पी चिदंबरम आणि मुलगा कार्ती यांच्यावर आयएनएक्स मीडिया मनी लॉन्ड्रिंग प्रकरणात आरोपपत्र दाखल; 2 जूनच्या 2020 च्या ताज्या मराठी बातम्या आणि ब्रेकिंग न्यूज LIVE

ईडीने (ED) कॉंग्रेस नेते पी चिदंबरम आणि मुलगा कार्ती यांच्यावर आयएनएक्स मीडिया मनी लॉन्ड्रिंग प्रकरणात आरोपपत्र दाखल केले आहे.

छत्रपती शिवाजी महाराज आंतरराष्ट्रीय विमानतळ 3 जून रोजी केवळ 12 आगमन विमाने ऑपरेट करणार आहे. ही विमाने 10 सेक्टरसाठी 4 विमान कंपन्या- एअर एशिया इंडिया, एअर इंडिया, गोएअर आणि स्पाइसजेट चालवतील.

पुणे जिल्ह्यात गेल्या 24 तासांत 22 मृत्यू आणि 308 कोविड 19 पॉझिटिव्ह रुग्ण आढळले आहेत. या ठिकाणी मृतांचा आकडा 367 पर्यंत वाढला असून, एकूण पॉझिटिव्ह केसेस आता 8134 झाल्या आहेत.

निसर्ग चक्रीवादळामुळे इंडिगोने मुंबईहून आणि मुंबईयेणारी 17 विमाने रद्द केली आहेत. उद्या मुंबई येथून केवळ तीन विमाने चालविण्यात येणार आहेत.

पंतप्रधान नरेंद्र मोदी यांनी आज अमेरिकेचे अध्यक्ष डोनाल्ड ट्रम्प यांच्याशी दूरध्वनीवर चर्चा केली. यूएसए मध्ये होणाऱ्या पुढील जी -7 शिखर परिषदेला उपस्थित राहण्यासाठी, ट्रम्प यांनी पंतप्रधान मोदींना आमंत्रण दिले.

मुंबईत आज 49 मृत्यू आणि 1109 नवीन कोरोना व्हायरस पॉझिटिव्ह रुग्ण आढळले; मुंबईत एकूण सकारात्मक रुग्णांची संख्या आता 41986 झाली आहे. शहरात मृतांचा आकडा 1368 झाला आहे.

सध्या अलिबाग जवळ निसर्ग चक्रीवादळ धडकणार आहे. उद्या दुपारी हे वादळ मुंबईमध्ये दाखल होईल, अशात सध्या शहरात पावसाला सुरुवात झाली आहे. मुंबईमध्ये जवळजवळ प्रत्येक भागात हलक्या ते मध्यम सरींचा पाऊस चालू आहे. 

महाराष्ट्रात आज कोरोनाचे नवे 2287 रुग्ण आढळले तर 103 जणांचा मृत्यू झाला आहे. त्यामुळे राज्यातील COVID19 चा आकडा 72,300 वर पोहचला आहे.

अंतिम वर्षांच्या परीक्षाांबाबातचा निर्णय कायद्यानुसार होणार असल्याचे  राज्यपाल भगत सिंग कोश्यारी यांनी म्हटले आहे. या परीक्षांबाबत भगत सिंग कोश्यारी यांनी मुख्यमंत्री उद्धव ठाकरे यांना या संदर्भात पत्र सुद्धा पाठवण्यात आले आहे. त्यामुळे आता विद्यापीठ परीक्षांवरुन पुन्हा राज्य सरकार विरुद्ध राज्यपाल अशी परिस्थिती निर्माण होण्याची शक्यता आहे.

निसर्ग चक्रीवादळच्या काळात सगळी इलेक्ट्रॉनिक उपकरणे बंद ठेवा-मुख्यमंत्री उद्धव ठाकरे 

निसर्ग चक्रीवादळच्या पार्श्वभुमीवर स्वत:सह दुसऱ्यांची सुद्धा मदत करा-मुख्यमंत्री उद्धव ठाकरे

बॅटरीवर चालणाऱ्या वस्तू वेळीच चार्ज करुन ठेवण्याचे उद्धव ठाकरे यांनी आवाहन केले आहे. 

जनावरं, प्राण्यांना बांधुन ठेऊ नका-मुख्यमंत्री उद्धव ठाकरे

निसर्ग वादळाच्या पार्श्वभुमीवर नागरिकांनी प्रशासनाच्या सुचनांकडे लक्ष द्यावे- मुख्यमंत्री उद्धव ठाकरे

पुढील दोन दिवस समुद्रकिनारी जाऊ नये असे मुख्यमंत्री उद्धव ठाकरे यांनी म्हटले आहे. 

वादळाच्या परिस्थिती संदर्भात अफवा पसरवू नये-मुख्यमंत्री उद्धव ठाकरे

दूरदर्शन आणि आकाशवाणीच्या माहितीकडे लक्ष द्या-मुख्यमंत्री उद्धव ठाकरे

मुंबई ते सिंधुदूर्ग पर्यंतच्या प्रत्येक जिल्ह्याने काळजी घेण्याचे आवाहन-मुख्यमंत्री उद्धव ठाकरे

शिथील करण्यात आलेले निर्बंध उद्या बंद राहणार असल्याचे मुख्यमंत्री उद्धव ठाकरे यांनी म्हटले आहे. 

महाराष्ट्रातील यंत्रणा सज्ज, एनडीआरएफच्या तुकड्या तैनात करण्यात आल्याचे मुख्यमंत्री उद्धव ठाकरे यांनी म्हटले आहे.