फ्लिपकार्ट'च्या तंत्रप्रणालीमध्ये मराठी भाषेचा समावेश झाल्यानंतर मनसेकडून 'अशी' प्रतिक्रिया ; 8 जानेवारी 2021 च्या ताज्या मराठी बातम्या आणि ब्रेकिंग न्यूज LIVE

महाराष्ट्र नवनिर्माण सेनेच्या दणक्यानंतर 'फ्लिपकार्ट'च्या तंत्रप्रणालीमध्ये मराठी भाषेचा समावेश. महाराष्ट्रात 'राज'भाषेचा सन्मान राखला गेलाच पाहिजे! अशा आशयाचे ट्विट मनसेच्या अधिकृत ट्विटर हॅण्डलवरून करण्यात आले आहे. ट्विट-

1 वर्षाच्या चिमुकलीचे अपहरण झाल्यानंतर 48 तासांत मुंबई पोलिसांनी तिचा शोध घेऊन तिला तिच्या आई-वडिलांकडे सोपवले. या घटनेचा व्हिडिओ सोशल मीडियावर व्हायरल झाला असून या कामगिरी बद्दल शिवसेना नेत्या उर्मिला मातोंडकर यांनी मुंबई पोलिसांचे कौतूक केले आहे. ट्विट- 

झारखंड येथे आज आणखी 207 कोरोनाबाधित रुग्णांची नोंद झाली आहे. तर, दोन जणांचा मृत्यू झाल्याची माहिती समोर आली आहे. ट्विट- 

केंद्रीय आरोग्यमंत्री डॉ. हर्ष वर्धन यांनी चेंगलपट्टू येथील हिंदुस्थान बायोटेक प्लांटला भेट दिली आहे. ट्विट- 

केंद्रीय आरोग्यमंत्री डॉ. हर्ष वर्धन यांनी चेंगलपट्टू येथील हिंदुस्थान बायोटेक प्लांटला भेट दिली आहे. ट्विट- 

देशात बर्डफ्ल्यूचा धोका लक्षात वनविभागानं क्षेत्रीय कर्मचा-यांसाठी दिशानिर्देश जारी कराव्यात अशा सूचना केल्याची माहिती वनमंत्री संजय राठोड यांनी दिली.

मुंबईत मागील 24 तासांत 472 कोरोनाचे रुग्ण बरे झाले असून आतापर्यंत एकूण 2,77,664 रुग्णांनी कोरोनावर मात केली आहे.

रायगड मध्ये कुडपान गावात व-हाडाचा ट्रक 300 फूट दरीत कोसळला असून 30-40 जण जखमी झाले आहेत. तसेच चौघांचे मृतदेह बाहेर काढले असून बचावकार्य अद्याप सुरु आहेत. ABP माझाने याबाबत वृत्त झाले आहे. 

हरयाणाचे मुख्यमंत्री मनोहर खट्टर यांनी आज केंद्रीय गृहमंत्री अमित शाह यांची भेट घेतली.

महाराष्ट्रात आज दिवसभरात 3693 नवे कोरोनाचे रुग्ण आढळले असून 2890 कोरोनाच्या रुग्ण बरे होऊन त्यांना घरी सोडण्यात आले आहे. यामुळे कोरोना बाधितांची एकूण संख्या 19,61,975 इतकी झाली आहे. तर बरे झालेल्या रुग्णांची संख्या 18,58,999 इतकी झाली आहे.

उत्तराखंडमध्ये आज दिवसभरात 390 कोरोनाचे रुग्ण बरे झाले असून आतापर्यंत एकूण 87,127 रुग्णांनी कोरोनावर यशस्वीरित्या मात केली आहे. तर 269 नवे रुग्ण बरे झाले असून 7 रुग्ण दगावले आहेत. यामुळे एकूण कोरोना बाधितांची एकूण संख्या 93,111 वर पोहोचली असून 1562 रुग्णांचा मृत्यू झाला आहे.

येत्या 15 जानेवारीला शेतकरी संघटनेचे नेते आणि सरकार यांच्यामध्ये समाधानकारक चर्चा होईल अशी आशा केंद्रीय कृषी मंत्री नरेंद्र सिंह तोमर यांनी केली आहे.

नव्या कृषी विधेयकं विरोधात शेतक-यांनी पुकारलेल्या आंदोलनावर तोडगा काढण्यासाठी येत्या 15 जानेवारीला केंद्र सरकार आणि शेतकरी नेते यांच्यात चर्चा होणार आहे.

हरियाणा मधील पाच पोल्ट्री फार्म मधील 1.60 लाखांहून अधिक पक्ष्यांची चाचणी केली असता त्यामधील काहींना बर्ड फ्लू ची लागण झाल्याची कृषीमंत्री दे पी दलाल यांनी माहिती दिली आहे.

माहिती व प्रसारण मंत्री प्रकाश जावडेकर यांनी भारत सरकारचे डिजिटल कॅलेंडर आणि डायरी अ‍ॅप लॉन्च केले आहे.

पश्चिम बंगाल मध्ये विधानसभेचे विशेष अधिवेशन येत्या 27 जानेवारीला पार पडणार आहे.

दिल्लीत कोरोनाचे आणखी 444 रुग्ण आढळले असून गेल्या 24 तासात आणखी 10 जणांचा बळी गेला आहे.

केंद्र सरकारने महाराष्ट्रातील कोरोनाच्या लसीकरणाचा खर्च करावा असे शिवसेना नेते एकनाथ शिंदे यांनी म्हटले आहे.

वाशिम जिल्ह्यात कोरोना लसीकरणाची रंगीत तालीम पार पडली आहे.

बिहार मधील मुंगेर शाळेतील 22 जणांची दुसऱ्या वेळेस करण्यात आलेली कोरोनाची चाचणी निगेटिव्ह आल्याची जिल्हाधिकाऱ्यांनी माहिती  दिली आहे.