कॉमेडियन Trevor Noah याचा बंगळुरु येथील कार्यक्रम रद्द; चाहत्यांचा संताप, आयोजकांवर टिका

Trevor Noah News: जगप्रसिद्ध कॉमेडियन ट्रेव्हर नोह याचा बंगळुरु (Trevor Noah Show Calls Off in Bengaluru) येथील आयोजित कार्यक्रम रद्द करण्यात आला आहे. हा शो रद्द करण्यामागे 'खराब ध्वनियंत्रणा' (Bad Acoustics) हे कारण असल्याचे सांगण्यात आले आहे. ज्यानंतर सोशल मीडिया आणि इतर माध्यमातून आयोजिकांवर टीकेची झोड उठली आहे. नोव्ह याच्या चाहत्यांनी तीव्र संताप व्यक्त करत आयोजकांना जबाबदार धरले आहे. कॉमेडीयनच्या टीमला आढळून आले की, ध्वनियंत्रणा चांगली नसल्याने प्रेक्षकांना कार्यक्रमाचा आनंद घेता येत नाही. परिणामी ते नाराज आहेत. त्यामळे त्यांनी आयोजकांना कळवले की, हा कार्यक्रम करण्यासाठी आपण उपलब्ध नाही आहोत. प्रेक्षकांना त्यांच्या तिकीटाचे पैसै परत केले जातील.

कॉमेडीयन ट्रेव्हर नोह याचा कार्यक्रम रद्द झाल्याचे कारण पुढे येताच इंटरनेटवर आयोजकांची मोठ्या प्रमाणात खिल्ली उडाली. अनेकांनी तर केवळ ध्वनीयंत्रणाच नव्हे तर हॉलमधील वातानुकुलीत यंत्रणा म्हणजे एसीही निट काम करत नसल्याचे कळवले. विद्या शंकर अय्यर चाहत्याने आपल्या संतप्त भावना विनोदी ढंगात व्यक्त करताना एक्सवर इंग्रजीत प्रतिक्रिया दिली. त्याचा मराठी भावार्थ असा की, " @ ट्रेवोर्नोह याचा अर्थ काय आहे?विनोदी कलाकार मंचावर आहे, तो काही बोलतोय पण ते प्रेक्षकांपर्यत पोहोचत नाही. खरंच? होय, तुम्ही संहितेमध्ये काहीतरी सांगण्याचा प्रयत्न करत आहात का?

दुसऱ्या एका अँटीप्रोटॉन नावाच्या चाहत्याने अशाच काही भावना व्यक्त करताना म्हटले की, एका कार्यक्रमासाठी तब्बल 5000 रुपये तिकीट, तरीही कार्यक्रमाच्या ठिकाणी एवढी गर्दी. त्यातच कव्हर विस्कटलेल्या खुर्चा.. एसी नाही. हे भारतातील सिलिकॉन व्हॅली शहर आहे LOL."

मध्य बेंगळुरूचे भाजप खासदार, पीसी मोहन यांनी जाम खचाखच भरलेल्या रस्त्याचा एक व्हिडिओ शेअर केला आणि सांगितले की तंत्रज्ञ, कार्यालयात जाणारे आणि शाळेच्या बस जवळजवळ चार तास अडकल्या होत्या.

रात्री 9 च्या सुमारास नोहाने सोशल मीडियावर माहिती दिली की त्याचे बंगळुरूमधील दोन्ही शो तांत्रिक अडचणींमुळे रद्द करण्यात आले आहेत. त्यांनी रद्द केल्याबद्दल दिलगिरी व्यक्त केली आणि तिकिटांचे पैसे परत केले जातील असे सांगितले.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)