आसाम पोलिसांकडून बनावट नोटा छापणाऱ्या फेक टोळीचा भंडाफोड; 25 ऑक्टोबर 2020 च्या ताज्या मराठी बातम्या आणि ब्रेकिंग न्यूज LIVE

आसाम: पोलिसांनी बनावट नोटा छापणाऱ्या फेक टोळीचा भंडाफोड केला. या प्रकरणी गुवाहाटीमध्ये आज चार लोकांना अटक केली. यांच्याकडून बनावट नोटांचे बंडल, बनावट नोटा छापण्यासाठी वापरलेली मशीन, एटीएम कार्ड, 14 मोबाइल फोन आणि एक लॅपटॉप जप्त केला आहे.

आयपीएलच्या तेराव्या हंगामातील 45 व्या सामन्यात मुंबई इंडियन्स विरुद्ध सामन्यात राजस्थान रॉयल्सच्या संघाने 8 विकेट्सने विजय मिळवला आहे. ट्विट-

विजयदशमी उत्सवानंतर रविवारी रात्री आठच्या सुमारास दिल्लीतील एअर क्वालिटी आरोग्यास घातक असल्याची नोंद झाली. आनंद परबत आणि अशोक विहार दोन्ही ठिकाणे धोकादायक कॅटेगरीजमध्ये येतात. एनसीआर प्रदेशात स्टबल बर्नमुळे हवेची गुणवत्ता खालावत आहे.

राजस्थानः कॉंग्रेसने जयपूरला दोन महानगरपालिका क्षेत्रात विभागले असा आरोप भाजपचे आमदार वासुदेव देवनानी यांनी केला आहे.

महाराष्ट्र राज्यात आज 6059 कोरोना बाधीत रुग्णांची वाढ झाली व आज नवीन 5648 कोरोना बाधित रुग्ण बरे झाले आहेत. एकूण 1460755 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 140486 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 88.8% झाले आहे.

गेल्या 24 तासात दिल्लीमध्ये 4136 नवे कोरोना रुग्ण आढळून आले असून 33 जणांचा मृत्यू झाला आहे. याशिवाय 3826 जणांनी कोरोनावर यशस्वी मात केली आहे.

आरजेडी नेते तेज प्रताप यादव यांनी हसनपूर विधानसभा मतदार संघात आज सकाळी मुलांबरोबर क्रिकेटचा आनंद घेतला.

तोंडात शेण भरून तुम्ही आमच्यावर गोमूत्राच्या गुळण्या केल्या. आता ढेकर देऊन गप्प बसा. कारण आमचं कोणीचं काही बिघडू शकत नाही - मुख्यमंत्री 

मुंबई पाकव्याप्त काश्मीर आहे. महाराष्ट्रात  मुंबई पोलिस हे निक्कमे आहेत. महाराष्ट्रात गांजा पिकत नाही. राज्यातील सर्व घरात तुळशी वृंदावन आहेत. गांज्याची नव्हे - मुख्यमंत्री 

महाराष्ट्राचे 38 हजार कोटी रुपये केंद्र सरकारकडे बाकी आहेत. केंद्र राज्यात कर्ज उचलण्यास सांगत आहे. मात्र, हे कर्ज कधी आणि कोणी फेडायचं? जीएसटी योजना फसली आहे - मुख्यमंत्री   

गेल्या अनेक दिवसांपासून शिवसेनेवर टीका करत असलेल्या भाजपाचे खासदार नारायण राणे यांच्यावर मुख्यमंत्री शिवसेनेचे पक्षप्रमुख उद्धव ठाकरे यांनी जहरी टीका केली आहे.  मुख्यमंत्र्यांनी आज दसरा मेळाव्यात नारायण राणेचा उल्लेख बेडूक आणि त्यांची दोन पिल्लं असा केला. हिंदुत्वाबद्दल आम्हाला प्रश्न विचारले जातात का तर मंदिरं उघडले नाहीत म्हणून मात्र,  ज्यावेळी बाबरी पाडली त्यावेळी हे शेपट्या घालून बसले होते - मुख्यमंत्री उद्धव ठाकरे

हिंम्मत असेल तर सरकार पाडून दाखवा, असा विश्वास मुख्यमंत्री उद्धव ठाकरे यांनी शिवसेना दसरा मेळाव्यात व्यक्त केला आहे.

शिवसेनाप्रमुखांनी संघर्ष करण्याचा मार्ग दाखवला, असं मत शिवसेना नेते संजय राऊत यांनी शिवसेना दसरा मेळाव्यात व्यक्त केलं आहे. 

शिवसेना पक्षप्रमुख, मुख्यमंत्री उद्धव बाळासाहेब ठाकरे यांनी आज दसऱ्याच्या शुभदिनी सहकुटुंब हिंदुहृदयसम्राट शिवसेनाप्रमुख वंदनीय बाळासाहेब ठाकरे यांच्या स्मृतीस विनम्र अभिवादन केले.

शक्तिकांत दास यांना कोरोना विषाणूची लागण झाली आहे. यासंदर्भात त्यांनी आपल्या ट्विटर अकाऊंटवरून माहिती दिली आहे.

मुख्यमंत्री उद्धव ठाकरे सावरकर स्मारकारत पोहोचले असून त्यांच्यासोबत पत्नी रश्मी ठाकरे आणि पर्यावरण मंत्री आदित्य ठाकरे देखील सावरकर स्मारकारत दाखल झाले आहेत. 

केरळमध्ये आज 6,843 नवे कोरोनाबाधित रुग्ण आढळून आले आहेत. सध्या राज्यातील 96,585 रुग्णांवर उपचार सुरू आहेत.

नागालँडमध्ये आज 111 नवे कोरोना रुग्ण आढळून आले असून 55 जणांनी कोरोनावर मात केली आहे.

विरोधी पक्ष दिशाहीन झाला असून पंतप्रधान नरेंद्र मोदी यांच्या विरोधात देशाला विरोध करण्यास सुरुवात केली आहे, असा आरोप भाजपचे अध्यक्ष जेपी नड्डा यांनी केला.

शिवसैनिक आणि  राज्यातील राजकीय वर्तुळासह सर्वांचे लक्ष लागून राहिलेला शिवसेना दसरा मेळावा अवघ्या तासाभरात सुरु होणार आहे. या मेळाव्यात शिवसेना पक्षप्रमुख उद्धव ठाकरे हे मुख्यमंत्री पदावर असताना मार्गदर्शन करणार आहेत. त्यामुळे आपल्या भाषणात ते काय बोलणार याकडे सर्वांचे लक्ष लागले आहे.