Salt Advisory By UN: चिमूटभर मीठ कमी खाल्लाने वाचू शकतो तुमचा जीव; WHO जारी केला खास रिपोर्ट

Salt Advisory By UN: आपल्या रोजच्या जेवणाची चव वाढवणारा महत्त्वाचा पदार्थ म्हणजे मीठ. मीठामुळे तुमच्या जेवणाची चव वाढवते. परंतु, मीठामुळे तुमचे आयुष्य कमीही होऊ शकते. मीठाच्या अतिसेवनाने तुमचा लवकर मृत्यू होऊ शकतो. होय, जर तुम्ही देखील जेवणाच्या वर मीठ वेगळे खात असाल तर काळजी घ्या. कारण, एका अभ्यासानुसार, एक चिमूटभर जास्त मीठामुळे तुमचा मृत्यूचा धोका पत्कारावा लागू शकतो. जागतिक आरोग्य संघटनेचे (WHO) महासंचालक टेड्रोस अॅधानोम गेब्रेयसस यांनी सांगितले की, अस्वस्थ आहार हे जागतिक स्तरावर मृत्यू आणि रोगाचे प्रमुख कारण आहे. आहारात सोडियमचे जास्त सेवन हे याचे मुख्य कारण आहे. सोडियमचे सेवन कमी करण्याबाबत जागतिक आरोग्य संघटनेचा पहिला अहवाल सादर केला आहे. या रिपोर्टनुसार, 2025 पर्यंत सोडियमचे प्रमाण 30 टक्क्यांनी कमी करण्याचे जागतिक लक्ष्य गाठण्यासाठी जग फारसे दूर आहे. हा अहवाल दर्शवितो की, बहुतेक देशांनी सोडियम कमी करण्याचे कोणतेही अनिवार्य धोरण स्वीकारलेले नाही, ज्यामुळे त्या देशातील लोकांना हृदयविकाराचा झटका, स्ट्रोक आणि इतर आरोग्य समस्यांचा धोका निर्माण होत आहे.

मीठाच्या अतिसेवनामुळे होणाऱ्या मृत्यूंचा दर कमी करण्यासाठी जागतिक निरोगी एजन्सी सोडियम कमी करण्याच्या योजनांची अंमलबजावणी आणि उत्पादकांना त्यांच्या उत्पादनांमध्ये महत्वाकांक्षी सोडियम कमी करण्याचे लक्ष्य सेट करण्यासाठी सर्व देशांना मार्गदर्शक सूचना जारी करणार आहे. (हेही वाचा - H3N2 Virus Scare: H3N2 हाँगकाँग फ्लूमुळे भारतात पहिल्या मृत्यूची नोंद; केंद्रीय आरोग्य मंत्रालयाने दिली माहिती)

मीठाचे अतिसेवन केल्याने हृदयरोग, स्ट्रोक आणि अकाली मृत्यूचा धोका वाढतो. WHO च्या शिफारसीपेक्षा रोज केवळ 5 ग्रॅमपेक्षा कमी मीठाचे सेवन करणे आवश्यक आहे. मात्र, जागतिक सरासरी सेवन दररोज 10.8 ग्रॅम असण्याचा अंदाज आहे. जे WHO ने सांगतलेल्या प्रमाणाच्या दुप्पट आहे. सोडियमचा मुख्य स्त्रोत टेबल मीठ (सोडियम क्लोराईड) आहे, परंतु ते सोडियम ग्लूटामेट सारख्या इतर मसाल्यांमध्ये देखील समाविष्ट आहे.

मीठ जास्त प्रमाणात खाणे हे आहार आणि पोषण-संबंधित मृत्यूसाठी सर्वोच्च जोखीम आहे. सोडियमचे जास्त सेवन केल्याने गॅस्ट्रिक कॅन्सर, लठ्ठपणा, ऑस्टिओपोरोसिस आणि किडनी रोग यासारख्या इतर आरोग्य समस्या उद्धभवण्याची शक्यता असते.

दरम्यान, ब्राझील, चिली, झेक प्रजासत्ताक, लिथुआनिया, मलेशिया, मेक्सिको, सौदी अरेबिया, स्पेन आणि उरुग्वे - सध्या सोडियमचे सेवन कमी करण्यासाठी शिफारस केलेल्या धोरणांची अमंलबजावणी करत आहे. डब्ल्यूएचओच्या अहवालात असे दिसून आले आहे की, जगातील केवळ 5 टक्के लोकसंख्येला सोडियम कमी करण्याच्या अनिवार्य धोरणांची अमंलबजावणी करत आहे. डब्ल्यूएचओच्या 194 सदस्य राष्ट्रांपैकी 73 टक्के लोकांमध्ये अशा धोरणांची पूर्णपणे अंमलबजावणी करण्याची क्षमता नाही.

तथापी, किफायतशीर सोडियम कपात धोरणे सादर करून जीव वाचवणे हा 2030 च्या शाश्वत विकासासाठीचा अजेंडा गैर-संसर्गजन्य रोगांमुळे होणारे मृत्यू कमी करण्याचे लक्ष्य साध्य करण्यासाठी कृतीचा एक महत्त्वाचा घटक आहे, असे WHO ने म्हटले आहे. सोडियम कमी करण्याच्या सर्वसमावेशक पध्दतीमध्ये अनिवार्य धोरणे स्वीकारणे आवश्यक आहे. तसेच कमी मीठ असलेल्या अन्नपदार्थांमध्ये सुधारणा करणे आणि रुग्णालये, शाळा आणि कामाच्या ठिकाणी अशा संस्थांमध्ये मीठ किंवा सोडियम समृद्ध अन्न मर्यादित करण्यासाठी सार्वजनिक अन्न खरेदी धोरणे स्थापित करणं आवश्यक आहे.

जगाला कृतीची गरज आहे

अमेरिकेचे माजी उच्च आरोग्य अधिकारी, टॉम फ्रीडेन, अध्यक्ष आणि मुख्य कार्यकारी अधिकारी म्हणाले की, 2025 पर्यंत मीठाचा वापर कमी करण्याचे जागतिक लक्ष्य पूर्ण करण्यासाठी देशांनी महत्त्वाकांक्षी, अनिवार्य, सरकारच्या नेतृत्वाखालील धोरणांची अंमलबजावणी करण्यासाठी तातडीने काम केले पाहिजे. जगाला कृतीची गरज आहे. अन्यथा जगातील अनेक देशातील नागरिकांना हृदयविकाराचा झटका आणि स्ट्रोक यांसारख्या समस्यांना सामोरे जावे लागेल.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)