केंद्र सरकारकडून पेट्रोल आणि डिझेलवरील उत्पादन शुल्कात वाढ; 5 मे 2020 च्या ताज्या मराठी बातम्या आणि ब्रेकिंग न्यूज LIVE

केंद्र सरकारने पेट्रोलवर प्रतिलिटर 10 रुपये तर, डिझेलवर 13 रुपये प्रतिलिटर उत्पादन शुल्क वाढविले आहे. तसेच हे शुल्क दरात झालेले बदल 6 मे 2020 पासून अंमलात येणार आहेत. एएनआयचे ट्वीट- 

तेलंगाना मध्ये लॉकडाऊन 29 मे पर्यंत वाढवले असल्याची माहिती मुख्यमंत्री के चंद्रशेखर राव यांनी दिली आहे.

पंजाबमध्ये पेट्रोल-डिझेल प्रति लीटर 2 रुपयांनी महागले असून मध्यरात्रीपासून नवे दर लागू होणार असल्याचे पंजाब सरकारने सांगितले आहे.

महाराष्ट्रात आजपासून लॉकडाऊनच्या तिसऱ्या टप्प्याला सुरुवात झाली आहे. यादरम्यान, अनेक गोष्टींसाठी सूट देण्यात आली आहे. यात सर्वात महत्त्वाची गोष्ट म्हणजे रेड, ऑरेंज आणि ग्रीन या तीनही झोनमध्ये दारुची दुकाने सुरु करण्यास परवानगी देण्यात आली आहे. यामुळे तळीरामांनी दारुच्या दुकानांवर मोठ्या प्रमाणात गर्दी पाहायला मिळाली आहे. यामुळे मुंबईत उद्यापासून दारू विक्रिला बंदी घातली आहे. तसेच किराणा दुकाने, मेडिकल यांसारख्या जीवनाश्यक वस्तूंच्या दुकानांना मुंबई महानगरपालिकेने परवानगी दिली आहे. एएनआयचे ट्वीट- 

महाराष्ट्रात आजपासून लॉकडाऊन  3.0 सुरु झाले आहे. यादरम्यान, अनेक गोष्टींसाठी सूट देण्यात आली आहे. यात सर्वात महत्त्वाची गोष्ट म्हणजे रेड, ऑरेंज आणि ग्रीन या तीनही झोनमध्ये दारुची दुकाने सुरु करण्यास परवानगी देण्यात आली आहे. मात्र, सामाजिक अंतर आणि सॅनिटाइजरचा वापन न केल्याप्रकरणी पुण्यातील 9 दारुच्या दुकानांवर कारवाई करण्यात आली आहे. एएनआयचे ट्वीट- 

महाराष्ट्रात आज 841 नव्या कोरोना रुग्णांची नोंद झाली असून 34 जणांचा कोरोनामुळे मृत्यू झाला आहे. आतापर्यंत राज्यात 15 हजार 525 जणांना कोरोनाची लागण झाली आहे.

मुंबईत आज 635 जणांची कोरोना चाचणी पॉझिटिव्ह आली असून 26 जणांचा कोरोनामुळे मृत्यू झाला आहे. आतापर्यंत 9758 जणांना कोरोनाची लागण झाली आहे. तर मुंबईत आतापर्यंत 387 जणांना कोरोनामुळे आपला जीव गमवावा लागला आहे.

आखाती देशांमध्ये 10 हजारांहून अधिक भारतीयांनी कोरोना चाचणी पॉझिटिव्ह आली असून 84 जणांचा कोरोनामुळे मृत्यू झाला आहे.

धारावीत आज 33 जणांची कोरोना चाचणी पॉझिटिव्ह आली आहे. त्यामुळे धारावीतील एकूण कोरोनाग्रस्त रुग्णांची संख्या 665 वर पोहोचली आहे.

महाराष्ट्रात 350 रुग्णांना उपचारानंतर डिस्चार्ज देण्यात आला आहे. राज्यात आतापर्यंत 2465 जणांना डिस्चार्ज देण्यात आला आहे.

Lockdown मुळे विविध जिल्ह्यांत आणि इतर राज्यांत अडकलेल्या आदिवासी मजुरांना त्यांच्या मूळ गावी आणण्यासाठी एसटी अथवा खासगी बसेसची व्यवस्था करणार. त्यासाठी आदिवासी विभागाच्या न्यूक्लियस बजेट योजनेमधून खर्च केला जाणार असल्याच आदिवासी विकास मंत्री ॲड. के. सी. पाडवी यांनी सांगितलं आहे.

भारतामध्ये कोरोना रुग्णाची 46,711 वर पोहोचली आहे. यातील 31,967 जणांवर रुग्णालयात उपचार सुरू आहेत. तसेच आतापर्यंत 1,583 जणांचा कोरोनामुळे मृत्यू झाला आहे. यासंदर्भात आरोग्य व कुटुंब कल्याण मंत्रालयाने माहिती दिली आहे.

पुण्यात आज 99 जणांची कोरोना चाचणी पॉझिटिव्ह आली आहे. त्यामुळे जिल्ह्यातील एकूण कोरोनाग्रस्तांची संख्या 2202 वर पोहोचली आहे.

आंध्र प्रदेश: विशाखापट्टणममधील महिलांनी  जिल्ह्यात लॉकडाऊन दरम्यान  उघडलेल्या दारू दुकानांच्या विरोधात आज निषेध नोंदविला.  भाजीपाला बाजारपेठा फक्त 3 तास खुल्या राहतात परंतु दारूची दुकाने 7 तास खुली ठेवण्यास कशी काय परवानगी आहे? असा सवालही आंदोलनकर्त्या महिलांनी विचारला. राज्य सरकारने लॉकडाऊन काळात मद्यविक्री करण्यास आणि दुकाने सुुरु करण्यास मान्यता दिली आहे.

देशातील कोरोना व्हायरस संक्रमितांची संख्या 46,433 वर पोहोचली.   गेल्या 24 तासात  3,900 कोरोना व्हायरस संक्रमित रुग्णांची नोंद. अग्रवाल, सहसचिव, आरोग्य मंत्रालय यांची माहिती

कोरोना व्हायरस संकटाच्या पार्श्वभूमीवर सोशल डिस्टन्सींग कायम ठेवण्यासाठी, विवाह सोहळ्यात 50 पेक्षा जास्त व्यक्ती एकत्रित करण्यास परवानगी नाही. तसेच मृत व्यक्तींच्या अंत्यसंस्कारासाठी 20 पेक्षा जास्त व्यक्तींना एकत्र आणण्याची परवानगी नाही, अशी माहिती पुण्य सलीला श्रीवास्तव, संयुक्त सचिव, गृह मंत्रालय यांनी दिली आहे.

आंध्र प्रदेश राज्यातील विशाखापट्टणम शहरात नागरिकांनीक दारु खरेदीसाठी दारुच्या दुकानापुुढे रांगा लावल्या. प्रचंड गर्दी झाल्याने लॉकडाऊन आणि सोशल डिस्टन्सींग नियमांचे मोठ्या प्रमाणावर उल्लंघन झाले.

Coronavirus: केंद्रीय आरोग्य मंत्रालय पत्रकार परिषद इथे पाहा लाईव्ह

11 वर्षीय मुलासह कोरोना व्हायरस संक्रमित 3 रुग्णांचा पुण्यात मृत्यू झाला आहे. नव्या 118 रुग्णांसह पुण्याती कोरोना व्हायरस संक्रमितांची संख्या 2,132  इतकी झाली आहे.

काँग्रेस अध्यक्षा सोनिया गांधी या काँग्रेस शासीत राज्यांच्या मुख्यमंत्र्यांची उद्या बैठक घेणार आहेत. ही बैठक व्हिडिओ कॉन्फरन्सींगद्वारे होणार आहे. कोरना व्हायरस परिस्थिती समजावून घेण्यासाठी ही बैठक आयोजित करण्यात आल्याचे वृत्त आहे.