QuickLY
Socially
No Fire Safety In Local Trains: मुंबई लोकल ट्रेनमध्ये (Mumbai Local Train) अग्निसुरक्षा सुविधांचा अभाव असल्याचा धक्कादायक खुलासा मुख्य रेल्वे सुरक्षा आयुक्त (CCRS) चा वार्षिक अहवालात झाला आहे. 2021-22 च्या वार्षिक अहवालात, CCRS ने भारतीय रेल्वे, विशेषत: लोकल ट्रेनमधील अग्निसुरक्षा उपायांच्या संबंधित स्थितीकडे लक्ष वेधले आहे. एका अहवालात, CCRS ने गाड्यांमध्ये आग शोधण्याची आणि दमन यंत्रणा नसल्याचा खुलासा केला आहे, ज्यामुळे लाखो प्रवाशांच्या सुरक्षिततेला धोका निर्माण झाला आहे.
या समस्येबद्दल विचारले असता, एका वरिष्ठ रेल्वे अधिकाऱ्याने सांगितले की, MEMU (मेनलाइन इलेक्ट्रिक मल्टिपल युनिट) आणि कमी अंतरासाठी कार्यक्षम असलेल्या EMU गाड्यांमध्ये आग नियंत्रणात आणण्यासाठी यंत्रणा उपलब्ध नाही. त्यावर संबंधित अधिकारी काम करत असल्याचे त्यांनी सांगितले. त्याचप्रमाणे पश्चिम रेल्वेच्या एका अधिकाऱ्यानेही सांगितले की, लोकल ट्रेनमध्ये फायर डिटेक्शन सिस्टिम बसवण्याचे काम सुरू आहे. (हेही वाचा - ED Raid in Mumbai: संजय राऊतांचे निकटवर्तीय सुजीत पाटकर आणि उद्धव ठाकरे गटाच्या नेत्यांवर ईडीची छापेमारी, BMC कोविड घोटाळ्याप्रकरणी IAS अधिकारीही रडारवर)
लोकल ट्रेनमध्ये अग्निसुरक्षा सुविधांचा अभाव -
मुंबई लोकलने दररोड लाखो प्रवासी प्रवास करतात. एवढी प्रचंड गर्दी असूनही, लोकल ट्रेनच्या डब्यांमध्ये प्रवासी भागात उष्णता आणि धूर शोधक यांसारख्या महत्त्वाच्या अग्निसुरक्षा वैशिष्ट्यांचा अभाव आहे. CCRS ने ट्रेनच्या मुख्य कंट्रोल पॅनलला इंटरफेससह अग्निसुरक्षा उपकरणे बसवण्याच्या तातडीच्या गरजेवर भर दिला.
या अहवालात लोकल ट्रेनमधील इलेक्ट्रिकल क्यूबिकल्स आणि पॅनल रूम यासारख्या गंभीर क्षेत्रांवर प्रकाश टाकण्यात आला आहे, ज्यामध्ये स्मोक कम हीट डिटेक्टर नाहीत. आगीच्या घटना रोखण्यासाठी या असुरक्षित भागात ऑप्टिकल फायबर-आधारित रेखीय उष्णता शोधक बसवण्याचा प्रस्ताव अहवालात मांडण्यात आला आहे.
केवळ मोटरमन/गार्ड कॅबमध्ये अग्निशामक यंत्रांची सध्याची तरतूद अपुरी असल्याचे निदर्शनास आणून देत, अहवालाने सर्व गाड्या स्वयंचलित अग्निशमन यंत्रणेसह सुसज्ज करण्याची जोरदार शिफारस केली आहे. याशिवाय आग लागल्यास आगीचे कारण शोधण्यासाठी गाड्यांमध्ये सीसीटीव्ही कॅमेरे बसविण्याची सूचनाही करण्यात आली. रेकॉर्ड केलेल्या फुटेजचे संरक्षण करण्यासाठी, विमानात वापरल्या जाणार्‍या ब्लॅक बॉक्स सारख्या स्टोरेज उपकरणांची शिफारस करण्यात आली होती.
