केरळात स्थानिक स्वराज्य संस्थेच्या तिसऱ्या टप्प्यातील निवडणूकीत 74,899 उमेदवार निवडणूक लढवणार, निवडणूक आयोगाची माहिती ; 27 नोव्हेंबर 2020 च्या ताज्या मराठी बातम्या आणि ब्रेकिंग न्यूज LIVE

केरळात स्थानिक स्वराज्य संस्थेच्या तिसऱ्या टप्प्यातील निवडणूकीत 74,899 उमेदवार निवडणूक लढवणार अशी निवडणूक आयोगाने माहिती दिली आहे.

मणिपूर येथे संध्याकाळी 6 ते पहाटे 4 वाजेपर्यंत Night Curfew येत्या 31 डिसेंबर पर्यंत  लागू असणार आहे.

मास्क न घालणाऱ्या नागरिकांसाठी कर्नाटक सरकारची नियमावली जाहीर केली आहे. त्यानुसार, महापालिका क्षेत्रात 250 तर, इतर शहरातील नागरिकांकडून 100 दंड आकारला जाणार आहे. ट्विट-

मिझोराम मधील सर्व शाळा वर्षाच्या शेवटपर्यंत बंद राहतील, अशी माहिती समोर आली आहे. ट्विट-

इराणचे अव्वल अणु वैज्ञानिक Mohsen Fakhrizadeh यांची तेहरानजवळ हत्या झाली आहे, अशी माहिती इराणच्या प्रेस टीव्हीने दिली आहे. ट्विट-

परभणी जिल्ह्यात आज दिवसभरात आज नवे 9 कोरोनाचे रुग्ण आढळले असून कोरोना बाधितांची एकूण संख्या 7052 इतकी झाली आहे.

मुंबईत मागील 24 तासांत 313 रुग्ण आढळले असून 17 रुग्ण दगावले आहेत. यामुळे मुंबईत कोरोना बाधितांची एकूण संख्या 2,80,811 वर पोहोचली असून मृतांची एकूण संख्या 10,756 वर पोहोचली आहे. सद्य घडीला मुंबईत 12,588 रुग्णांवर उपचार सुरु आहेत.

महाराष्ट्रात आज दिवसभरात 6185 कोरोनाचे रुग्ण आढळले असून 85 जणांचा मृत्यू झाला आहे. राज्यात कोरोना बाधितांची एकूण संख्या 18 लाख 08 हजार 550 वर पोहोचली आहे. तर मृतांची संख्या 46,898 वर पोहोचली आहे. राज्यात सद्य घडीला 87,969 रुग्णांवर उपचार सुरु आहेत.

न्यायाधीश वा न्यायालयाविषयी असभ्य वक्तव्यांमुळे अवमान होतो मात्र जेव्हा कोणी महाराष्ट्र वा मुंबईबद्दल अशा प्रकारचे भाष्य करते तो अवमान नाही का असा सवाल शिवसेना नेते संजय राऊत यांनी केली आहे.

रेल्वे भवनात कोरोनाचे रुग्ण आढळून आल्याने 1 व 2 डिसेंबरला सॅनिटायजिंगकरिता बंद ठेवण्यात येणार असल्याची माहिती रेल्वे बोर्डाने दिली आहे.

कोणीही कितीही प्रयत्न केले तरी NDA ला इकडचे तिकडे करु शकत नाही. बहुमतासाठी 122 जागा हव्या आहेत आणि NDA जवळ 125 जागा आहेत अशी माहिती बिहारचे मुख्यमंत्री नितीश कुमार यांनी दिली आहे.

उत्तराखंड मध्ये 530 नवे कोरोनाचे रुग्ण आढळले असून 5 जणांचा मृत्यू झाला आहे. यामुळे राज्यात कोरोना बाधितांची एकूण संख्या 73,527 वर पोहोचली असून मृतांची एकूण संख्या 1201 वर पोहोचली आहे.

जी अभिनेत्री हिमाचल मध्ये राहते आणि मुंबईत येऊन आमच्या मुंबईला PoK असा उल्लेख करते, असे दोन टक्क्यांच्या लोकांनी कोर्टाला राजकीय आखाडा बनवणे चुकीचे आहे असे सांगत मुंबई महापौर किशोरी पेडणेकर यांनी कंगना रनौतवर सडकून टिका केली आहे.

सिडनीमध्ये खेळवण्यात आलेल्या सामन्यात ऑस्ट्रेलियाकडून भारताचा 66 धावांनी पराभव झाला आहे.

कोरोनाच्या काळात कोविड योद्धा म्हणून राज्यात अहोरात्र काम करणा-या  अंगणवाडी सेविका, मदतनीस यांना पात्रतेनुसार पदोन्नती देणार असल्याचे राज्याच्या महिला व बाल विकास मंत्री अॅड.यशोमती ठाकूर यांनी सांगितले आहे.

राजस्थान: दिल्ली-जयपूर महामार्गावर बसला लागलेल्या आगीत 3 ठार झाले असून अनेक जखमी झाले आहेत. जखमींवर रुग्णालयात उपचार सुरु आहेत. हाय व्होल्टेज वायरच्या संपर्कात आल्याने बसला आग लागली.

जम्मू-काश्मीरः श्रीनगरचे नवनिर्वाचित नगराध्यक्ष जुनैद अजीम मट्टो आपनी पार्टीमध्ये सामील झाले.

कोविड-19 लसीचा आढावा घेण्यासाठी पंतप्रधान नरेंद्र मोदी उद्या तीन शहरांना भेट देणार आहेत. अहमदाबादमधील Zydus Biotech Park, हैदराबादमधील भारत बायोटेक आणि पुण्यात सीरम इन्स्टिट्यूट ऑफ इंडिया येथे मोदी उद्या कोरोना लसीच्या विकासाचा आढावा घेतील.

मुंबई पोलिसांनी ड्रग संबंधित प्रकरणात दोषारोपपत्र दाखल केले असून आतापर्यंत सुमारे 146.143 किलो एम.डी. (मेफेड्रॉन) ताब्यात घेण्यात आले आहे. या प्रकरणात आतापर्यंत 13 लोकांना अटक करण्यात आली आहे.

भारतीय नौदलाचे MiG-29K काल  कोसळले आहे. या विमानाचे वैमानिक Nishant Singh यांचा शोध सुरू आहे अशी माहिती Indian Navy कडून देण्यात आली आहे.