माँसाहेब यांना जयंती निमित्त विनम्र अभिवादन! pic.twitter.com/g9BOUhYWFf
— ANIL DESHMUKH (@AnilDeshmukhNCP) January 12, 2021
छत्रपती उदयनराजे भोसले ट्विट -
छत्रपती शिवाजी महाराजांना अन्यायाविरूद्ध लढण्याचे, शूरतेचे बाळकडू देणाऱ्या आद्यगुरू, रयतेच्या हितासाठी कायम दक्ष असलेल्या प्रजावत्सल राजमाता, स्वराज्यजननी जिजाऊ यांची महती इतिहासात कायम अजरामर राहील. राजमाता जिजाऊंच्या तेजस्वी व्यक्तिमत्वास शतशः नमन.#राजमाता_जिजाऊ_जन्मोत्सव pic.twitter.com/uGWDy0aJM3
— Chhatrapati Udayanraje Bhonsle (@Chh_Udayanraje) January 12, 2021
वर्षा गायकवाड ट्विट -
जिजा माऊली गे तुला वंदितो मी,
जिजाऊच साक्षात वात्सल्य नामी ॥
तुझ्या पाऊली लीन आम्ही सदाही,
तुझ्या साऊली हीन कोणीही नाही;
नसे दास कोणी नसे राव-स्वामी ॥
राजमाता, माँसाहेब जिजाऊंना जयंतीदिनी विनम्र अभिवादन आणि मानाचा मुजरा! pic.twitter.com/KDmbsKnvlJ
— Varsha Gaikwad (@VarshaEGaikwad) January 12, 2021
रोहित पवार ट्विट -
माँ जिजाऊंच्या जयंतीनिमित्त मंत्रालयात त्यांच्या प्रतिमेला अभिवादन केलं! https://t.co/HexEVFTnog pic.twitter.com/XKk0BUu05C
— Rohit Pawar (@RRPSpeaks) January 12, 2021
जितेंद्र आव्हाड ट्विट -
स्वराज्यप्रेरीका,स्वराज्यजननी,
मुत्सद्दीपणा,नीतिमत्ता आणि बुद्धिमत्ता यांचा सुरेख संगम,राष्ट्रमाता,राजमाता जिजाऊ माँ साहेब यांच्या जन्मोत्सव सोहळ्याच्या तमाम नागरिकांना लक्ष लक्ष शुभेच्छा...! pic.twitter.com/VqiuiARlAX
— Dr.Jitendra Awhad (@Awhadspeaks) January 12, 2021
धनंजय मुंडे ट्विट -
छत्रपती शिवाजी महाराजांना संघटन ते युद्धनीती असे बाळकडू लहानपणीपासून देणाऱ्या स्वराज्य संकल्पिका, राजमाता जिजाऊ माँसाहेब यांना जयंतीनिमित्त विनम्र अभिवादन. pic.twitter.com/ENij6K5Fec
— Dhananjay Munde (@dhananjay_munde) January 12, 2021
जिजाबाईंना एकूण आठ अपत्ये होती. त्यापैकी सहा मुली व दोन मुलगे होते. त्यांचा थोरला मुलगा संभाजी हा शहाजी राजांजवळ वाढला तर शिवाजी राजांची संपूर्ण जबाबदारी जिजाबाईंवर होती. जिजाऊंनी शिवाजी महारांजांना स्वराज्याचं स्पप्न दाखवलं आणि ते सत्यात उतवण्यासाठी त्यांना प्रबळ इच्छाशक्ती व ज्ञान दिलं. जिजाऊंमुळे शिवराजांनी स्वराज्य स्थापन केलं. आज जिजाऊंच्या जयंतीनिमित्त संपूर्ण महाराष्ट्रातील दिग्गज नेत्यांनी राजमातेला अभिवादन केलं आहे.
