'2013 पासून सुरु झालेला प्रवास 2020 ला संपणार', आप आमदरांच्या Whatsapp Group मधून काढून टाकल्यावर अलका लांबा यांची प्रतिक्रिया

दिल्लीचे मुख्यमंत्री अरविंद केजरीवाल (Arvind Kejriwal) यांच्या आम आदमी पक्षाच्या आमदार अलका लांबा (Alka Lamba) यांनी पक्षाला सोडचिठ्ठी देण्याचे संकेत दिले आहेत. सेशल मीडिया अकाऊट ट्विटर आणि फेसबुकवर एक पोस्ट लिहीत लांबा यांनी हे संकेत दिले. तत्पूर्वी आम आदमी पक्षाच्या आमदारांच्या Whatsapp Group मधून आपल्याला काढल्याचा आरोप लांबा यांनी केला आहे. सोशल मीडिया अकाऊंटवर लिहिलेल्या पोस्टवर 2013 ला सुरु झालेला प्रवास 2020 मध्ये संपवत असल्याचे लांबा यांनी म्हटले आहे. परंतू, पक्षातील तळागाळातील कार्यकर्त्यासोबत आपले संबंध आणि प्रेम कायम राहिल असेही त्यांनी म्हटले आहे.

काय म्हटले आहे लांबा यांनी?

अलका लांबा यांनी आपल्या फेसबुक पोस्टमध्ये म्हटले आहे की, '2013 मध्ये सुरु झालेला माझा प्रवास 2020 मध्ये समाप्त होत आहे. पक्षासाठी कार्य करणाऱ्या तळागाळातील नेत्यांसोबत माझ्या भावना कायम जोडलेल्या आहेत. मी आशा करते की दिल्लीसाठी आप एक मजबूत पर्याय म्हणून उभा राहीन. खूप खूप शुभेच्छा. गेली 6 वर्षे मला नेहमी आठवणीत राहतील. या काळात मला खूप शिकायला मिळाले.' (हेही वाचा, आतापर्यंत कोणी-कोणी सोडली आम आदमी पक्षाची साथ?)

दरम्यान, ही पोस्ट लिहिण्यापूर्वी लांबा यांनी दावा केला होता की, पक्ष आमदारांच्या व्हॉट्सअॅप ग्रुपमधून आपल्याला पुन्हा एकदा हटविण्यात आले आहे. या व्हॉट्सएपग्रुपमध्ये अरविंद केजरीवाल हेसुद्धा सहभागी आहेत. लांबा यांनी दावा केला आहे की, ओडिसाचे मुख्यमंत्री नवीन पटनायक यांना पाचव्या कार्यकाळासाठी मिळालेल्या विजयावर शुभेच्छा देण्याऐवजी मला (लांबा) व्हॉट्सअॅप ग्रुपमधून काढले आहे. अशी पावले टाकणे हे नेतृत्वासाठी योग्य नाही.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)