Cyclone फनी: ओडिशातील मृतांचा आकडा 64 वर पोहोचला, नुकसानाचा आढावा घेण्यासाठी केंद्रीय दल पोहोचले घटनास्थळी

Cyclone Fani: काही दिवसांपूर्वी ओडिशामध्ये (Odisha) झंझावती फनी चक्रीवादळाने ह्या राज्याचे अतोनात नुकसान केले असून येथील जनजीवन पूर्णपणे विस्कळीत केले आहे. ह्या चक्रीवादळाने आतापर्यंत 64 लोकांचा बळी घेतला आहे. 3 मे ला 240 किमी प्रति तासाच्या वेगाने वादळीवा-यासह आलेल्या ह्या फनी वादळामध्ये 241 लोक जखमी झाले आहेत. ह्यात पूरी (Puri) मध्ये 39, केंद्रपाडामध्ये 3, मयूरभंजमध्ये 4, जाजपूरमध्ये 3, कटकमध्ये 6 आणि खोरधामध्ये 9 लोकांचा मृत्यू झाला आहे. ह्यासंदर्भात घटनास्थळीचा आढावा घेण्यासाठी सदस्यीय केंद्रीय दल भुवनेश्वरमध्ये (Bhuvaneshwar) गेले आहेत.

Cyclone Fani Update:

गृह मंत्रालयाचे अतिरिक्त सचिव विवेक भारद्वाज यांची टीम आजपासून बाधित घटनास्थळाचा आढावा घेण्यास सुरुवात करतील. त्याआधी त्यांना विशेष मदत आयुक्त बी.पी. सेठी ह्यासंबंधी अधिक माहिती देतील.

Cyclone Fani In Bangladesh: बांग्लादेश मध्ये फनीचा हाहाकार, 9 जणांचा घेतला बळी, 60 जण जखमी

तर दुसरीकडे वनअधिका-यांनी सांगितले की, 3 मे फनी वादळ पूरी शहरात आले होते. मात्र 4 मे ला 10 फूट उंच उडणा-या समुद्राच्या लाटांनी सर्वकाही नष्ट करुन टाकले. त्याचा समुद्राजवळ असलेल्या 4 गेस्ट हाऊसला फटका बसला. त्याचबरोबर इको टूरिझम कॉम्प्लेक्सला सुद्धा ह्या फनी वादळाचा मोठा फटका बसला.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)