अयोध्या प्रशासनाने कोरोना व्हायरस कारणामुळे जिल्ह्यात राम लीलाची परवानगी नाकारली; 26 सप्टेंबर 2020 च्या ताज्या मराठी बातम्या आणि ब्रेकिंग न्यूज LIVE

अयोध्या प्रशासनाने कोरोना व्हायरस कारणामुळे जिल्ह्यात राम लीला करण्यास परवानगी नाकारली. दिवाळीच्या दिवशी व्हर्चुअल दीपोत्सव आयोजित करण्याची तयारी सुरू.

मध्य प्रदेशातील भोपाळ मुख्य स्टेशनवर उत्तर प्रदेशातील 22 वर्षीय महिलेवर दोन रेल्वे अधिकाऱ्यांनी बलात्कार केल्याची धक्कादायक घटना घडली आहे. पोलिसांनी याबाबत माहिती दिली.

कोलकात नाईट राईडर्सने सनराइझर्स मात देऊन विजयाचे खाते उघडले आहे. कोलाकाने हैदराबादला 7 विकेट पराभूत करत 2 गुण प्राप्त केले आहेत. 

ड्रग्ज प्रकरणाचा निकाल लागण्याआधी प्रसारमाध्यमांनी कोणताही बातमी प्रसारित करू नये, यासाठी रकुल प्रीत सिंह याने दिल्ली उच्च न्यायालयात धाव घेतली आहे. एएनआयचे ट्विट- 

असाम पोलिस भरती परीक्षेच्या प्रश्नपत्रिका फुटण्याच्या संदर्भात आणखी तीन जणांना अटक करण्यात आली आहे. याप्रकरणी आतापर्यंत एकूण 13 जणांना अटक केली आहे. तसेच पुढील तपास सुरु आहे. पीटीआयचे ट्वीट- 

दहशतवादी आणि त्यांच्या समर्थकांवर अधिक दबाव आणण्याची वेळ आली आहे, असे जम्मू-काश्मीरचे डीजीपी दिलबाग सिंह यांनी आज अनंतनागमधील प्रशासन, सैन्य, पोलिस, सीएपीएफच्या अधिकाऱ्यांसमवेत काश्मीरमधील सुरक्षेच्या परिस्थितीचा आढावा घेण्यासाठी उच्चस्तरीय बैठकीत म्हणाले आहेत. ट्विट-

सांगली जिल्ह्यात आजअखेर 33447 कोरोना पॉझिटिव्ह रुग्णांपैकी 23921 रुग्ण कोरोना मुक्त झाले आहेत.

गुजरातमध्ये आज 1,417 नवे कोरोना रुग्ण, तर 13 जणांचा मृत्यू झाल्याची नोंद करण्यात आली आहे.

महाराष्ट्रात आज 20,419 नवे कोरोना रुग्ण, तर 430 जणांचा मृत्यू झाल्याची नोंद करण्यात आली आहे. याशिवाय आज 23,644 जणांना डिस्चार्ज देण्यात आला. त्यामुळे राज्यातील एकूण कोरोना बाधित रुग्णांची संख्या 13,21,176 इतकी झाली आहे. सध्या 2,69,119 रुग्णांवर उपचार सुरू आहेत.

गर्दी टाळण्यासाठी सोमवारपासून आणखी दोन महिला विशेष रेल्वे गाड्या धावणार असल्याचे पश्चिम रेल्वेने स्पष्ट केलं आहे.

चंदीगडमध्ये आज 207 नवीन कोरोना पॉझिटिव्ह रुग्ण आढळून आले आहेत.

माजी मुख्यमंत्री देवेंद्र फडणवीस आणि संजय राऊत यांची आज मुंबईत भेट झाली. संजय राऊत यांनी सामनासाठी देवेंद्र फडणवीस यांची मुलाखत घेण्याची इच्छा प्रदर्शित केली होती. या मुलाखतीसाठी ही भेट घेतली असल्याचं बोललं जात आहे.  

महाराष्ट्रात आज 191 पोलीस कोरोना पॉझिटिव्ह आढळून आले आहेत. त्यामुळे राज्यातील एकूण पोलीस कर्मचाऱ्यांची संख्या आता 22,460 इतकी झाली आहे.

मानवजाती विरोधातील शत्रूंविरुध्द आवाज उठविण्यात भारत अजिबात संकोच करणार नाही, असं पंतप्रधान नरेंद्र मोदी यांनी म्हटलं आहे.

केरळमध्ये आज 7006 नवे कोरोनाबाधित रुग्ण, तर 21 जणांचा मृत्यू झाला आहे.

अभिनेता श्रद्धा कपूर मुंबईतील नारकोटिक्स कंट्रोल ब्यूरोच्या विभागीय कार्यालयातून रवाना झाली.

राजस्थान: जयपूरच्या आदर्श नगरमध्ये युवकाकडून विद्यार्थिनीची गोळ्या घालून हत्या करण्यात आली आहे.

ओडिशा: विधानसभेच्या 29 सप्टेंबरपासून सुरू होणार्‍या मान्सून अधिवेशनापूर्वी, भुवनेश्वरमधील राज्य विधानसभेत आमदार, पीएसओ (वैयक्तिक सुरक्षा अधिकारी) आणि विधानसभा कर्मचा्यांची कोरोना चाचणी घेण्यात आली आहे.

मनिष सिसोदिया यांच्या प्रकृतीत सुधारणा दिसून येत असल्याने त्यांना ICU मधून सामान्य वॉर्डात हलवले जाणार असल्याची माहिती अधिकाऱ्यांनी दिली आहे.

बिहार विधानसभा निवडणूकीत  पुन्हा एकदा लोक NDA ला पाठिंबा देतील असा विश्वास  केंद्रीय मंत्री रवि शंकर प्रसाद यांनी व्यक्त केला आहे.