Domestic Flights For Winter: हिवाळ्यासाठी DGCA कडून 55.7 टक्के विमानांच्या उड्डाणांना मंजुरी; एका आठवड्यात फक्त 12,983 उड्डाणे

नागरी उड्डयन महासंचालनालयाने (DGCA) हिवाळ्यादरम्यान कमी घरगुती उड्डाणे (Domestic Flights) करण्यास मान्यता दिली आहे. डीजीसीएने म्हटले आहे की, या वेळी फक्त आठवड्यात 12,983 देशांतर्गत उड्डाणे केले जातील. दुसऱ्या शब्दांत सांगायचे तर, डीजीसीएने हिवाळ्यासाठी आठवड्यातून केवळ 55.7 टक्के देशांतर्गत उड्डाणांना परवानगी दिली आहे. उड्डयन क्षेत्रासाठी हिवाळ्याचा कालावधी आणि उड्डाणांची संख्या 25 ऑक्टोबर 2020 आणि 27 मार्च 2021 दरम्यानसाठी निश्चित करण्यात आली आहे. डीजीसीएने गेल्या वर्षी हिवाळ्यादरम्यान 23,307 साप्ताहिक देशांतर्गत उड्डाणांना मंजुरी दिली होती. दुसर्‍या शब्दांत सांगायचे तर, यावर्षी हिवाळ्यात 44 टक्के कमी विमानांना मान्यता देण्यात आली आहे.

डीजीसीएने म्हटले आहे की, यावर्षी हिवाळ्यात इंडिगोच्या साप्ताहिक 6,006 देशांतर्गत उड्डाणांना मान्यता देण्यात आली आहे. इंडिगो ही भारताची सर्वात मोठी विमान कंपनी आहे. डीजीसीएच्या म्हणण्यानुसार, स्पाइसजेटला 1,957 आणि गोएअरला 1,203 साप्ताहिक देशांतर्गत उड्डाणांसाठी मान्यता देण्यात आली आहे. सध्या देशातील एअरलाईन्सना कोरोना विषाणूच्या सुरुवातीच्या काळापेक्षा आठवड्यातून जास्तीत जास्त 60 टक्के उड्डाणे चालविण्यास मान्यता दिली आहे. भारतात कोरोना व्हायरसच्या प्रसारावर नियंत्रण ठेवण्यासाठी लॉकडाऊन दरम्यान सर्व देशांतर्गत आणि आंतरराष्ट्रीय उड्डाणांवर तात्पुरती बंदी घालण्यात आली होती. (हेही वाचा: भारतासाठी दिलासादायक बाब; देशाचा कोरोना व्हायरस Recovery Rate पोहोचला 90 टक्क्यांवर, तर मृत्युदर 1.51 टक्के)

यानंतर 25 मे रोजी केंद्र सरकारने अनेक कडक अटींसह घरगुती उड्डाणे पुन्हा सुरू करण्यास मंजुरी दिली होती. आता डीजीसीएने सांगितले की, ही 56 टक्के उड्डाणे 25 ऑक्टोबर 2020 ते 27 मार्च 2021 दरम्यान देशातील 95 विमानतळांवरून उड्डाण करतील.