QuickLY
Socially
रक्षाबंधन हा सण दरवर्षी श्रावण महिन्याच्या पौर्णिमेच्या दिवशी साजरा केला जातो. हा सण भाऊ आणि बहिणीच्या भावनिक बंधनाचे प्रतीक मानले जाते. सणाच्या दिवशी बहिणी त्यांच्या भावाच्या कल्याणासाठी प्रार्थना करताना आणि त्यांच्या मनगटावर राखी बांधतात. रक्षाबंधनाच्या दिवशी सर्व भांडण मिटवून दोघेही एक होतात. या विशेष सणाला बहिणीने राखी बांधल्यानंतर भाऊ तिला रक्षाबंधन भेट देतो. यंदा 22 ऑगस्ट रोजी रक्षाबंधन साजरे केले जाणार आहे. आता जर तुम्ही विचार करत असाल की बहिणीला रक्षाबंधनाच्या दिवशी काय भेट द्यावी, तर आम्ही आज तुमच्यासाठी घेऊन आलो आहोत खास रक्षाबंधन गिफ्ट आइडिया. (Raksha Bandhan 2021 Date: 22 ऑगस्ट रोजी साजरा केले जाईल रक्षाबंधन , जाणून घ्या राखी बांधण्याची शुभ वेळ )
ज्वेलरी
जर तुमच्या बहिणीला दागिन्यांची आवड असेल तर तुम्ही तिला रक्षाबंधनाच्या दिवशी क्रिस्टल ब्रेसलेट भेट देऊ शकता. किंवा तिला आवडणाऱ्या कोणत्याही दागिन्यांचा प्रकार गिफ्ट म्हणून देऊ शकता.
डिझायनर मास्क
सध्या कोरोनाच्या काळात सर्वात महत्वाची समजली जाणारी गोष्ट म्हणजे मास्क आणि सॅनिटायझर. मूली हल्ली त्यांच्या ड्रेस कलर प्रमाणे मास्क परिधान करू लागल्या आहेत. त्यामुळे यंदा तुम्ही तुमच्या बहिणीला डिझायनर मास्क भेट देऊ शकता. ते नक्कीच तिला आवडेल.
हँडबॅग
जर तुम्हाला तुमच्या बहिणीला रक्षाबंधनाच्या दिवशी काहीतरी स्टायलिश आणि उपयुक्त द्यायचे असेल तर तिला मस्त हँडबॅग भेट द्या. जर तुमची बहीण ऑफिसला जात असेल किंवा कॉलेजची विद्यार्थिनी असेल तर तिला हँडबॅग नक्कीच आवडेल. हँडबॅग चे वेगवेगळे आणि स्टाइलिश प्रकार मार्केटमध्ये अगदी सहज उपलब्ध आहेत.
चॉकलेट बॉक्स
राखीच्या दिवशी तुमच्या नात्याच्या गोडव्याप्रमाणे बहिणीचे तोंड गोड करण्यासाठी चॉकलेट भेटवस्तूपेक्षा चांगले काय असू शकते? तुमच्या बहिणीला विशेष रक्षाबंधनासाठी दिलेले चॉकलेट बॉक्स नक्कीच आवडतील.
डायरी
रक्षाबंधनाच्या दिवशी तुम्ही तुमच्या बहिणीला एक सुंदर डायरी भेट देऊ शकता. तुमची बहीण विद्यार्थी असो, नोकरी करणारी असो वा विवाहित, तिला डायरी नक्कीच आवडेल. लेदर कव्हर डायरी, किंवा वेगवेगळ्या यूनिक डायरीचे खुप प्रकार हल्ली बाजारात उपलब्ध आहेत.
ब्युटी प्रॉडक्ट
मेकअप करणे, सुंदर दिसणे कोणत्या मुलीला आवडत नाही. यंदा रक्षाबंधनाच्या दिवशी तुम्ही बहिणीला एखादे ब्युटी प्रॉडक्ट गिफ्ट करू शकता ज्यात हेअर किट पासून , मेकअप किट चा पर्याय तुम्ही निवडू शकता.
