जल शक्ती मंत्रालयाच्या जल जीवन मिशन अंतर्गत आतापर्यंत देशभरात 2 कोटींहून अधिक घरांना नळपाणी जोडणी; 8 सप्टेंबर 2020 च्या ताज्या मराठी बातम्या आणि ब्रेकिंग न्यूज LIVE

जल शक्ती मंत्रालयाच्या जल जीवन मिशन अंतर्गत आतापर्यंत देशभरात 2 कोटींहून अधिक घरांना नळपाणी जोडणी देण्यात आली असल्याची माहिती मिळत आहे.

राज्यपाल भगत सिंह कोश्यारी यांनी राजभवन येथे ग्रामीण व शहरी भागातील हागणदारीमुक्त अभियानाचा आढावा घेतला. ‘स्वच्छ भारत मिशन’ अंतर्गत राज्याची कामगिरी कौतुकास्पद. नियमित प्रत्यक्ष भेटी देऊन स्वच्छता प्रकल्पांची उपयोगिता व गुणवत्ता तपासावी- राज्यपालांचे निर्देश

कोरोना व्हायरस संसर्गाचा वाढता प्रादुर्भाव पाहता कोल्हापूर जिल्ह्यात 11 ते 21 सप्टेंबर असा एकूण 10 दिवसांचा जनता कर्फ्यू लागू करण्याचा निर्णय जाहीर करण्यात आला आहे. जनता कर्फ्यू दरम्यान नागरिकांवर कोणत्याही प्रकारचे बंधण असणार नाही. कोणावरही सक्ती केली जाणार नाही. परंतू, नागरिकांनी स्वत:हूनच निर्बंध पाळावे आणि जनता कर्फ्यूला सहकार्य करावे असे अवाहन करण्यात आले आहे.

भारतीय सैन्याच्या प्रयत्नांमुळे 2 सप्टेंबर 2020 रोजी अप्पर सबनसिरीतील एलएसीच्या भारतीय बाजूने बेपत्ता झालेल्या पाच लोकांचा शोध घेण्यात आला. चीनी सैन्याने 8 सप्टेंबरला हॉटलाईनवर प्रतिक्रिया दिली आणि बेपत्ता भारतीय त्यांच्या बाजूला सापडले असल्याची पुष्टी केली. या लोकांना परत आणण्यासाठी लवकर चिनी सैन्याशी समन्वय साधला जाणार आहे. लेफ्टनंट कर्नल हर्ष वर्धन पांडे, पीआरओ डिफेन्स, तेजपुर यांनी ही माहिती दिली.

7 सप्टेंबर 2020 रोजी भारतातील कोरोना व्हायरस चाचण्यांनी 5 कोटींचा टप्पा केला. गेल्या 10 दिवसांत दररोज 10 लाखाहून अधिक चाचणी घेतल्या गेल्या आहेत. भारताने 7 सप्टेंबर 2020 पर्यंत देशभरात 5,06,50,128 नमुने तपासले आहेत, आयसीएमआर ने याबाबत माहिती दिली.

रिया चक्रवर्तीचा जामीन अर्ज फेटाळल्यामुळे तिला 14 दिवसांची न्यायालयीन कोठडी सुनावण्यात आली आहे. 

सुशांत सिंह राजपूत प्रकरणी चौकशी सुरु असलेल्या, रिया चक्रवर्तीला आज NCB कडून अटक करण्यात आली. ड्रग्ज प्रकरणाचा रिया चक्रवर्तीशी संबंध असल्याप्रकरणी ही अटक करण्यात आली आहे. आता रिया चक्रवर्तीला 14 दिवसांची न्यायालयीन कोठडी सुनावण्यात आली असल्याची माहिती मिळत आहे. 

मुंबई (Mumbai) मध्ये आज कोरोना विषाणूच्या (Coronavirus) 1,346 रुग्णांची नोंद झाली आहे. यासह एकूण संक्रमित रुग्णांची संख्या 1,58,756 वर पोहोचली आहे. आज शहरामध्ये कोरोनाचे 887 रुग्ण बरे झाले आहेत, यासह आतापर्यंत एकूण 1,25,906 रुग्ण बरे झाले आहेत. सध्या मुंबईमध्ये कोरोना विषाणूच्या 24,556 सक्रीय रुग्णांवर उपचार सुरु आहेत.

महाराष्ट्रात आज 20,131 नवीन कोरोना व्हायरस रुग्णांची नोंद झाली आहे. राज्यात आज 13,234 रुग्णांना डिस्चार्ज देण्यात आला असून, 380 मृत्यूची नोंद झाली आहे. राज्यात एकूण रुग्णांची संख्या 9,43,772 झाली असून, त्यात 6,72,556 बरे झालेले रुग्ण आणि 27,407 मृत्यूंचा समावेश आहे. सध्या राज्यात 2,43,446 सक्रीय प्रकरणे आहेत.

सरकार टप्प्याटप्प्याने लॉक डाऊनमध्ये शिथिलता आणत आहे. येणाऱ्या काही दिवसांमध्ये, शाळेतील शिक्षकांकडून मार्गदर्शन घेण्यासाठी ऐच्छिक आधारावर 9-12 वीचे विद्यार्थी शाळेत जाऊ शकतील. 21 सप्टेंबरपासून यासाठी परवानगी दिली जाणार असल्याची माहिती आरोग्य मंत्रालयाने दिली.

राज्यातील धार्मिक प्रार्थना स्थळ 8 सप्टेंबर सुरु करण्याचा इशारा आरपीआयचे अध्यक्ष रामदास आठवले यांनी दिल्यानंतर उद्या मुंबईत विविध ठिकाणी पक्षाचे कार्यकर्ते आंदोलन करणार आहेत.

दिल्लीत कोरोनाचे आणखी 3609 रुग्ण आढळले आहेत.

वडोदरा मधील सर सयाजी राव हॉस्पिटलमध्ये लागलेल्या आगीवर नियंत्रण मिळवण्यात आले असून रुग्णांना सुरक्षित ठिकाणी हलवण्यात आले आहे.

वडोदरा मधील सर सयाजीराव जनरल हॉस्पिटलच्या कोविड आणि आपत्कालीन विभागात आग लागल्याची घटना घडली आहे.

मध्य प्रदेशात कोरोनाचे आणखी 1864 रुग्ण आढळले आहेत.

चंदीगढ येथे आज कोरोनाचे आणखी 377 रुग्ण आढळले आहेत.

आँध्र प्रदेशात कोरोनाचे आणखी 10,601 रुग्ण आढळले आहेत.

रिया चक्रवर्ती हिने जे काही सांगितले  ते तिच्या अटकेसाठी पुरेसे होते असल्याचे NCB कडून सांगण्यात आले आहे.

धारावीत कोरोना व्हायरसचे आणखी 6 रुग्ण आढळल्याने आकडा 2830 वर पोहचल्याची माहिती BMC कडून देण्यात आली आहे.

धारावीत कोरोना व्हायरसचे आणखी 6 रुग्ण आढळल्याने आकडा 2830 वर पोहचल्याची माहिती BMC कडून देण्यात आली आहे.