Image For Representation (Photo Credits: IANS)

Mumbai COVID-19 Update: ठाणे जिल्ह्यातून मोठी बातमी समोर येत आहे. ठाण्यात एका 43 वर्षीय कोरोना रुग्णाचा मृत्यू (COVID-19 Patient Dies) झाला आहे. विनित किणी, असे या मृत व्यक्तीचे नाव आहे, तो नायगावजवळील खोचिवडे गावात राहत होता. प्राप्त माहितीनुसार, त्याला न्यूमोनियाच्या उपचारासाठी मुंबईतील एका खाजगी रुग्णालयात दाखल करण्यात आले होते. परंतु शुक्रवारी रात्री त्याची प्रकृती बिघडली. त्यानंतर त्याचा मृत्यू झाला.

श्वास घेण्यास त्रास -

दरम्यान, न्यूमोनियावर उपचार घेत असताना विनितला श्वास घेण्यास त्रास होत होता. यासंदर्भात महापालिका आयुक्त अनिल कुमार पवार यांनी माहिती दिली आहे. त्याचा मृतदेह थेट पाचुबंदर येथील स्मशानभूमीत नेण्यात आला. मुख्य वैद्यकीय अधिकारी डॉ. भक्ती चौधरी यांच्यासह प्रशासनाने नागरिकांना लक्षणे आढळल्यास कोविड-19 चाचणी करण्याचे आवाहन केले आहे.  (हेही वाचा - COVID 19 In India: भारतात 203 नवे कोरोना रूग्ण; सक्रिय कोरोनाबाधितांचा आकडा 3900 पार; 4 जणांचा मृत्यू)

तथापि, आरोग्य अधिकाऱ्यांनी दिलेल्या माहितीनुसार, विनितला काही दिवसांपूर्वी ताप आणि श्वास घेण्यास त्रास होत होता, त्यामुळे त्याला वसई येथील एका खाजगी रुग्णालयात दाखल करण्यात आले होते. येथे त्याला न्यूमोनिया झाल्याचे निदान झाले. यानंतर त्याची प्रकृती बिघडली. त्यामुळे त्याला माहीम येथील रहेजा रुग्णालयात हलवण्यात आले. तेथे केलेल्या तपासणीत असे दिसून आले की त्याला कोविड-19 ची लागण झाली आहे. (Life Expectancy in Maharashtra: कोविड-19 दरम्यान महाराष्ट्रातील आयुर्मानात 2.36 वर्षांची घट; महिलांपेक्षा पुरुषांच्या वयावर झाला मोठा परिणाम. )

देशात कोरोना रुग्णांची संख्या दिवसेंदिवस वाढत आहे. केरळ आणि महाराष्ट्रात सर्वाधिक कोरोना रुग्णांची नोंद करण्यात आली आहे. मुंबई आणि ठाण्यात वाढत्या रुग्णांमुळे महाराष्ट्र सरकार ठाणे सिव्हिल हॉस्पिटलमध्ये कोविड वॉर्ड तयार करत आहे. एकूण 87 चाचण्या करण्यात आल्या, ज्यात पाच नवीन रुग्ण आढळले. ठाणे महानगरपालिकेतील एकूण कोरोना रुग्णांची संख्या 108 वर पोहोचली आहे.