Amrit Bharat Stations: अमृत भारत स्टेशन योजनेअंतर्गत 508 रेल्वे स्थानकांच्या पुनर्विकासासाठी पंतप्रधान मोदीच्या हस्ते आज पायाभरणी

 Amrit Bharat Stations: अमृत भारत स्टेशन योजनेअंतर्गत 508 रेल्वे स्थानकांच्या पुनर्विकासासाठी पंतप्रधान मोदी आज पायाभरणी करणार आहेत. एका ऐतिहासिक उपक्रमात, पंतप्रधान नरेंद्र मोदी रविवारी (6 ऑगस्ट) व्हिडिओ कॉन्फरन्सिंगद्वारे देशभरातील 508 रेल्वे स्थानकांच्या पुनर्विकासाची पायाभरणी करणार आहे. "या स्थानकांचा 24,470 कोटी रुपयांपेक्षा जास्त खर्च करून पुनर्विकास करण्यात येणार आहे. शहराच्या दोन्ही बाजूंचे योग्य एकत्रीकरण करून या स्थानकांचा 'सिटी सेंटर' म्हणून विकास करण्यासाठी मास्टर प्लॅन तयार करण्यात येत आहेत.

ही 508 स्थानके 27 राज्ये आणि केंद्रशासित प्रदेशांमध्ये पसरलेली आहेत, ज्यात उत्तर प्रदेश आणि राजस्थानमधील प्रत्येकी 55, बिहारमधील 49, महाराष्ट्रातील 44, पश्चिम बंगालमधील 37, मध्य प्रदेशातील 34, आसाममधील 32, ओडिशामधील 25, पंजाबमधील 22 स्थानके आहेत. गुजरात आणि तेलंगणामध्ये प्रत्येकी 21, झारखंडमध्ये 20, आंध्र प्रदेश आणि तामिळनाडूमध्ये प्रत्येकी 18, हरियाणामध्ये 15 आणि कर्नाटकमध्ये 13 असे आहे.

24,470 कोटी रुपये खर्च होणार्‍या या पुनर्विकासामुळे प्रवाशांच्या मार्गदर्शनासाठी उत्तम प्रकारे डिझाइन केलेले वाहतूक संचलन, आंतर-मॉडल एकत्रीकरण आणि उत्तम प्रकारे डिझाइन केलेले चिन्ह सुनिश्चित करण्याबरोबरच आधुनिक प्रवासी सुविधा उपलब्ध होतील, असे पंतप्रधान कार्यालयाने (PMO) सांगितले. स्थानकांच्या इमारती स्थानिक संस्कृती, वारसा आणि वास्तुकला यांनी प्रेरित केल्या जातील.मोदींनी अनेकदा अत्याधुनिक सार्वजनिक वाहतुकीच्या तरतुदीवर भर दिला आहे आणि रेल्वे हे लोकांच्या वाहतुकीचे पसंतीचे साधन आहे हे लक्षात घेऊन पंतप्रधान कार्यालयाने सांगितले की त्यांनी रेल्वे स्थानकांवर जागतिक दर्जाच्या सुविधा देण्याच्या महत्त्वाला प्राधान्य दिले आहे.या एकात्मिक दृष्टीकोनामुळे सर्वसमावेशकता आहे. शहराच्या सर्वांगीण नागरी विकासाची दृष्टी, रेल्वे स्थानकाभोवती केंद्रित आहे, पंतप्रधान नरेंद्र मोंदीनी सांगितले.