तुमच्या जिल्ह्यात कोरोनाचे किती रुग्ण आहेत? पहा महाराष्ट्रातील कोरोनाबाधितांची जिल्हानिहाय आकडेवारी

Coronavirus Update In Maharashtra: महाराष्ट्रातील कोरोना रुग्णसंख्येने काल 3 लाखाचा टप्पा ओलांडला आहे. आरोग्य मंत्रालयाच्या माहितीनुसार, कालच्या दिवसभरात राज्यात 8 हजार 348 नव्या कोरोना रुग्णांची नोंद करण्यात आली आहे. तर 144 जणांचा कोरोनामुळे मृत्यू झाला आहे. यानुसार, आतापर्यंत राज्यात एकूण 3,00,937 कोरोनारुग्ण आढळले आहेत. यापैकी 11 हजार 596 जणांचा कोरोनामुळे मृत्यू झाला आहे तर सध्या ऍक्टिव्ह रुग्णांवर उपचार सुरु आहेत. यामध्ये दिलासादायक बाब अशी की, काल राज्यातील 5 हजार 307 रुग्णांनी कोरोनावर मात केली आहे. यानुसार आतापर्यंत राज्यातील 1 लाख 65 हजार 663 जण कोरोनमुक्त झाल्याचे समजतेय. (हे ही वाचा - भारतातील सर्व बड्या शहरांपैकी फक्त मुंबईच कोरोनाबाधित रुग्णांच्याबाबतीत खरी व पारदर्शक आकडेवारी देत आहे; राज्याचे गृहनिर्माण मंत्री जितेंद्र आव्हाड यांचे ट्वीट‌)

काल मुंबई आणि पुण्यात कोरोना रुग्ण संख्येत अनुक्रमे 1199 आणि 1838 रुग्णांची नोंद झाली त्याचबरोबर ठाणे, जळगाव , औरंगाबाद येथे सुद्धा कोरोना रुग्ण वाढले आहेत. या व महाराष्ट्रातील सर्व जिल्ह्यांची कोरोना बाधितांची आकडेवारी जाणून घेण्यासाठी खालील तक्ता तपासून पहा.

महाराष्ट्रातील कोरोनाबाधितांची जिल्हानिहाय आकडेवारी

दरम्यान, काल मुख्यमंत्री उद्धव ठाकरे यांनी सर्व जिल्हाधिकाऱ्यांशी व्हिडीओ कॉन्फरन्सिंग तर्फे संवाद साधला. यावेळी शहरी भागातील कोरोना ग्रामीण भागात पसरू देऊ नका, असे आवाहन मुख्यमंत्री उद्धव ठाकरे यांनी केले तसेच कोणत्याही तणावाखाली येऊन लॉक डाऊन लागू करू नका अशा सूचना सुद्धा केल्या आहेत.