Mumbai: दारूच्या नशेत मित्राने दुचाकी डिव्हायडरवर घातली; मागे बसलेल्या 21 वर्षीय महिलेचा मृत्यू
एफआयआरनुसार, पहाटे 5.30 च्या सुमारास हे तिघे साकीनाका येथे पार्टी करून परतत असताना हा भीषण अपघात झाला. आकृती सेंटर स्टार सेंट्रल रोड, एमआयडीसी, अंधेरी पूर्वजवळ आल्यानंतर देवळेकर यांचे मोटारसायकलवरील नियंत्रण सुटले आणि ती दुभाजकावर आदळली.
Mumbai: मद्यधुंद अवस्थेत दुचाकी चालवणे एका तरुणाला चांगलं महागात पडलं आहे. दुचाकीवर मागे बसलेल्या 21 वर्षीय महिलेचा अपघातात (Accident) मृत्यू (Death) झाला आहे. मद्यधुंद अवस्थेत असलेल्या मित्राचा बाईकवरील ताबा सुटला, ज्यावर ते ट्रिपल सीट जात होते. दुचाकी दुभाजकावर आदळल्याने मागे बसलेल्या निकिता सिंग या तरुणीचा मृत्यू झाला. याशिवाय मृत महिलेचा मित्र आदेश देवळेकर (23) आणि सूरज सिंग (19) किरकोळ जखमी झाले आहेत. आदेश देवळेकरला मद्यपान करून गाडी चालवल्याप्रकरणी अटक करण्यात आली आहे.
एफआयआरनुसार, पहाटे 5.30 च्या सुमारास हे तिघे साकीनाका येथे पार्टी करून परतत असताना हा भीषण अपघात झाला. आकृती सेंटर स्टार सेंट्रल रोड, एमआयडीसी, अंधेरी पूर्वजवळ आल्यानंतर देवळेकर यांचे मोटारसायकलवरील नियंत्रण सुटले आणि ती दुभाजकावर आदळली. (हेही वाचा -Pune Crime: पुणे शिरूर तालुक्यात सशस्त्र दरोडा, हल्ल्यात वृद्ध महिला ठार)
या अपघातात निकिताच्या डोक्याला गंभीर दुखापत झाली. इतर दोघांनी तिला जोगेश्वरी पूर्व येथील ट्रॉमा केअर रुग्णालयात नेले, तेथे तिला मृत घोषित करण्यात आले. निकिताची आई एका खाजगी रुग्णालयात काम करते, तर तिचे वडील मजूर आहेत. (हेही वाचा -Man Attempts Suicide in Mantralaya: मुंबईतील मंत्रालय इमारतीच्या तिसऱ्या मजल्यावरून उडी मारून व्यक्तीचा आत्महत्येचा प्रयत्न, व्हिडिओ व्हायरल (Watch))
आईच्या तक्रारीच्या आधारे देवळेकर यांच्याविरुद्ध भारतीय दंड संहिता कलम 279 (रॅश ड्रायव्हिंग) आणि 304 (दोषी हत्याकांड), मोटार वाहन कायद्यातील तरतुदी 128 (एकापेक्षा जास्त व्यक्तींना घेऊन जाणे) आणि 185 (नशेत वाहन चालवणे) अन्वये गुन्हा दाखल करण्यात आला आहे.
(The above story first appeared on LatestLY on Mar 18, 2024 07:39 PM IST. For more news and updates on politics, world, sports, entertainment and lifestyle, log on to our website latestly.com).
