Guillain-Barré Syndrome In Pune: पुण्यात गुइलेन-बॅरे सिंड्रोमचा प्रादुर्भाव वाढला; चाचणीत शहरातील 'या' 7 ठिकाणाचे पाणी आढळले बॅक्टेरियामुळे दूषित

Guillain-Barré Syndrome In Pune: पुण्यात गुइलेन-बॅरे सिंड्रोम (GBS) या दुर्मिळ न्यूरोलॉजिकल डिसऑर्डरचे रुग्ण वाढत असल्याचे दिसत आहे. या आजाराबाबत राज्य सरकार व आरोग्य विभाग सध्या अलर्ट मोडवर आहे, मात्र दुसरीकडे सुरक्षित पिण्याचे पाणी पुरवण्यात अपयशी ठरल्याबद्दल रहिवाशांनी प्रशासनावर टीका केली आहे. मात्र पुणे महानगरपालिका (PMC) ने शहराला पुरवल्या जाणाऱ्या पाण्यात कोणतेही दूषित पदार्थ नसल्याचे सांगितले आहे. अलिकडच्या निष्कर्षांवरून असे दिसून आले आहे की, जीबीएसच्या प्रादुर्भावाने प्रभावित झालेल्या भागातील पाण्यासह किमान आठ स्त्रोतांमधील पाण्यात बॅक्टेरिया दूषिततेची चाचणी सकारात्मक आली आहे.

पाण्यात आढळलेले बॅक्टेरिया-

TOI च्या अहवालानुसार, चाचणी केलेल्या 110 नमुन्यांपैकी, आठ नमुन्यांमध्ये हे जीवाणू आढळले आहेत. राज्य आरोग्य विभागाच्या एका वरिष्ठ अधिकाऱ्याने याबाबत माहिती दिली. अहवालात असे म्हटले आहे की, आढळलेल्या बॅक्टेरियांमध्ये ई. कोलाई, थर्मोटोलेरंट बॅक्टेरिया आणि कोलायफॉर्म होते. मात्र या बॅक्टेरियाचे जीबीएसशी थेट चाचणी करता आली नाही, तरी जगातील आरोग्य संघटनेनुसार ई. कोलाईची उपस्थिती ही बाब पाणी दुषित असल्याचे सूचित करते. (हेही वाचा: Guillain-Barre Syndrome in Maharashtra: गुईलेन बॅरे सिंड्रोमबाबत महाराष्ट्र अलर्टमोडवर; मुख्यमंत्र्यांनी आरोग्य विभागाला दिले निर्देश, जाणून घ्या लक्षणे व बचावाच्या उपाययोजना)

पुढील ठिकाणी आढळले दुषित पाणी-

खडकवासला धरण

डीएसके विश्व संकुलाला पाणीपुरवठा करणारी मुख्य टाकी

डीएसके विश्व येथील निसर्ग सोसायटी येथील सार्वजनिक नळ

नांदेड फाटा येथील विहीर

पिंपरी-चिंचवड येथील वास्तु उद्योग कॉलनीतील सार्वजनिक नळ

पिंपरीतील सहयोग नगर येथील बोअरवेल

पिंपरीतील सहयोग नगर येथील नळाचे पाणी

वाढत्या रुग्णसंख्येच्या पार्श्वभूमीवर पुणे महानगरपालिकेचे आयुक्त राजेंद्र भोसले यांनी संबंधित विभागांची बैठक घेतली आणि रोगाचा प्रादुर्भाव रोखण्यासाठी सूचना दिल्या. पुणे शहर आणि नव्याने विलीन झालेल्या 23 गावांमध्ये पाणीपुरवठा आणि ड्रेनेजबाबत उपाययोजना राबविण्यास विभागांना सांगण्यात आले. पाण्याच्या टाक्या आणि विहिरी ताडपत्रीने आणि कुंपणाने झाकण्यासाठी पाणीपुरवठा विभागाने आवश्यक पावले उचलावीत. पाणीपुरवठा करणाऱ्या टँकर चालकांना सूचना द्याव्यात आणि रोगांबाबत मार्गदर्शक तत्त्वे आणि सल्लागार उपाययोजना देण्यासाठी त्यांच्यासोबत बैठक आयोजित करावी, असे पीएमसीने जारी केलेल्या प्रसिद्धीपत्रकात म्हटले आहे.

दरम्यान, मंगळवारी पुण्यात गुइलेन-बॅरे सिंड्रोमचा एक नवीन रुग्ण आढळला, असे आरोग्य अधिकाऱ्यांनी सांगितले. अशा प्रकारे, संशयित जीबीएस रुग्णांची संख्या 111 झाली आहे, त्यापैकी 13 रुग्ण व्हेंटिलेटरवर आहेत. महाराष्ट्रात काल मंत्रिमंडळाची बैठक झाली ज्यामध्ये जीबीसीवर अतिशय गांभीर्याने चर्चा करण्यात आली. गुईलेन बॅरे सिंड्रोमच्या रुग्णांवर उपचार करण्यासाठी शासकीय रुग्णालयात  विशेष व्यवस्था निर्माण करावी, अशा सूचना मुख्यमंत्री देवेंद्र फडणवीस यांनी दिल्या.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)