पुण्यात आज 95 जणांचा कोरोनामुळे मृत्यू तर 3,628 नवे कोरोना रुग्ण ; 25 सप्टेंबर 2020 च्या ताज्या मराठी बातम्या आणि ब्रेकिंग न्यूज LIVE

पुण्यात आज 95 जणांचा कोरोनामुळे मृत्यू झाला असून 3,628 नवे कोरोना रुग्ण सापडले आहेत.

पंढरपूर येथील कैकाडी महाराज मठाचे विश्वस्त, वारकरी संप्रदायातील एक महत्वाचे व्यक्तिमत्व हभप रामदास महाराज जाधव यांचे Covid19 मुळे निधन झालं आहे.

फार्म आणि लेबर बिल हे शेतकऱ्यांसह कामगारांना अनावश्यक कायद्यापासून मुक्त करतील असे पंतप्रधान नरेंद्र मोदी यांनी म्हटले आहे. 

दिल्ली कॅपिटलस ने आयपीएल 2020 च्या सातव्या सामन्यात चेन्नई सुपर किंग्जला 44 धावांनी पराभूत केलं.

झारखंडमध्ये आज 1,261 नवीन कोरोना रुग्ण, तर 6 जणांचा मृत्यू झाला आहे.

पंतप्रधान नरेंद्र मोदी उद्या संध्याकाळी संयुक्त राष्ट्र महासभेला संबोधित करणार आहेत.

कोइंबतूर आंतरराष्ट्रीय विमानतळावरील रेस्ट रुममध्ये 9 मिमीच्या तीन गोळ्या आणि AK-47 ची एक गोळी सापडली.

मुंबईमध्ये आज 1,876 नवे कोरोना संक्रमित रुग्ण आढळून आले असून 48 जणांचा मृत्यू झाला आहे.

देशभरात आज विविध ठिकाणी अमली पदार्थांची तस्करी करणाऱ्यांवर कारवाई करण्यात आली. दिल्ली पोलीसांनी आज 275 किलो गांजा जप्त केला. या प्रकरणी 7 जणांना अटक केली आहे. जप्त केलेल्या गांजाची रक्कम 15 लाख इतकी असल्याचे सांगितले जात आहे.

मुंबई शहरात गेल्या 24 तासात 1876 कोरोना रुग्णांची नोंद झाली. मुंबई महापालिकेने दिलेल्या माहितीनुसार गेल्या 245 तासात 1169 रुग्ण बरे झाले. आहेत.

पश्चिम बंगाल राज्यात कोरोना व्हायरस संक्रमित रुग्णांची संख्या 2,41,059 वर पोहोचली आहे. आज दिवसभरात या राज्यात 4,665 कोरोना रुग्ण आढळले.

तामिळनाडू पोलिसांनी एका लॉरीमधून तब्बल 300 किलो गांजा जप्त केला आहे. या प्रकरणी 7 जणांना अटक करण्यात आली आहे.

कोकण विभागात "माझे कुटुंब, माझी जबाबदारी" मोहीम गाव पातळीपर्यंत राबविण्यासाठी सर्व यंत्रणांनी समन्वयाने काम करावे. तसेच कोरोनाच्या समूळ उच्चाटनासाठी या योजनेचा उपयोग होईल असा विश्वास मुख्यमंत्री उद्धव बाळासाहेब ठाकरे यांनी कोरोनाविषयी कोकण विभागाच्या आढावा बैठकीत व्यक्त केला.

पंतप्रधान नरेंद्र मोदी उद्या UNGA संबोधित करणार आहेत.UNGA चे हे 75 वे सत्र आहे.

जम्मू कश्मीरमध्ये कोरोना व्हायरस संक्रमितांची संख्या 69,832 इतकी झाली आहे. या राज्यात एका महिन्यात 1,105 मृत्यू झाले. 19,170 जमआंवर उपचार सुरु आहेत.

किसान मजदूर संघर्ष समितीने जाहीर केले आहे की त्यांनी शेती बिलाविरुद्ध आंदोलन तीव्र करण्याचा निर्णय घेतला आहे. त्यासाठी पंजाबमध्ये 29 सप्टेंबरपर्यंत 'रेल रोको' आंदोलन वाढविण्यात येत आहेत. गुरुवारी 25 सप्टेंबर) झालेल्या आंदोलनातही अनेक रेल्वे मार्ग रोखून धरण्यात आले.

दुबई येथील आंतरराष्ट्रीय क्रिकेट स्टेडीयमवर होत असलेल्या आयपीएलच्या सामन्यात चेन्नई सुपर किंग्ज संघाने नाणेफेक जिंकून प्रथम गोलंदाजीचा निर्णय घेतला आहे. त्यामुळे दिल्ली कॅपीटल प्रथम फलंदाजी करण्यास मैदानात उतरला आहे.

हिमाचल प्रदेशातील कुल्लू जिल्ह्यातील जरी भागात आज साडेतीन किलो चरस जप्त करण्यात आले. एका कारमधून हे चरस जप्त करण्यात आले.

जिओ अँड पॅनासोनिक एव्हिओनिक्स कॉर्पोरेशन कडून युजर्ससाठी JioPostpaid Plus सेवा सुरु करण्यात आल्याचे जीओने म्हटले आहे.