Worms Found in Amul Buttermilk Package: अमूल ब्रँडच्या आईस्क्रीममध्ये किडा आढळल्याची घटना घडल्यानंतर आता अमूलच्या ताकामध्ये किडा आढळल्याचे समोर आले आहे. त्यामुळे जर तुम्हीही पॅकबंद अन्न खाण्याचे शौकीन असाल तर काळजी घ्या. कोणतेही सीलबंद अन्न न तपासता खाल्ल्याने अशा गोष्टींना सामोर जावं लागेल. @imYadav31 नावाच्या युजरने एक्स पोस्ट करत त्याबाबतची तक्रार अमूलकडे केली आहे. एक्स पोस्टमध्ये त्याने म्हटेल की, 'त्याला अमूलच्या हाय प्रोटीन ताकात कीडा आढळला. कंपनीला टॅग करताना वापरकर्त्याने लिहिले की, मी अमूल ब्रँडच्या गुणवत्तेबाबतच्या वचनबद्धतेसाठी नेहमीच विश्वास ठेवला आहे, परंतु या घटनेमुळे अमूल उत्पादनांची गुणवत्ता आणि सुरक्षिततेबाबत गंभीर चिंता निर्माण झाली आहे.' (हेही वाचा:Mumbai Airport Gold Seized: मुंबई विमानतळावर कस्टम विभागाची मोठी कारवाई; 9 कोटींचं सोनं जप्त, 7 जणांना अटक )

पोस्ट पहा

वापरकर्त्याने पुढे लिहिले की, ताक ऑनलाइन ऑर्डर केल्यानंतर, पॅकेट फोडताच, त्यातून तीव्र दुर्गंधी येत होती. ताक आधीच खराब झालेलं दिसत होतं. या घटनेमुळे अमूलच्या उत्पादन आणि पॅकेजिंग प्रक्रियेच्या अखंडतेवर प्रश्नचिन्ह उपस्थित झाले आहे.