PM Narendra Modi's Donations: पंतप्रधान नरेंद्र मोदी यांनी आपली बचत आणि भेटवस्तूंचा लिलाव करून दान केले 103 कोटी रुपये; पहा यादी

तुम्हाला माहिती आहे का, कोरोना विषाणू (Coronavirus) विरूद्धच्या लढाईसाठी पंतप्रधान नरेंद्र मोदींनी (PM Narendra Modi) पंतप्रधान केअर फंडामध्ये (PM CARES Fund) पहिले दान केले होते. या निधीच्या लेखापरीक्षण खात्यात सर्वात पहिली 2.25 लाखाची देणगी दिसत आहे, मात्र यामध्ये दात्याचे नाव नाही. सूत्रांनी सांगितले की जेव्हा पीएम केअर फंड तयार झाला, तेव्हा पंतप्रधान मोदींनी सव्वा दोन लाख रुपयांची देणगी देऊन याची सुरूवात केली. पंतप्रधान मोदींच्या आवाहनाचा परिणाम असा झाला आहे की, 27 ते 31 मार्च दरम्यान फक्त 5 दिवसातच या फंडामध्ये 3,076 पेक्षा जास्त रुपये जमा झाले होते.

पीएम केअर फंडचा 2019-20 चा वार्षिक लेखापरीक्षण अहवाल तयार केला गेला आहे, ज्यामध्ये या सर्व माहितीचा समावेश आहे. देणगी देण्याच्या बाबतीत पंतप्रधान मोदींचा इतिहास जुना आहे. त्यांनी एक परंपरा सुरू केली ज्या अंतर्गत त्यांनी लोकहितासाठी स्वत: चे पैसे दान केले आहेत. हे जनहिताचे काम मुलींचे शिक्षण, नमामि गंगे पासून ते शोषित व वंचित समाजाच्या दानशी संबंधित होते. मुख्यमंत्री म्हणून काम सुरू केल्यापासून ते आतापर्यंत पंतप्रधान बनण्याच्या प्रवासापर्यंत मोदींनी त्यांच्या बचतीपैकी 103 कोटी दान केले आहेत.

2019 मध्ये पीएम मोदी यांनी कुंभमेळ्यात काम करणाऱ्या स्वच्छता कामगारांना त्यांच्या वैयक्तिक बचतीपैकी 21 लाख रुपये निधीमध्ये दान केले. जेव्हा सियोलमध्ये शांती पुरस्कार मिळाला तेव्हा तिथे मिळालेले 1.3 कोटी रुपये त्यांनी नमामि गंगे कार्यक्रमासाठी दान केले. गेल्या वर्षी पंतप्रधान म्हणून मिळालेल्या सर्व मोमेनटोजचा लिलाव करून मिळालेले 3.40 ​​कोटी रुपयेही त्यांनी गंगेच्या स्वच्छतेसाठी दान केले. यापूर्वी 2015 मध्येही पंतप्रधान मोदींनी त्यांना भेटवस्तूंचा लिलाव केला होता. सूरत येथे हा लिलाव झाला. या लिलावात 8.35 कोटी रुपये जमा झाले, ते पंतप्रधान नमामि गंगेसाठीच दान केले गेले. (हेही वाचा: ‘कोरोना व्हायरस’विरुद्धच्या लढ्यासाठी 'पीएम केअर फंड'मधून मिळाले 3100 कोटी; व्हेंटिलेटर खरेदीसह कामगारांना मिळणार लाभ)

गुजरातचे मुख्यमंत्री म्हणून कार्यकाळ संपल्यानंतर त्यांनी गुजरात सरकारच्या कर्मचार्‍यांच्या मुलींना शिक्षणासाठी स्वत: च्या बचतीतून 21 लाख देणगी दिली होती. मुख्यमंत्री असताना त्यांना मिळालेल्या सर्व भेटवस्तूंचा लिलाव करून त्यांनी 89.96 कोटी जमा केले आणि कन्या केलावणी फंडामध्ये दान केले, जे मुलींना त्यांच्या शिक्षणासाठी मदत करते.