Nainital Bus Accident: नैनितालमध्ये रोडवेज बस खड्ड्यात पडली; 3 ठार, अनेक प्रवासी जखमी

Nainital Bus Accident: उत्तराखंडमधील नैनिताल जिल्ह्यात (Nainital District) बुधवारी एक भीषण अपघात (Accident) झाला. अल्मोडाहून नैनितालला जाणारी उत्तराखंड रोडवेजची बस भीमतालजवळ 300 फूट खोल दरीत कोसळली (Roadways Bus Falls Into Ditch). बसमध्ये 35 जण होते. आतापर्यंत 3 प्रवाशांचे मृतदेह बाहेर काढण्यात आले आहेत. पोलिस आणि प्रशासनाचे पथक बचाव कार्यात गुंतले आहे. नैनितालचे एसएसपी प्रल्हाद मीना यांनी सांगितले की, भीमताल येथे रोडवेज बस अपघातात अनेक लोक जखमी झाले आहेत. माहिती मिळताच मदत पथक पाठवण्यात आले आहे. स्थानिक पोलीस आणि अग्निशमन दलाच्या मदतीने एसडीआरएफची टीम मदतकार्यात गुंतली आहे.

अपघातात 24 प्रवाशी जखमी -

नैनिताल शहराचे एसपी डॉ जगदीश चंद्र यांनी सांगितले की, 24 जखमी प्रवाशांना सुखरूप बाहेर काढण्यात आले आहे. त्यांना उपचारासाठी हायर सेंटर हल्दवानी येथे पाठवण्यात आले आहे. 15 रुग्णवाहिका पाठवण्यात आल्या आहेत. बस दरीत पडल्याने बचावकार्यात अडचणी येत आहेत. स्थानिक लोकांच्या मदतीने पोलिसांनी जखमींना दोरीच्या सहाय्याने आणि खांद्यावरून बाहेर काढले. (हेही वाचा -Pune Accident: पुणे वानवडीमध्ये अपघातानंतर पोलीस उपायुक्तांनी वाचवले तरुणाचे प्राण)

नैनितालमध्ये रोडवेज बस खड्ड्यात पडली - 

मुख्यमंत्री धामी यांनी व्यक्त केला शोक -

उत्तराखंडचे मुख्यमंत्री पुष्कर सिंह धामी यांनी या बस अपघाताचे वर्णन केले आहे. त्यांनी म्हटलं आहे की, 'स्थानिक प्रशासनाला मदत आणि बचाव कार्यासाठी निर्देश देण्यात आले आहेत. सर्व प्रवाशांची सुखरूप सुटका व्हावी, अशी मी बाबा केदारला प्रार्थना करतो.' (हेही वाचा - Dhule Chitod Accident: ट्रॅक्टरच्या ट्रॉलीखाली चिरडून तीन मुलींचा मृत्यू; गणपती विसर्जन मिरवणुकीपूर्वी अपघात; धुळे शहरानजीक चितोड गावातील घटना)

अल्मोडा येथील अपघातात 36 जणांचा मृत्यू -

गेल्या महिन्यात उत्तराखंडमध्ये बसचा भीषण अपघात झाला होता. अल्मोडा येथे प्रवासी बस खड्ड्यात पडल्याने 36 जणांचा मृत्यू झाला होता.