COVID 19: राजधानी दिल्लीसह देशभरातील अनेक महत्त्वाच्या शहरांमध्ये दिवाळीसाठी खरेदीची झुंबड; 8 नोव्हेंबर 2020 च्या ताज्या मराठी बातम्या आणि ब्रेकिंग न्यूज LIVE

राजधानी दिल्लीसह देशभरातील अनेक महत्त्वाच्या शहरांमध्ये दिवाळीसाठी खरेदीची झुंबड उडाल्याचे पाहायला मिळत आहे. मुंबई, दिल्ली आणि अनेक शहरांमध्ये हेच चित्र आहे. त्यामुळे कोरोना व्हायरस संसर्ग वाढतो की काय अशी भीती निर्माण झाली आहे.

इंडियन प्रीमियर लीगच्या दुसऱ्या क्वालिफायर सामन्यात दिल्ली कॅपिटल्सने सनरायझर्स हैदराबादविरुद्ध 17 धावांनी विजय मिळवून पहिल्यांदा फायनलमध्ये स्थान मिळवले. आता विजेते पदासाठी त्यांचा मंगळवार, 10 नोव्हेंबर रोजी दुबई येथे सामना चार वेळा आयपीएल चॅम्पियन मुंबई इंडियन्सशी होईल.

भिवंडी परिसरातील राहणाळ येथील झोपड्यांना आग लागल्याचे वृत्त आहे. पोलीस आणि अग्निशमन दलाचे जवान घटनास्थळ पोहोचले असून, आग आटोक्यात आणल्याचे समजते. या घटनेत 4 झोपड्या जळून खास झाल्याची प्राथमिक माहिती आहे.

भारतीय जनता पक्षातून राष्ट्रवादी काँग्रेस पक्षात आलेले नेते एकनाथ खडसे यांनी देवेंद्र फडणवीस यांच्यावर तीव्र शब्दात टीका केली आहे. मुख्ताईनगर येथील एका कार्यक्रमात बोलताना एकनाथ खडसे यांनी म्हटले की, ‘मी ब्राह्मणाला मुख्यमंत्रीपद दान दिलं”

हरीयाणामध्ये कोरोना व्हायरस संक्रमित रुग्णांची संख्या 1,82,804 इतकी जाली आहे. राज्यातील एकूण कोरोना व्हायरस संक्रमित झालेल्या 1,64,444 जणांना उपचारानंतर बरे वाटू लागल्यानंतर डिस्चार्ज देण्यात आला आहे.

पंतप्रधान नरेंद्र मोदी हे जवाहरलाल नेहरू विद्यापीठात स्वामी विवेकानंदांच्या पुतळ्याचे 12 नोव्हेंबर रोजी अनावरण करण्यात येणार आहे, अशी माहिती एम. जगदेश कुमार यांनी दिली आहे.

इंद्रधनुष्य (Rainbow ) दिवे, एलईडी दिवे, स्ट्रिंग लाइट्स, मेटल शेडो लाइट्स, 'कंगन' दिवे, 'झुमर' दिवे यासाठी चांगली मागणी आहे. या दिव्यांच्या किमती 50-450 रुपयांंपर्यंत असतात. हस्तनिर्मित दिवे 50 to Rs 250 रुपयांपर्यंत आहेत. मात्र यावर्षी आकाश कंदीलला जास्त मागणी नाही असे सजावटीच्या एका दुकानदाराने म्हटले आहे

आमच्या दोघांच्या मध्ये येशील तर तिला पेट्रोल टाकू जाळून टाकेल अशी धमकी हुल्लडबाज तरुणाने एका युवतीच्या भावाला दिली आहे. हा प्रकार अमरावती येथील फ्रेजरपुरा पोलिस स्टेशन हद्दीत घडली. या प्रकरणी गुन्हा दाखल झाला आहे.

मुख्यमंत्री उद्धव बाळासाहेब ठाकरे यांच्या हस्ते मीरा-भाईंदर येथील विविध विकासकामांचे भूमिपूजन व लोकार्पण करण्यात आले. हिंदुहृदयसम्राट मा.श्री.बाळासाहेब ठाकरे कलादालनाचे भूमिपूजन,हिंदुहृदयसम्राट मा.श्री.बाळासाहेब ठाकरे मैदानावर उभारलेल्या कोविड रुग्णालयाचा लोकार्पण सोहळा पार पडला.

राजस्थानमधील गुर्जर आणि पंजाबमधील किसान आंदोलनामुळे पश्चिम रेल्वेचे मोठे नुकसान झाले आहे. या आंदोलनमुळे पश्चिम रेल्वेला आणखी काही गाड्या रद्द कराव्या लागल्या आहेत. ट्विट-

दिवाळी सणाच्या खरेदीसाठी दिल्लीच्या जनपथ भागात लोकांनी प्रचंड गर्दी केल्याचे पाहायला मिळत आहे. ट्विट-

पश्चिम बंगाल मध्ये 696 उपनगरीय रेल्वे सेवा येत्या 11 नोव्हेंबर पासून सुरु करण्यात येणार आहेत.

महाराष्ट्रात कोरोनाचे आणखी 5092 रुग्ण आढळले असून 110 जणांचा बळी गेला आहे.

गुजरात येथे कोरोनाचे आणखी 1020 रुग्ण आढळले असून 7 जणांचा बळी गेला आहे.

अभिनेत्री दीपिका पादुकोण हिची मॅनेजर करिश्मा प्रकाश हिला NCB कडून समन्स धाडले गेले आहेत.

मणिपूर येथे गेल्या 24 तासात कोरोनाचे आणखी 245 रुग्ण आढळले असून 3 जणांचा बळी गेला आहे.

निर्माते फिरोज नाडियाडवाला यांना NCB ने  समन्स धाडले आहेत.

जम्मू आणि कश्मीर येथे 4.0 रिश्टर स्केलच्या भुकंपाचे धक्के जाणवले आहेत.

दिल्लीत फटाके विक्री विरोधात 7 गुन्हे दाखल  झाले आहेत.

चित्रपट प्रोड्युसर फिरोज  नाडियाडवाला यांच्या पत्नीला NCB कडून अटक करण्यात आली आहे.