Vijay Diwas: विजय दिनानिमित्त पीएम मोदींनी सशस्त्र दलाच्या जवानांना वाहिली श्रद्धांजली; म्हणाले, 'देश त्यांचा सदैव ऋणी राहील'

Vijay Diwas: भारतात दरवर्षी 16 डिसेंबर हा विजय दिवस (Vijay Diwas 2023) म्हणून साजरा केला जातो. 1971 मध्ये या दिवशी भारतीय लष्कराने पाकिस्तानवर ऐतिहासिक विजय नोंदवला आणि बांगलादेशला स्वातंत्र्य मिळाले. या ऐतिहासिक विजयाचे नायक ठरलेल्या भारतीय लष्कराच्या शूर जवानांच्या शौर्याला आणि बलिदानाला आज संपूर्ण देश सलाम करत आहे. शनिवारी विजय दिवसानिमित्त, पंतप्रधान नरेंद्र मोदी (PM Narendra Modi) यांनी 1971 च्या युद्धात पाकिस्तानवर भारताचा विजय सुनिश्चित करण्यात उल्लेखनीय भूमिका बजावलेल्या सशस्त्र दलाच्या जवानांना श्रद्धांजली वाहिली. तसेच देश सदैव त्यांचा ऋणी राहील, अशी भावना त्यांनी व्यक्त केली.

पीएम मोदींनी सोशल मीडिया प्लॅटफॉर्म 'X' वर ट्विट करत म्हटलं आहे की, 'आज विजय दिवसानिमित्त आम्ही त्या सर्व शूर वीरांना मनापासून श्रद्धांजली वाहतो ज्यांनी 1971 मध्ये निर्णायक विजय मिळवून भारताची कर्तव्यपूर्वक सेवा केली. त्यांचे शौर्य आणि समर्पण देशासाठी अपार अभिमानाचे स्रोत आहे. त्यांचा त्याग आणि अविचल आत्मा लोकांच्या हृदयात आणि आपल्या देशाच्या इतिहासात सदैव कोरला जाईल. भारत त्याच्या धैर्याला सलाम करतो आणि त्याच्या अदम्य आत्म्याचे स्मरण करतो.' (हेही वाचा - 16 डिसेंबर 1971 रोजी भारताने मिळवला होता पाकिस्तानवर ऐतिहासिक विजय, जाणून घ्या दिवसाचे महत्व आणि इतिहास)

संरक्षण मंत्री राजनाथ सिंह यांनी सशस्त्र दलाच्या जवानांना वाहिली श्रद्धांजली -

संरक्षण मंत्री राजनाथ सिंह यांच्यासह CDS जनरल अनिल चौहान, लष्करप्रमुख जनरल मनोज पांडे, नौदल प्रमुख अॅडमिरल आर हरी कुमार आणि वायुसेनेचे उपप्रमुख एअर मार्शल अमर प्रीत सिंह यांनी विजय दिनानिमित्त राष्ट्रीय युद्ध स्मारकावर पुष्पहार अर्पण केला.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)