India Post GDS Result: भारतीय पोस्टच्या महाराष्ट्र आणि बिहार सर्कलचा निकाल जाहीर; इथे पहा कसे पहाल तुमचे मार्क्स?
महाराष्ट्रात पोस्टाच्या या भरतीद्वारे महाराष्ट्र टपाल विभागात 2428 पदांची भरती केली जाणार आहे. त्यासाठी घेण्यात आलेल्या परीक्षेचा निकाल जाहीर करण्यात आला आहे.
भारतीय पोस्ट (India Post) कडून ग्रामीण डाक सेवक नोकरभरती परीक्षा 2021 (Gramin Dak Sevak Recruitment Exam) चा महाराष्ट्र आणि बिहार सर्कलचा निकाल जाहीर करण्यात आला आहे. ज्या उमेदवारांनी या परीक्षेसाठी अर्ज केला आहे त्यांना आपला निकाल ऑनलाईन अधिकृत वेबसाईट appost.in वर तपासता येणार आहे. ऑनलाईन निकाल पीडीएफ स्वरूपात जाहीर करताना उमेदवारांचे रजिस्ट्रेशन नंबर, त्यांनी मिळवलेली टक्केवारी, डिव्हिजन, पोस्ट नेम आणि बाकी तपशील देण्यात आले आहेत. हे देखील नक्की वाचा: RBI Recruitment 2022: रिझर्व्ह बॅंक ऑफ इंडिया मध्ये Specialist Officer ची नोकरभरती; 4 फेब्रुवारी पर्यंत करा rbi.org.in वर अर्ज .
India Post GDS Result 2021 कसा पहाल?
- भारतीय पोस्ट ची अधिकृत वेबसाईट appost.in ला भेट द्या.
- त्यानंतर रिझल्ट टॅब मध्ये तुम्हांला ज्या सर्कलचा निकाल पहायचा आहे तो बिहार / महाराष्ट्र सर्कल निवडा.
- आता एक पीडीएफ फाईल डाऊनलोड होईल.
- तुमच्याकडे पीडीएफ फाईल डाऊनलोड झाली की निकाल पाहता येऊ शकतो.
दरम्यान उमेदवारांच्या उच्च शिक्षणाच्या पात्रता निकषावरून नव्हे तर निकालावरून आपोआप तयार झालेल्या मेरीट लिस्टच्या आधारे विद्यार्थ्यांची निवड केली जाणार आहे. महाराष्ट्रात पोस्टाच्या या भरतीद्वारे महाराष्ट्र टपाल विभागात 2428 पदांची भरती केली जाणार आहे. यामध्ये सर्वसाधारण प्रवर्गासाठी 1105, आर्थिक दुर्बल घटकासाठी 246, ओबीसीसाठी 565, अनुसूचित जातीसाठी191, अनुसूचित जमातीसाठी 244 आणि पीएच प्रवर्गासाठी 77 जागा आहेत.
(The above story first appeared on LatestLY on Jan 20, 2022 01:11 PM IST. For more news and updates on politics, world, sports, entertainment and lifestyle, log on to our website latestly.com).
