Maharashtra Covid-19 Vaccination: महाराष्ट्रातील 50 टक्के मुलांना मिळाला लसीचा पहिला डोस, मुंबईची स्थिती गंभीर

Maharashtra Covid-19 Vaccination: महाराष्ट्र राज्याने गेल्या 25 दिवसांत अंदाजे किशोरवयीन लोकसंख्येपैकी निम्म्या लोकांना कोविड-19 लसीचा एक डोस दिला आहे. 3 जानेवारी 2022 पासून 15 ते 17 वर्षे वयोगटातील लोकसंख्येचे लसीकरण करण्याची मोहीम सुरू करण्यात आली. या वयोगटातील मुलांना आतापर्यंत एकूण 30.9 लाख डोस देण्यात आले आहेत. तथापि, राज्याची व्याप्ती अजूनही राष्ट्रीय सरासरीच्या 59 टक्क्यांपेक्षा कमी आहे.

महाराष्ट्रातील 51 टक्के मुलांनी घेतला लसीचा पहिला डोस -

महाराष्ट्रात 15 ते 17 वयोगटातील अंदाजे 60.63 लाख मुले आहेत. अधिकाऱ्यांनी सांगितले की, 51% मुलांनी लसीचा पहिला डोस घेतला आहे. राज्य लसीकरण अधिकारी डॉ.सचिन देसाई म्हणाले, फेब्रुवारीपर्यंत या गटातील सर्व लोकांना लसीकरण करण्याचे आमचे लक्ष्य आहे. महाविद्यालये आणि शाळा पुन्हा सुरू झाल्यानंतर मोहिमेला गती मिळण्याची अपेक्षा आहे. अलीकडे, या गटासाठी सरासरी दैनंदिन लसीकरण संख्या सुरुवातीच्या दिवसांत सुमारे एक लाख वरून 45,000-50,000 पर्यंत घसरली आहे. (वाचा - Corona Virus Update: कोरोना परिस्थिती नियंत्रणात, ओमिक्रॉनच्या पुढील प्रसाराला तोंड देण्यासाठी प्रशासन सज्ज, महाराष्ट्र सरकारची मुंबई उच्च न्यायालयाला माहिती)

महाराष्ट्रात 'या' जिल्ह्यांमध्ये सर्वाधिक लस देण्यात आल्या आहेत.

महाराष्ट्रात 15 ते 17 वयोगटातील बालकांना लस देणाऱ्या जिल्ह्यांमध्ये पुण्यात 2 लाख 85 हजार 767 आणि ठाण्यात 2 लाख 53 हजार 977 जणांना डोस देण्यात आले आहेत. त्यापाठोपाठ मुंबईत 2 लाख 41 हजार 392 बालकांना डोस देण्यात आला. भंडारा आणि कोल्हापूर सारख्या जिल्ह्यांमध्ये 76 टक्के आणि 68 टक्के किशोरवयीन मुलांना लसीचा पहिला डोस देण्यात आला आहे.

दरम्यान, बीएमसीचे अतिरिक्त महापालिका आयुक्त सुरेश काकाणी म्हणाले की, मुंबईतही कोरोना लसीकरण मोहिमेला गती दिली जाईल, त्यासाठी शाळा आणि महाविद्यालयांमध्ये शिबिरे सुरू केली जातील. ते म्हणाले, आम्हाला पुढील 10 दिवसांत 75 टक्क्यांहून अधिक उद्दिष्ट पूर्ण करण्याचे आहे. विशेष म्हणजे, मुंबईतील 15-17 वयोगटातील अंदाजे 6.12 लाख मुलांपैकी 2.41 लाख मुलांनी लसीचा पहिला डोस घेतला आहे.