Akola National Highway Accident: अकोला जवळील राष्ट्रीय महामार्गावर रिधोरा येथे भीषण अपघात, चौघाचा मृत्यू

अकोला (Akola) नजीक असलेल्या रिधोरा येथे राष्ट्रीय महामार्ग (National Highway Accident) क्रमांक सहावर झालेल्या भीषण अपघातात (Akola National Highway Accident) चौघांचा मृत्यू झाला आहे. या अपघातात तिघे जण जागीच ठार झाले तर एकाचा उपचारादरम्यान मृत्यू झाला. रिधोरा (Ridhora) येथील रिलायन्स पेट्रोल पंपाजवळ ही घटना घडली. प्राप्त माहितीनुसार, शुक्रवारी मध्यरात्रीच्या सुमारास ही घटना घडली. भरधाव वेगात असलेले ट्रक आणि कार यांची धडक होऊन हा अपघात घडला. घटनास्थळावर कारचा अक्षरशः चुराडा झाल्याचे पाहायला मिळते आहे. अपघातात मृत्यू झालेले सर्वजण वाशिम जिल्ह्यातील मालेगाव तालुक्यातील पांगरीकुटे येथील रहिवासी असल्याचे समजते.

घटनेबाबत माहिती अशी की, एमएच 37 G 8262 क्रमांकाची एक कार शेगावकडून वाशिमच्या दिशेने जात होती. कार रिधोरा नजीक रिलायन्स पेट्रोल पंपाजवळ आली. याच वेळी विरुद्ध दिशेने येणाऱ्या एका भरधाव ट्रकने कारला जोरदार टक्कर दिली. यात कारमधील तिघांचा जागीच मृत्यू झाला. तर एकाचा उपचारादरम्यान मृत्यू झाला. घटनेची माहिती मिळताच पोलीस आणि स्थानिक नागरिक घटनास्थळी दाखल झाले.

घटनास्थळावर प्रथम पोहोचलेल्या काही प्रत्यक्षदर्शिंनी सांगितले की, अपघात भीषण होता. कारचा चुराडा झाला होता. तर कारमध्ये असलेल्या तिघांचा जागीच मृत्यू झाला होता. एकामध्ये काहीशी जाणीव दिसत होती. त्याला अकोला सरोपचार रुग्णालयात दाखल करण्यात आले पण उपचारादरम्यान त्याचा मृत्यू झाला. बाळापूर पोलिसांनी अपघाताची नोंद घेतली असून, तपास सुरु केला आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)