Supreme Court on Forced Religious Conversion: सक्तीच्या धर्मांतराचा मुद्दा गंभीर, धर्मांतरामुळे राष्ट्रीय सुरक्षा आणि धर्म स्वातंत्र्यावर परिणाम होतो; सर्वोच्च न्यायालयाचे निरीक्षण

Supreme Court on Forced Religious Conversion: सर्वोच्च न्यायालयाने (Supreme Court) सोमवारी सक्तीच्या धर्मांतराचा मुद्दा (Forced Religious Conversion) गंभीर असल्याचे म्हटले आहे. एखाद्याचा धर्म बळजबरीने बदलणे ही चिंतेची बाब आहे. ज्यामुळे देशाच्या सुरक्षेसोबतच धार्मिक स्वातंत्र्यावरही परिणाम होतो, असे न्यायालयाने म्हटले आहे. सक्तीचे धर्मांतर हा गंभीर मुद्दा असल्याचे नमूद करत सर्वोच्च न्यायालयाने सोमवारी केंद्राला या प्रकरणात हस्तक्षेप करून असे प्रकार थांबवण्यासाठी प्रयत्न करण्यास सांगितले. त्याचवेळी, जबरदस्तीने होणारे धर्मांतर थांबवले नाही, तर कठीण परिस्थिती उद्भवू शकते, असा इशारा सर्वोच्च न्यायालयाने दिला.

न्यायमूर्ती एमआर शाह आणि हिमा कोहली यांच्या खंडपीठाने सॉलिसिटर जनरल तुषार मेहता यांना अशा प्रलोभनाची प्रथा बंद करण्यासाठी पावले उचलण्यास सांगितले. कोर्ट म्हणाले, 'हा अतिशय गंभीर मुद्दा आहे. (हेही वाचा - Holiday on Netaji Subhas Chandra Bose’s Birth Anniversary: नेताजी सुभाषचंद्र बोस यांच्या जयंतीनिमित्त सुट्टीची मागणी करणारी जनहित याचिका सर्वोच्च न्यायालयाने फेटाळली)

दरम्यान, आज प्रार्थनास्थळ कायदा 1991 च्या काही तरतुदींना आव्हान देणाऱ्या याचिकांवरही सर्वोच्च न्यायालयात सुनावणी झाली. न्यायालयाने केंद्राला उत्तर देण्यासाठी वेळ दिला आहे. आता या प्रकरणाची सुनावणी जानेवारीत होणार आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)