विशाखापट्टणम: टँकरमधून पुन्हा गॅस गळती, NDRF च्या सहकार्याने अग्निशमन दलाचे 50 कर्मचारी करत आहे कारवाई ; 7 मे 2020 च्या ताज्या मराठी बातम्या आणि ब्रेकिंग न्यूज LIVE

आज स्टायरिन गळती होत असलेल्या टँकरमधून पुन्हा गॅसचे धुके गळत आहेत. एनडीआरएफच्या सहकार्याने अग्निशमन दलाचे सुमारे 50 कर्मचारी कार्यरत आहेत. खबरदारीसाठी आम्ही 2-3 किमीच्या अंतरावरील गावे रिकामी करण्याचे आदेश दिले आहेत: विशाखापट्टणम जिल्हा अग्निशमन अधिकारी संदीप आनंद

7 मे रोजी संध्याकाळी वर्षाचा शेवटचा संपूर्ण सुपरमून भारताच्या दिल्ली शहरातून दिसला. सुपरमून भारतात बुद्ध पौर्णिमेला पाहायला मिळाला. पाहा राष्ट्रीय राजधानी दिल्लीतील हे फोटोज

अबुधाबीमध्ये लॉकडाउनमुळे अडकलेल्या भारतीयांना घेऊन एअर इंडियाचे एक्सप्रेस विमान काही वेळापूर्वी केरळच्या कोची एअरपोर्टवर उतरले.

मुंबईकरांच्या चिंतेत आज आणखी भर पडली. शहरात कोरोना बाधितांची संख्या 11,219 वर पोहचली असून नवीन 692 रुग्ण समोर आले आहेत, तर 25 लोकांनी जीव गमावला. मुंबईमध्ये आजवर मृतांचा आकडा 437 इतका आहे.

पालघर जिल्ह्यातील एसपी गौरव सिंह यांना सक्तीच्या रजेवर पाठविण्यात येणार असल्याची माहिती, महाराष्ट्रचे गृहमंत्री अनिल देशमुख यांनी दिली आहे.

मध्यरात्रीपासून राजस्थान सरकार पेट्रोलवर 2 आणि डिझेलवर 1 टक्के व्हॅट वाढवला आहे.

इतर देशांतून परत आणल्या जाणार्‍या भारतीय नागरिकांना अलग ठेवण्यासाठी मुंबईतील 88 हॉटेल्समधील 3,343 खोल्यांमध्ये क्वारंटाइनमध्ये ठेवले जाणार असल्याचे बीएमसीने म्हटले. 

नाशिकमधील सतनपूर भागातील एका कारखान्यात आज आग लागली. अग्निशामकघटनास्थळी पोहचले असून आगीवर नियंत्रण मिळवण्याचे कार्य सुरु आहे.

महाराष्ट्रात 48.14 कोटी रुपयांच्या दारुची विक्री झाल्याची माहिती राज्य उत्पादन शुक्ल विभागाकडून देण्यात आली आहे.

मध्य प्रदेशात आणखी 114 कोरोनाबाधित रुग्ण आढळून आल्याने आकडा 3252 वर पोहचला आहे. 

महाराष्ट्रात आज नवे 1362  कोरोनाबाधित रुग्ण आढळल्याने आकडा 18,120 वर पोहचल्याची माहिती आरोग्यमंत्री राजेश टोपे  यांनी दिली आहे.

धारावीत आणखी 50 कोरोनाबाधित रुग्ण आढळून आल्याने आकडा 783 वर पोहचला आहे.

दिल्लीत सरकारकडून दारु खरेदीसाठी नागरिकांसाठी E-Tokan सिस्टिमची सुविधा उपलब्ध करून देण्यात येणार आहे.

दिल्लीत गेल्या 24 तासात 37 इंडो तिबेटियन बॉर्डर पोलिसांची कोरोनाची चाचणी पॉझिटिव्ह आली आहे.

झारखंड येथे आणखी 5 कोरोनाबाधित रुग्ण आढळल्याने आकडा 132 वर पोहचला आहे.

कर्नाटक येथे आज तब्बल 165 कोटी रुपयांच्या दारुची विक्री झाली आहे.

मुंबई विमानतळावरील CISF हेडकॉन्टेबलचा कोरोनामुळे मृत्यू झाला आहे.

तमिळनाडू येथे कोरोनाचे आणखी 580 रुग्ण तर 2 जणांचा मृत्यू झाल्याने कोरोनाबाधितांचा आकडा 5409 वर पोहचला आहे.

JEE Advance Exam येत्या 23 ऑगस्ट रोजी होणार असल्याची माहिती रमेश पोखरियाल यांनी दिली आहे.

कर्नाटक येथे 12 आणखी कोरोनाबाधित रुग्ण आढळून आल्याने आकडा 705 वर पोहचला आहे.