Delhi CM Rekha Gupta Death Threat: दिल्लीच्या मुख्यमंत्री रेखा गुप्ता यांना जीवे मारण्याची धमकी; पोलिसाकडून चौकशी सुरू

Delhi CM Rekha Gupta Death Threat: दिल्लीतून सध्या मोठी बातमी समोर आली आहे. दिल्लीच्या मुख्यमंत्री रेखा गुप्ता (CM Rekha Gupta) यांना येथे जीवे मारण्याची धमकी (Death Threat) मिळाली आहे. आरोपीने पोलिस नियंत्रण कक्षाला फोन करून मुख्यमंत्र्यांना जीवे मारण्याची धमकी दिली आहे. पोलिसांनी सांगितले की, रात्री उशिरा गाझियाबाद पोलिसांना आरोपीचा फोन आल्याचे सांगण्यात येत आहे. त्यानंतर गाझियाबाद पोलिसांनी दिल्ली पोलिसांना याची माहिती दिली. सध्या आरोपीचा फोन बंद आहे. दिल्ली पोलिसांनी याप्रकरणी आरोपीचा शोध सुरू केला आहे.

गाझियाबाद पोलिसांनी दिली दिल्ली पोलिसांना माहिती -

प्राप्त माहितीनुसार, काल रात्री एका व्यक्तीने गाझियाबाद पोलिसांच्या पीसीआरवर फोन केला. कॉलरने दिल्लीच्या मुख्यमंत्री रेखा गुप्ता यांना जीवे मारण्याची धमकी दिली. यानंतर, रात्री उशिरा गाझियाबाद पोलिसांनी वायव्य जिल्हा पोलिसांना याबद्दल माहिती दिली. या घटनेनंतर, पोलिस विभागात खळबळ उडाली. पोलिसांनी कॉलरला पुन्हा कॉल करण्याचा प्रयत्न केला, परंतु ज्या नंबरवरून कॉल करण्यात आला तो नंबर सध्या बंद आहे. आता, या प्रकरणात कारवाई करत, गाझियाबाद आणि दिल्ली पोलिस सध्या आरोपीचा शोध घेत आहेत. (हेही वाचा - ICICI Bank Fraud in Kota: आयसीआयसीआय बँकेत कोट्यावधी रुपयांचा घोटाळा; मॅनेजर Sakshi Gupta ने ग्राहकांच्या FD मधून पैसे चोरून शेअर बाजारात गुंतवले)

रेखा गुप्ता यांना जीवे मारण्याची धमकी - 

गेल्या काही महिन्यांपासून वेगवेगळ्या प्रकरणांमध्ये धमक्यांचे वृत्त सतत समोर येत आहे. यापूर्वी, भारतातील अनेक प्रवासी विमानांना बॉम्बच्या धमक्या मिळाल्या आहेत. 2024 मध्ये सर्वाधिक बनावट धमक्या मिळाल्या आहेत. एका अधिकृत अहवालानुसार, देशातील नागरी विमान वाहतूक क्षेत्राला मिळालेल्या बनावट बॉम्बच्या धमक्यांमध्ये गेल्या सहा वर्षांत विक्रमी 300 पट वाढ झाली आहे.

दरम्यान, बहुतेक बनावट धमक्या 'एक्स' या सोशल मीडिया प्लॅटफॉर्मद्वारे पाठवल्या गेल्या. एका अहवालानुसार, गेल्या वर्षी भारतीय विमानांना एकूण 1019 बनावट बॉम्बच्या धमक्या मिळाल्या होत्या. तसेच 2018 ते 2023 दरम्यान अशा 330 धमक्या देण्यात आल्या होत्या.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)