अंधश्रद्धेचा कहर! हाताचे चुंबन घेऊन Coronavirus बरा करत होता कोरोना संक्रमित बाबा; संपर्कात आलेल्या 19 जणांना कोरोना विषाणूची लागण
कोरोना विषाणू (Coronavirus) रोगाच्या उपचारांसाठी सरकार सतत लोकांना जागरूक करत आहे, मात्र तरीही काही लोक अंधश्रद्धेला (Superstitions) बळी पडत आहेत. रतलाम (Ratlam) मध्ये काही अंधश्रद्धाळू लोक कोरोनाची लक्षणे पाहून एका बाबाकडे उपचारासाठी जात होते
कोरोना विषाणू (Coronavirus) रोगाच्या उपचारांसाठी सरकार सतत लोकांना जागरूक करत आहे, मात्र तरीही काही लोक अंधश्रद्धेला (Superstitions) बळी पडत आहेत. रतलाम (Ratlam) मध्ये काही अंधश्रद्धाळू लोक कोरोनाची लक्षणे पाहून एका बाबाकडे उपचारासाठी जात होते. आता कोरोनामुळे 4 जूनला या बाबाचा मृत्यू झाला आहे. त्यानंतर उपचारांसाठी या बाबाकडे गेलेल्या लोकांचे कोरोना विषाणू अहवालही सकारात्मक येत आहेत. आता या गोष्टीमुळे रतलाम शहरात खळबळ उडाली आहे. रतलामच्या नायपुरा भागात राहणारा अस्लम बाबा लोकांच्या हाताचे चुंबन घेऊन उपचार करत असे.
कोरोना विषाणूची वाढती भीती व अंधश्रद्धेमुळे शहरातील लोक त्याच्याकडे उपचारासाठी जात असत. स्वतः अस्लम बाबाला कोरोना विषाणूची लागण झाली होती, त्यानंतरही तो सतत लोकांना भेटत राहिला. आता अस्लम बाबा याचे 4 जून रोजी निधन झाले. या दरम्यान बाबाच्या संपर्कात जे लोक आले होते, त्यांचे अहवालही सकारात्मक येत आहेत. स्थानिक वृत्तपत्राच्या अहवालानुसार, बाबाच्या संपर्कात आलेल्या 19 लोकांचे अहवाल आतापर्यंत कोरोना पॉझिटिव्ह आले आहेत.
आता जिल्हा प्रशासनाने 24 बाबांना क्वारंटाईन केले आहे. मंगळवारी रात्री रतलाम शहरात 24 जणांचे अहवाल कोरोना पॉझिटिव्ह आले होते व या 24 पैकी 13 जण बाबाच्या संपर्कात आलेल्या नायपुरा भागातील होते. अशाप्रकारे, जिल्ह्यात 85 संक्रमित संक्रमणापैकी आतापर्यंत 23 संसर्गग्रस्त नायपुरा कंटेन्मेंटमधून समोर आले आहेत. दरम्यान, मध्य प्रदेशमध्ये कोरोना रूग्णांची संख्या 10 हजारांच्या पुढे गेली आहे. बुधवारी 200 रुग्णांची नोंद झाली. राजधानी भोपाळमध्ये बुधवारी 85 कोरोनाचे नवीन रुग्ण आढळले आहेत, तर इंदूरमध्ये कोरोनाचे 51 रुग्ण आढळले आहेत.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)