Petrol Diesel Price Today: डिझेलच्या दरात 25 रुपयांची वाढ; ठोक ग्राहकांच्या खिशाला बसणार झळ!
सार्वजनिक क्षेत्रातील पेट्रोलियम कंपन्यांनी 4 नोव्हेंबर 2021 पासून पेट्रोल आणि डिझेलच्या किमतीत वाढ केलेली नाही. मात्र, या काळात जागतिक स्तरावर इंधनाच्या किमतीत वाढ झाली आहे.
Petrol Diesel Price Today: ठोक ग्राहकांसाठी डिझेलच्या दरात 25 रुपयांची वाढ झाली आहे. घाऊक ग्राहकांना विकले जाणारे डिझेल प्रतिलिटर 25 रुपयांनी महागले आहे. आंतरराष्ट्रीय स्तरावर कच्च्या तेलाच्या किमतीत 40 टक्क्यांनी वाढ झाल्यानंतर हे पाऊल उचलण्यात आले आहे. मात्र, पेट्रोल पंपांवरून विकल्या जाणाऱ्या डिझेलच्या किरकोळ दरात कोणताही बदल झालेला नाही. या महिन्यात पेट्रोल पंपांवरील विक्रीत 20 टक्क्यांनी वाढ झाली आहे.
बस फ्लीट ऑपरेटर आणि मॉल्ससारख्या मोठ्या ग्राहकांनी पेट्रोल पंपांवरून इंधन खरेदी केले आहे. सहसा ते थेट पेट्रोलियम कंपन्यांकडून इंधन घेतात. यामुळे इंधन रिटेलिंग कंपन्यांचा तोटा वाढला आहे. नायरा एनर्जी, जिओ-बीपी आणि शेल या कंपन्यांना सर्वाधिक फटका बसला आहे. यासंदर्भात अधिक माहिती देताना सूत्रांनी सांगितले की, इंधनाच्या किमती विक्रमी 136 दिवसांपासून वाढल्या नसल्यामुळे, कंपन्यांनी या दरांवर अधिक इंधन विकण्याऐवजी पेट्रोल पंप बंद करणे हा अधिक व्यावहारिक पर्याय असेल. 2008 मध्ये, रिलायन्स इंडस्ट्रीजने विक्री 'शून्य' वर आल्यानंतर त्यांचे सर्व 1,432 पेट्रोल पंप बंद केले. आजही तीच परिस्थिती आहे. मोठ्या प्रमाणात ग्राहक पेट्रोल पंपावरून इंधन खरेदी करत आहेत. त्यामुळे या किरकोळ विक्रेत्यांच्या तोट्यात वाढ होत आहे. (हेही वाचा - World's Most Popular Leader: पंतप्रधान नरेंद्र मोदी बनले जगातील सर्वात लोकप्रिय नेते; 13 जागतिक नेत्यांच्या ग्लोबल लीडर अप्रूव्हल रेटिंगमध्ये ठरले अव्वल)
मुंबईत ठोक ग्राहकांसाठी डिझेलचा दर 122.05 रुपये प्रति लिटर झाला आहे. तसेच पेट्रोल पंपांवर 94.14 रुपये प्रतिलिटर डिझेल विकले जात आहे. त्याचप्रमाणे दिल्लीतील पेट्रोल स्टेशनवर डिझेलची किंमत 86.67 रुपये प्रति लिटर आहे तर घाऊक किंवा औद्योगिक ग्राहकांसाठी त्याची किंमत 115 रुपये प्रति लिटर आहे.
दरम्यान, सार्वजनिक क्षेत्रातील पेट्रोलियम कंपन्यांनी 4 नोव्हेंबर 2021 पासून पेट्रोल आणि डिझेलच्या किमतीत वाढ केलेली नाही. मात्र, या काळात जागतिक स्तरावर इंधनाच्या किमतीत वाढ झाली आहे. पाच राज्यांतील विधानसभा निवडणुका लक्षात घेता इंधनाच्या दरात वाढ करण्यात आली नसल्याचे मानले जात आहे.
विधानसभा निवडणुकीचे निकाल 10 मार्च रोजी आले आहेत, मात्र त्यानंतरही संसदेच्या अर्थसंकल्पीय अधिवेशनाचा दुसरा टप्पा सुरू असल्याने सध्या दरात वाढ झालेली नाही. मोठ्या प्रमाणात ग्राहकांचे दर आणि पेट्रोल पंपाच्या किमतीत 25 रुपयांची मोठी तफावत असल्याने मोठ्या प्रमाणात ग्राहक पेट्रोल पंपावरून इंधन खरेदी करत आहेत. ते थेट पेट्रोलियम कंपन्यांकडून टँकर बुक करत नाहीत. त्यामुळे पेट्रोलियम कंपन्यांचा तोटा आणखी वाढला आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)