Bank Strike: पगारवाढीसाठी बॅंक कर्मचार्‍यांचा देशव्यापी संपाचा इशारा; 31 जानेवारी ते २ फेब्रुवारी व्यवहार ठप्प होण्याची शक्यता

देशामध्ये भारतीय बॅंक महासंघ (IBA) सोबत पगारवाढी (Salary Hike) बाबत सुरू असलेल्या वाटाघाटी असफल ठरत असल्याने बॅंक कर्मचार्‍यांच्या संघटनांकडून यंदा 31 जानेवारी आणि 1 फेब्रुवारी दिवशी अशा दोन दिवसांच्या संपाची हाक दिली आहे. तर 2 फेब्रुवारी रोजी साप्ताहिक सुट्टी रविवार असल्याने सलग तीन दिवस बँका बंद (Bank Employee Strike) राहणार असल्याचे चिन्ह आहेत. तसेच पगारवाढीच्या मागणीवर वेळेत तोडगा न निघल्यास 1 एप्रिल पासून बेमुदत संप करण्याचा इशाराही बॅंक संघटनांनी दिला आहे. त्यामुळे तुम्हाला बँक व्यवहाराची महत्वाची कामे असल्यास ती ३१ जानेवारी रोजी उरकून घेणे फायद्याचे ठरेल.. Maharashtra Public Holiday 2020 List: महाराष्ट्र सरकारकडून 2020 मधील सार्वजनिक सुट्यांची यादी जाहीर.

प्राप्त माहितीनुसार, सध्या IBA कडून 12.25% वाढ दिली जात आहे परंतु UFBU कडून 15% पगारवाढीची मागणी आहे. या मागणीसाठीच 13 जानेवारी नव्या वेतन रचनेबाबत मीटिंग झाली होती. मात्र यात समाधानकारक निर्णय न झाल्याने इंडियन बँक असोसिएशनने युनायटेड फोरम ऑफ बँक युनियंस (UFBU), सोबत 9 प्रमुख संघटनांनी संपाची हाक संपूर्ण देशभर दिली आहे. Union Budget 2020: Income Tax कपात, विविध सवलतींसह अर्थसंकल्प २०२० मध्ये केंद्र सरकार विमा क्षेत्राला काय गिफ्ट देणार? जनतेला अपेक्षा

दरम्यान यंदा 1 फेब्रुवारी दिवशी देशाचा केंद्रीय अर्थसंकल्प 2020 संसदेमध्ये मांडला जाणार आहे. त्यामुळे ऐन अर्थसंकल्पाच्या दिवशीचा देशभरातील बॅंकांचे व्यवहार बंद राहण्याची शक्यता आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)