Landslide in Malshej Ghat: माळशेज घाटात रिक्षा वर दरड कोसळून दोघांचा मृत्यू; 3 जखमी

मुंबई, पुणे सह आजुबाजूच्या भागात पावसाला जोरदार सुरूवात झाली असल्याने आता पडझडीच्या घटना देखील समोर येत आहेत. कल्याण वरून अहमदनगरला जाणार्‍या राष्ट्रीय महामार्ग 222 वर माळशेज घाटामध्ये (Malshej Ghat) दरड कोसळून दोन जणांचा मृत्यू झाल्याची घटना समोर आली आहे. मुंबई वरून अहमदनगरला आपल्या गावी जात असताना हा अपघात झाला. यामध्ये मृत्यू पावलेले दोन जण काका-पुतण्या आहेत तर अन्य तीन जण जखमी आहेत.

मुलुंड वरून भालेराव कुटुंबीय अहमदनगरला संगमनेर तालुक्यातील चंदनापूर या आपल्या मूळ गावी जात होते. मुरबाड नंतर टोकावडे पोलिस स्टेशनच्या हद्दीमध्ये घाट रस्त्याने जात असताना अचानक रिक्षावर दरड कोसळली आणि त्यामध्ये या दोघांचा मृत्यू झाला. रिक्षामध्ये तिघांनी प्रसंगावधान दाखवत स्वतःचा जीव वाचवला. दरम्यान ही दरड कोसळल्याची घटना समजताच स्थानिक पोलिस आणि अधिकारी घटनास्थळी दाखल झाले. ही घटना आज पहाटे 4.30 च्या सुमाराची आहे. मागील काही दिवसांपासून या भागात जोरदार पाऊस कोसळत आहे. Malshej Ghat Tanker Accident: माळशेज घाटात दोन टॅंकरची धडक, भीषण अपघातात चार दगावले .

पावसाळ्यामध्ये माळशेज घाटात निसर्गाचं नयनरम्य दृश्य पाहण्यासाठी अनेक पर्यटक गर्दी करतात पण या भागात दरड कोसळण्याच्या घटना दरवर्षी घडत असल्याने पर्यटक आणि या मार्गावरून वाहतूक करणारे प्रवासी देखील जीव मुठीत घेऊन ये-जा करत असतात. या भागात काही ठिकाणी नेट फेंसिंग केले आहे मात्र हा भाग दरडरडप्रवण क्षेत्र असून दरवर्षी या ठिकाणी असे अपघात होत असतात.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)