Abbas Ansari Hate Speech Case: द्वेषपूर्ण भाषण प्रकरणात अब्बास अन्सारीला कोर्टाचा मोठा झटका; 2 वर्षांच्या तुरुंगवासाची शिक्षा
अब्बास अन्सारी यांना दोन वर्षांची शिक्षा आणि 2 हजार रुपयांचा दंड ठोठावण्यात आला आहे. अब्बास अन्सारी हे ओम प्रकाश राजभर यांच्या सुहेलदेव भारतीय समाज पक्षाचे आमदार आहेत. विधानसभा निवडणुकीदरम्यान अब्बास अन्सारी यांनी द्वेषपूर्ण भाषण केले होते. ज्यानंतर त्यांना दोषी ठरवण्यात आले होते.
Abbas Ansari Hate Speech Case: मुख्तार अन्सारी यांचे पुत्र आणि मऊ सदर विधानसभा मतदारसंघाचे आमदार अब्बास अन्सारी (Abbas Ansari) यांना न्यायालयाकडून मोठा झटका बसला आहे. अब्बास अन्सारी यांच्या द्वेषपूर्ण भाषण प्रकरणाबाबत आज मऊ न्यायालयात सुनावणी झाली. सुनावणीदरम्यान न्यायालयाने अब्बास अन्सारी यांच्यासह त्यांचा भाऊ आणि मन्सूर अन्सारी यांना दोषी ठरवले आहे. याशिवाय अब्बास अन्सारी यांना दोन वर्षांची शिक्षा आणि 2 हजार रुपयांचा दंड ठोठावण्यात आला आहे. अब्बास अन्सारी हे ओम प्रकाश राजभर यांच्या सुहेलदेव भारतीय समाज पक्षाचे आमदार आहेत. विधानसभा निवडणुकीदरम्यान अब्बास अन्सारी यांनी द्वेषपूर्ण भाषण केले होते. ज्यानंतर त्यांना दोषी ठरवण्यात आले होते.
अब्बास अन्सारी यांनी 2022 च्या उत्तर प्रदेश विधानसभा निवडणुकीत सपा आणि सुभासपा यांनी युतीअंतर्गत एकत्र निवडणूक लढवली. या युतीमध्ये सुभासपा यांना मऊ सदर विधानसभा मतदारसंघातून आपला उमेदवार उभा करावा लागला. अशा परिस्थितीत सुभासपाने अब्बास अन्सारी यांना तिकीट दिले. अब्बास अन्सारी यांनी मऊ सदर मतदारसंघातून पहिल्यांदाच विधानसभा निवडणूक लढवली आणि ती जिंकले देखील. (हेही वाचा - SC On NEET PG Exam: आता नीट पीजी परीक्षा NEET UG च्या धर्तीवर घेतली जाणार; सर्वोच्च न्यायालयाने दिला महत्त्वपूर्ण निर्णय)
दरम्यान, आता सुभासपा सपासोबतची युती तोडून भाजपशी युती केली आहे. विधानसभा निवडणुकीदरम्यान अब्बास अन्सारी यांनी द्वेषपूर्ण भाषण दिले होते, त्यानंतर त्यांच्याविरुद्ध गुन्हा दाखल करण्यात आला होता. विधानसभा निवडणुकीदरम्यान अब्बास अन्सारी यांनी म्हटलं होतं की, निवडणुकीनंतर सरकार स्थापन झाल्यानंतर अधिकाऱ्यांशी असलेले हिशेब चुकते होतील. त्यांच्या विधानावरून बराच वाद निर्माण झाला होता.
अन्सारी यांच्या या विधानानंतर निवडणूक आयोगाने त्यांच्या निवडणूक प्रचारावर 24 तासांसाठी बंदी घातली. गुन्हा दाखल झाल्यानंतर या प्रकरणाची सुनावणी सुरू होती. या प्रकरणात त्यांना दोषी ठरवण्यात आले असून अब्बास अन्सारी यांना दोन वर्षांची शिक्षा सुनावण्यात आली आहे.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
