Lockdown: राज्यात 5 लाख 52 हजार 337 ग्राहकांना घरपोच मद्यसेवा; 29 मे 2020 च्या ताज्या मराठी बातम्या आणि ब्रेकिंग न्यूज LIVE

राज्यात 15 मे पासून 5 लाख 52  हजार337 ग्राहकांना घरपोच मद्यविक्री सेवा. दिवसभरात 58 हजार231 ग्राहकांना घरपोच मद्यसेवा. यापैकी मुंबई शहर आणि मुंबई उपनगरात 35 हजार 513 ग्राहकांना घरपोच मद्यविक्री उपलब्ध करुन दिल्याची माहिती  उत्पादन शुल्क आयुक्त कांतीलाल उमाप यांनी दिली आहे.

राज्यातील कोरोना व्हायरस आणि लॉकडाऊन स्थिती विचारात घेऊन राज्यातील शिक्षण संस्थांनी विद्यार्थ्यांना प्रवेश देताना वाढीव शुल्क आकारु नये, असे शालेय शिक्षण मंत्री वर्षा गायकवाड यांनी म्हटले आहे. शिक्षणमंत्र्यांनी दिलेले आदेश हे शैक्षणिक वर्ष 2020-21 साठी लागू असून, ते राज्यातील सर्व खाजगी प्राथमिक व  माध्यमिक शिक्षण संस्थांना लागू असतील.

पुणे जिल्ह्यात मागील 24 तासांत 302 नवीन कोविड-19 पॉझिटिव्ह रुग्ण आणि 11 मृत्यूची नोंद झाली आहे. एकूण सकारात्मक प्रकरणे 7314 आणि मृत्यूची संख्या 321 झाली आहे. जिल्हा आरोग्य अधिकारी डॉ. भगवान पवार यांनी याबाबत माहिती दिली.

राज्याचे गृहमंत्री अनिल देशमुख यांनी  राज्यातील विविध रुग्णालयांत Covid19 वर उपचार घेत असलेल्या,कोरोनावर मात केलेल्या & विलगीकरण कक्षात असलेल्या एसआरपीएफच्या पोलिसांची नागपूर येथून व्हिडिओ कॉन्फरन्स द्वारे विचारपूस केली.  त्यांना धीर दिला. एसआरपीएफचे ५४५ पोलिस संक्रमित झाले असून ३८८ जणांना डिस्चार्ज करण्यात आले आहे.

मुंबई शहरातील कोरोना व्हायरस संक्रमितांची संख्या आता 36,710 इतकी झाली आहे. आज (29 मे 2020) दिवसभरात 1437  जणांची कोरना व्हायरस चाचणी पॉझिटीव्ह आली. तर 38 जणांचे मृत्यू झाले, अशी माहिती मुंबई महापालिकेने दिली आहे.

Earthquake: हरियाणा राज्यातील रोहतक आज भूकंपाच्या धक्क्यांनी हादरले. रिष्टर स्केलवर या भूकंपाची नोंद 4.6 इतकी झाली. भूकंपाचा केंद्रबिंदू रोहतकपासून 16 किलोमीटर अंतरावर होता. रात्री 9.08 वाजता ही घटना घडली

मुंबईत आमदार अबू आझमी यांच्यासह अन्य 45 जणांच्या विरोधात एका आंदोलनावेळी COVID19 च्या लॉकडाऊनचे नियम मोडल्याने गुन्हा दाखल करण्यात आला आहे.

लेखक-गीतकार योगेश गौड यांचे निधन झाले आहे.

राजस्थान भाजप माजी अध्यक्ष भंवरलाल शर्मा यांचे निधन झाले आहे.

हरियाणा येथे आणखी 217 जणांची कोरोनाची चाचणी पॉझिटिव्ह आल्याने आकडा 1721 वर पोहचला आहे.

पंजाब येथे आणखी 39 जणांची कोरोनाची चाचणी पॉझिटिव्ह आल्याने आकडा 2197 वर पोहचला आहे.

महाराष्ट्रात आज 116 जणांचा बळी तर 2682 नवे कोरोनाग्रस्त रुग्ण आढळले आहेत. त्यामुळे राज्यातील एकूण COVID19 च्या रुग्णांचा आकडा 62,228 वर पोहचला आहे.

गुजरात येथे गेल्या 24 तासात 372 नवे कोरोनाचे रुग्ण आढळून आले असून 20 जणांचा मृत्यू झाला आहे.

गोव्यात कोरोनाबाधितांचा आकडा 69 वर पोहचल्याची माहिती आरोग्य विभागाकडून देण्यात आली आहे.

RBI कडून भारत को-ऑपरेटिव्ह बँकेला  Monetary Penalty अंतर्गत 60 लाख रुपयांचा दंड ठोठावण्यात आला आहे.

धारावीत आज कोरोनामुळे एकाचाही बळी गेला नाही तर 41 जणांची COVID19 ची चाचणी पॉझिटिव्ह आल्याची माहिती मुंबई महापालिकेकडून देण्यात आली आहे.

जम्मू कश्मीर येथे आणखी 128 कोरोनाबाधित रुग्ण आढळून आल्याने आकडा 2164 वर पोहचला आहे.

तमिळनाडू येथे आणखी 874 जणांची कोरोनाची चाचणी पॉझिटिव्ह आल्याने आकडा 20,246 वर पोहचला आहे.

प्रसिद्ध ज्योतिषी बेजन दारूवाला यांचे निधन झाले आहे.

राज्यातील Contract Basis वर काम करणाऱ्या डॉक्टरांच्या मानधनात भरीव वाढ करण्याचा राज्य सरकारने निर्णय घेतला आहे.