WPI Inflation: सर्वसामान्य जनतेला दिलासा! जुलै 2020 नंतर पहिल्यादांच घाऊक महागाई पोहोचली शून्याच्या खाली; अन्नधान्याच्या किमतीही झाल्या कमी
वाणिज्य मंत्रालयाच्या म्हणण्यानुसार, मूलभूत धातू, अन्न उत्पादने, खनिज तेल, कापड, गैर-खाद्य वस्तू, रसायने आणि रासायनिक उत्पादने, रबर आणि रबर उत्पादने आणि कागद आणि कागद उत्पादनांच्या किमतीत घट झाल्यामुळे WPI आधारित महागाईत घट झाली.
WPI Inflation: सर्वसामान्य जनतेला दिलासा देणारी बातमी आहे. भारताचा घाऊक किंमत निर्देशांक (WPI) महागाई दर (Inflation Rate) या वर्षीच्या मार्चमध्ये 1.34 टक्क्यांवरून या वर्षी एप्रिलमध्ये -0.92 टक्क्यांवर आला. घाऊक किंमत निर्देशांकावर (Wholesale Price Index) आधारित अन्नधान्य महागाई मार्चमधील 2.32 टक्क्यांवरून एप्रिलमध्ये 0.17 टक्क्यांवर घसरली. एप्रिलमध्ये खाद्यतेलाची WPI-आधारित महागाई उणे 25.91 टक्क्यांवर होती, तर याच कालावधीत वस्तूंमधील WPI-आधारित महागाई 1.60 टक्क्यांवर होती.
वाणिज्य मंत्रालयाच्या आकडेवारीनुसार एप्रिलमध्ये इंधन, उर्जा आणि उत्पादित उत्पादनांच्या घाऊक किंमत निर्देशांकावर आधारित चलनवाढ अनुक्रमे 0.93 टक्के आणि -2.42 टक्के होती. वाणिज्य मंत्रालयाच्या म्हणण्यानुसार, मूलभूत धातू, अन्न उत्पादने, खनिज तेल, कापड, गैर-खाद्य वस्तू, रसायने आणि रासायनिक उत्पादने, रबर आणि रबर उत्पादने आणि कागद आणि कागद उत्पादनांच्या किमतीत घट झाल्यामुळे WPI आधारित महागाईत घट झाली. (हेही वाचा -Kisan Vikas Patra (KVP) 2023: किसान विकास पत्र योजनेबद्दल तुम्हाला माहित आहे का? जाणून घ्या व्याज दर, सेवा आणि लाभ)
भाजीपाला, तेल आणि चरबीच्या किमती घसरल्यामुळे एप्रिलमध्ये भारतातील किरकोळ चलनवाढीचा दर 4.7 टक्क्यांच्या 18 महिन्यांच्या नीचांकी पातळीवर आला आहे. सध्या, ते भारतीय रिझर्व्ह बँकेच्या (RBI) 4-6 टक्क्यांच्या लक्ष्यादरम्यान आहे. ग्राहक किंमत निर्देशांक (CPI) आधारित महागाई सलग दुसऱ्या महिन्यात RBI च्या मर्यादेत राहिली आणि 6 टक्क्यांच्या खाली घसरली. मार्च 2023 मध्ये किरकोळ चलनवाढ 5.66 टक्के होती.
सरकारने रिझर्व्ह बँकेला 2 टक्क्यांच्या फरकाने किरकोळ महागाई 4 टक्क्यांवर राहील याची खात्री करण्यास सांगितले आहे. एप्रिलमध्ये नुकत्याच झालेल्या चलनविषयक धोरण समितीच्या (एमपीसी) बैठकीत, मध्यवर्ती बँकेने व्याजदर वाढ गोठवली होती आणि चालू आर्थिक वर्षासाठी किरकोळ महागाई 5.2 टक्के राहण्याचा अंदाज व्यक्त केला होता.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)