Corona Update In Maharashtra Today: महाराष्ट्रात कोरोना विषाणूचा हाहाकार; राज्यात एका दिवसात 729 नवे रुग्ण आढळले तर, 31 लोकांचा मत्यू; 28 एप्रिल 2020 च्या ताज्या मराठी बातम्या आणि ब्रेकिंग न्यूज LIVE

भारतात सर्वाधिक कोरोनाबाधीत रुग्ण महाराष्ट्रात आढळले आहेत. महाराष्ट्रात आज 31 लोकांचा मृत्यू झाला आहे. तर, दिवसभरात 729 नव्या रुग्णांची भर पडली आहे. राज्यात आतापर्यंत 400 रुग्णांचा मृत्यू झाला आहे. सध्या महाराष्ट्रात कोरोनाबाधितांच्या संख्येने 9 हजार 318 चा आकडा गाठला आहे. एएनआयचे ट्वीट- 

कोरोना विषाणूने संपूर्ण देशाला हादरून टाकले आहे. सध्या दिल्लीत कोरोनाबाधीत रुग्णांच्या संख्येत वाढ होऊ लागली आहे. दिल्लीत गेल्या 24 तासांत 204 नवे रुग्ण आढळून आले आहेत. यामुळे कोरोनाबाधीतांचा आकडा 3 हजार 314 वर पोहचला आहे. त्यापैंकी 54 जणांचा मृत्यू झाला असून 1 हजार 078 रुग्ण कोरोनामुक्त झाले आहेत. एएनआयचे ट्वीट-

पालघर घटनेसंदर्भात कासा पोलिस ठाण्यातील 35 पोलिसांची बदली करण्यात आली आहे, अशी माहिती एएनआय वृत्त संस्थेने दिली आहे. एएनआयचे ट्वीट- 

डीएचएफलच्या वाधवान बंधूंचा मुंबई कोर्टाने जामीन नाकारला आहे. वाधवान बंधूनी लॉकडाउनच्या काळात मुंबई ते महाबळेश्वर प्रवास केल्याचे हे प्रकरण असून त्यांचा ताबा आता CBI कडे देण्यात आला आहे. नुकतेच त्यांना सातारा येथून मुंबईत आणण्यात आले आहे.

मध्य प्रदेशात कोरोनाबाधितांचा आकडा 2387 वर पोहचला आहे.

गुजरात येथे गेल्या 24 तासात कोरोनाचे नवे 226 रुग्ण आढळून आल्याने आकडा 3774 वर पोहचला आहे.

पुणे मधील  ससून रुग्णालयातील 9 कोरोनाबाधित रुग्णांची चाचणी निगेटिव्ह आल्याने डिस्चार्ज देण्यात आला आहे. 

धारावीत आज 42 नवे कोरोनाबाधित रुग्ण तर 4 जणांचा मृत्यू झाला आहे.

गौतम बुद्ध नगर येथे आज कोरोनाचे आणखी 5 रुग्ण आढळून आल्याने आकडा 134 वर पोहचला आहे. 

राज्यातील 55 वर्षापेक्षा अधिक वयोगटातील व्यक्तींना घरीच थांबण्याचे मुंबई पोलिसांनी केले आहे.

केरळात आणखी 4 जणांना कोरोनाची लागण झाल्याने आकडा 123 वर पोहचला आहे.

जम्मू कश्मीर येथे 80 वर्षीय महिलेचा कोरोनामुळे मृत्यू झाला आहे.

आज आरोग्य मंत्रालयाच्या पत्रकारपरिषदेमध्ये लव अग्रवाल यांनी दिलेल्या माहितीनुसार प्लाझ्मा थेरपीला अद्याप उपचार पद्धतीमध्ये समाविष्ट करण्यात आलेले नाही. या उपचार पद्धतीबाबत ICMR देखील प्रयोग करत आहे. पूर्व परवानगीशिवाय त्याचा उपचारांमध्ये समाविष्ट करणं हे रूग्णासाठी घातक ठरू शकते. तसेच हे बेकायदेशीर देखील आहे.

भारतामध्ये आरबीआयच्या कर्मचार्‍यांनी त्यांच्या पगारातून किमान दिवसाच्या मानधनाची रक्कम पीएम केअर फंडमध्ये दान केली आहे. यामुळे सुमारे 7.30 कोटी रूपयांचा निधी दान करण्यात आला आहे.

मुंबईमध्ये लॉकडाऊन दरम्यान 14 एप्रिलच्या संध्याकाळी अचानक मजुरांची गर्दी जमा झाली.  या घटनेला विनय दुबे जबाबदार असल्याचा आरोप त्यांच्यावर आहे. दरम्यान आता 15,000च्या पर्सनल बॉन्डवर त्याची सुटका झाली आहे.

पुण्यामध्ये आझम कॅम्पस एज्युकेशनल इन्सिट्युटमधील मधील आता कोरोना संकटाच्या काळात क्वारंटीन सेंटर मध्ये बदलण्यात आली आहे.

नागपूरच्या सतरंजीपुरा भागात 80 जणांना कोरोनाची बाधा झाल्यानंतर आता सुमारे 750 लोकांना क्वारंटीन करण्यात आलं असून अजून 500 जणांच्या क्वारंटीनची व्यवस्था केली जाईल अशी माहिती नागपूर पालिका आयुक्त तुकाराम मुंडे यांनी दिली आहे.

हरियाणा मध्ये कोरोना बाधितांची एकूण संख्या 304 वर पोहोचली असून यात 14 इटालियन नागरिकांचा समावेश आहे. तसेच यातील 218 जणांना डिस्चार्ज मिळविला असून 3 जणांचा मृत्यू झाल्याची माहिती आरोग्य विभागाने दिली आहे.

हिमाचल प्रदेशातील चंबा भागात आज दुपारी 12 वाजून 17 मिनिटांनी भूकंपाचे धक्के बसले. या भूकंपाची तीव्रता 4.0 रिश्टेर स्केल इतकी होती.

दिल्लीमध्ये निती आयोग इमारतीमध्ये एक डिरेक्टर लेव्हलचा ऑफिसर कोरोना पॉझिटिव्ह आढळल्यानंतर आता ही इमारत पुढील 48 तासांसाठी सील करण्यात आली आहे.