चेंबूर, घाटकोपर, कांजूरमार्ग, विक्रोळी आणि पवई येथील परिसरात गॅस गळती? अग्निशमन दलाकडून तपास सुरु; 6 जून 2020 च्या ताज्या मराठी बातम्या आणि ब्रेकिंग न्यूज LIVE

चेंबूर, घाटकोपर, कांजूरमार्ग, विक्रोळी आणि पवई येथील रहिवाशांकडून संशयित गॅस गळती होण्याच्या काही तक्रारी आल्या आहेत, अशी माहिती अग्निशमन दलाने दिली असून पुढील तपास सुरु केला आहे. ट्वीट- 

जम्मू-काश्मीरच्या बारामुल्ला येथील सोपोर भागातील एडीपोरा जवळ दहशतवाद्यांनी आज संध्याकाळी गोळीबार केला. दरम्यान एकाचा तरूणाचा मृत्यू झाला आहे. एएनआयचे ट्वीट- 

पुण्यातील नॅशनल इन्स्टिट्यूट ऑफ व्हायरोलॉजी येथे संशोधन करण्यासाठी महाराष्ट्र सरकारकडून 30 माकडांना पकडण्याची परवानगी देण्यात आली आहे. पीटीआयटे ट्वीट- 

कोरोना विषाणूने संपूर्ण महाराष्ट्रात हाहाकार माजवला आहे. राज्यात सर्वाधिक कोरोनाबाधित रुग्ण मुंबईत आढळून आले आहेत. मुंबईत आज  आणखी 1 हजार 274 नव्या रुग्णांची भर पडली आहे. यामुळे मुंबईतील कोरोनाबाधितांची संख्या 47 हजार 128 वर पोहचली आहे. एएनआयचे ट्वीट- 

उत्तराखंड येथे आणखी 58 कोरोनाबाधित रुग्णांची वाढ झाल्याने आकडा 1303 वर पोहचला आहे.

Visakhapatnam Espionage Case प्रकरणी  अब्दुल रेहमान अब्दुल जब्बर शेख याला  NIA कडून मुंबईतून अटक करण्यात आली आहे.

महाराष्ट्रात आज नव्या 2739 कोरोनाबाधित रुग्णांची भर तर 120 जणांचा बळी गेला आहे. त्यामुळे राज्यातील COVID19 चा आकडा 37,390 वर पोहचल्याची माहिती आरोग्य विभागाकडून देण्यात आली आहे.

गोव्यात कोरोनाच्या 71 नव्या रुग्णांसाठी भर पडल्याने आकडा 267 वर पोहचला आहे.

पंजाब येथे आणखी 54 कोरोनाबाधित रुग्णांची भर पडल्याने आकडा 2515 वर पोहचला आहे.

कर्नाटक येथे आणखी 378 कोरोनाबाधित रुग्ण आढळून आल्याने आकडा 5213 वर पोहचला आहे.

मुंबईतील धारावीत आज कोरोनाचे नवे 10 रुग्ण आढळून आल्याने आकडा 1899 वर पोहचल्याची माहिती BMC कडून देण्यात आली आहे.

हिमाचल प्रदेशात कोरोनाबाधितांचा आकडा 398 वर पोहचला असून त्यापैकी 201 अॅक्टिव्ह रुग्ण असल्याची माहिती आरोग्य विभागाकडून देण्यात आली आहे.

दिल्लीतील सफदारजंग रुग्णालयात कोरोनाबाधित कॉन्स्टेबलचा मृत्यू  झाला आहे.

गेल्या 24 तासात ITBP च्या आणखी 3 जणांची कोरोनाची चाचणी पॉझिटिव्ह आल्याने आकडा 34 वर पोहचला आहे.

चीनच्या उत्पादनावर बहिष्कार टाकणारे व्यंगचित्र पोस्ट केल्याने Amul कंपनीचे ट्वीटर अकाउंट ब्लॉक करण्यात आले आहे.

नेपाळ मध्ये मागील 24 तासात कोरोनाचे 323 नवे रुग्ण आढळून आल्याने आता देशातील कोरोना रुग्णांची संख्या 3,235 वर पोहचली आहे. दिवसभरात एकूण 3  मृत्यूंची नोंद झाली असून देशात आजवर एकूण 13 जणांचा कोरोनाने बळी घेतला आहे.

  निसर्ग चक्रीवादळामुळे मुख्यमंत्र्यांनी 100 कोटींची केलेली मदत फारच तोकडी असल्याचे देवेंद्र फडणवीस यांनी म्हटले आहे. 

आयुष्यात आपण पाहू शकणार नाही असे निर्णय मोदी सरकारच्या वेळी घेण्यात आले असल्याचे देवेंद्र फडणवीस यांनी म्हटले आहे. कारण मोदी सरकारला 6 वर्ष पूर्ण झाली असल्याच्या पार्श्वभुमीवर त्यांनी हे विधान केले आहे. 

NDRF निकषांपेक्षा जास्त मदत द्यायला हवी होती असे देवेंद्र फडणवीस  यांनी म्हटले आहे. 

निसर्ग चक्रीवादळामुळे नुकसानीच्या 75 टक्के मदत सरकारने द्यायला हवी होती असल्याचे देवेंद्र फडणवीस यांनी स्पष्ट केले आहे.