ठाणे जिल्ह्यात उल्हासनगर मध्ये एका उपाहारगृहात आज दुपारी झालेल्या एल पी जी सिलिंडरच्या स्फोटात एक जण ठार झाला असून 11 जण जखमी झाले आहेत. स्फोटामुळे लागलेल्या आगीत, मालक जागीच ठार झाला. तर होरपळलेल्या इतरांना तात्काळ रुग्णालयात दाखल करण्यात आले. यातील तिघांची प्रकृती गंभीर आहे.
हिमाचल प्रदेशचे मंत्री सुखराम चौधरी यांना कोरोनाची लागण झाल्याची माहिती समोर आली आहे. एएनआयचे ट्वीट-
लीलावती रुग्णालयात दाखल झाल्यानंतर संजय दत्तने दिली पहिली प्रतिक्रिया दिली आहे. सध्या माझी प्रकृती उत्तम आहे. मी सध्या वैद्यकीय निरीक्षणाखाली आहे आणि माझा कोविड - 19 अहवाल नकारात्मक आहे. लीलावती रूग्णालयात डॉक्टर, परिचारिका व कर्मचार्यांच्या मदतीने आणि काळजी घेऊन मी एक-दोन दिवसांत घरी येईल, असंही संजय दत्तने म्हटलं आहे.
झारखंडमध्ये आज 926 नवे कोरोनाबाधित रुग्ण आढळून आले असून 6 जणांचा मृत्यू झाला आहे.
अभिनेता संजय दत्त मुंबईतील लीलावती रुग्णालयात दाखल झाला आहे. त्याची कोरोना चाचणी निगेटिव्ह आली आहे. मात त्याला निरीक्षणाखाली ठेवण्यात आलं आहे.
राजस्थानमध्ये आज 1,171 नवे कोरोनाबाधित रुग्ण आढळून आले आहेत. तसेच 11 रुग्णांचा मृत्यू झाला आहे. त्यामुळे राज्यातील एकूण कोरोनाग्रस्त रुग्णांची संख्या 51,328 इतकी झाली आहे.
पुणे शहरात आज 37 कोरोनाबाधित रुग्णाचा मृत्यू झाला असल्याची माहिती महापौर मुरलीधर मोहोळ यांनी दिली आहे.
अहमदाबाद येथे कोरोनाचे आणखी 158 रुग्ण आढळून आल्याने आकडा 27,745 वर पोहचला आहे.
दिल्लीतील एलपीजी गॅसच्या स्फोटात 5 जण जखमी झाली आहेत.
दिल्लीतील जेजे कॅम्प रहिवाशी ठिकाणी LPG गॅसचा स्फोट झाल्याने आग लागली आहे.
महाराष्ट्रात आज कोरोनाचे आणखी 12,822 रुग्ण आढळून आले असून 275 जणांचा मृत्यू झाला आहे. त्यामुळे राज्यातील COVID19 चा आकडा 5,03,084 वर पोहचला आहे.
गुजरात येथे कोरोनाचे आणखी 1101 रुग्ण आढळून आले असून 1135 जणांची प्रकृती सुधारली आहे.
मुंबईतील धारावीत कोरोनाचे आणखी 8 रुग्ण आढळून आल्याने आकडा वर 2612 पोहचला आहे.
जम्मू-कश्मीर येथे कोरोनाचे आणखी 463 रुग्ण आढळून आले आहे.
आँध्र प्रदेशात कोरोनाचे आणखी 10,080 रुग्ण आढळून आले असून 97 जणांचा बळी केला आहे.
भारतीय स्वातंत्र्य दिनाच्या पार्श्वभूमीवर आज नौदलाच्या बँडपथकाकडून कोरोना योद्धयांना विशेष मानवंदना देण्यात आली आहे.
तमिळनाडू येथे कोरोनाचे आणखी 5883 नवे रुग्ण आढळून आले असून 118 जणांचा बळी गेला आहे.
भारतात कोरोनाच्या रिकव्हरी रुग्णांचा आकडा 14.2 लाखांच्या पार गेला आहे.
दिल्लीत आज कोरोनाचे आणखी 1404 रुग्ण आढळून आले असून 1130 जणांचा प्रकृती सुधारली आहे.
कोझिकोडे येथील एअर इंडियाच्या विमान अपघाताप्रकरणी मृत्यू झालेल्या पायलट डीव्ही साठे यांच्या परिवाराची गृहमंत्री अनिल देशमुख यांनी भेट घेतली आहे.
(Air India Express Plane Crash) काल केरळच्या करीपुर येथे कोझिकोड विमानतळावर एअर इंडियाच्या विमानाच्या झालेल्या अपघातात आतापर्यंत 2 पायलट्स सह 18 जणांंचा मृत्यु झाला आहे तर 127 जण रुग्णालयात आहेत या बाबत नागरी विमान उड्डाण मंत्री हरिपालसिंग पुरी यांनी शोक व्यक्त केला असुन ते सध्या केरळ विमानतळावर जात आहेत. केरळचे राज्यपाल आरिफ मोहम्मद खान आणि मुख्यमंत्री पिनारायी विजयन सुद्धा आज घटना स्थळी जाणार आहेत.
वंदे भारत मिशन अंतर्गत हे विमान दुबईहून 190 प्रवासी घेऊन येत होते. पायलटने टॅब्लेटॉप विमानतळाच्या धावपट्टीच्या शेवटी, फ्लाइटला शेवटी आणण्याचा प्रयत्न केला असावा, जेथे पावसाळ्यामुळे निसरड्या स्थितीमुळे विमान घसरुन हा अपघात झाला अशी माहिती पुरी यांंनी दिली आहे.
दुसरीकडे मान्सुन अपडेट (Maharashtra Monsoon Update) पाहायचा झाल्यास, आयएमडी उपमहासंचालक के.एस.होसाळीकर यांंच्या माहितीनुसार काल रात्रीपासुन पावसाने जरा विश्रांंती घेतली असली तर पुढील 48 तास मुसळधार पावसाची शक्यता आहे. मुंबई व कोकणात आता 10-11 ऑगस्ट दरम्यान पुन्हा अति मुसळधार पाऊस होउ शकतो.