MI Vs KXIP, IPL  2020: सुपर ओव्हर मध्ये किंग्ज इलेव्हन पंजाबचा मुंबई इंडियन्सवर विजय; 18 ऑक्टोबर 2020 च्या ताज्या मराठी बातम्या आणि ब्रेकिंग न्यूज LIVE

सुपर ओव्हर मध्ये किंग्ज इलेव्हन पंजाबने मुंबई इंडियन्सवर विजय मिळवला आहे. 

काँग्रेस नेते कमल नाथ यांनी इमरती देवी यांच्याबद्दल केलेल्या अपशब्दातील विधानानंतर सोनिया गांधी यांनी अशा लोकांना पक्षात थारा देऊ नये असे त्या म्हणाल्या आहेत.

झारखंड येथे कोरोनाचे आणखी 385 रुग्ण आढळले असून 7 जणांचा बळी गेला आहे.

पाकिस्तानचे पंतप्रधान इम्रान खान यांच्या नेतृत्वाखालील सरकारविरूद्ध  विरोधी पक्षांनी मोर्चा काढला आहे. एएनआयचे ट्वीट-

हिमाचल प्रदेशामध्ये आज आणखी 170 कोरोनाग्रस्तांची नोंद झाली आहे. ज्यामुळे राज्यातील कोरोनाबाधितांची नोंद 18 हजार 967 वर पोहचली आहे. ट्वीट-

उत्तराखंड येथे विमानतळाच्या विस्तारासाठी 10 हजारांहून अधिक झाडे कापण्यात येणार असल्याने लोकांकडून आंदोलन करण्यात आले.

बंगलाच्या उपसागरात सोमवारी कमी दाबाचा पट्टा निर्माण होणार असल्याने ओडिशा मधील काही भागात मुसळधार पावसाची शक्यता व्यक्त करण्यात आली आहे.

पंजाब येथे कोरोनाचे आणखी 476 रुग्ण आढळले असून 13 जणांचा बळी गेला आहे.

महाराष्ट्रात कोरोनाचे आणखी 9060 रुग्ण आढळले असून 150 जणांचा बळी गेला आहे.

आम्हाला खात्री आहे की आमचे वरिष्ठ नेते एकनाथ खडसे पक्षातच राहतील असे  चंद्रकांत पाटील यांनी म्हटले आहे.

पक्षाचा राजीनामा देणार नसल्याचे भाजप नेते एकनाथ खडसे यांनी स्पष्टीकरण दिले आहे.

मणिपूर येथे कोरोनाचे आणखी 322 रुग्ण आढळले असून 5 जणांचा बळी गेला आहे.

जम्मू-कश्मीर येथे BSF च्या नोकर भरतीसाठी उमेदवारांनी लेखी परीक्षा दिली आहे.

महाराष्ट्रातील गडचिरोली येथे पाच नक्सलवाद्यांना खात्मा करण्यात आला आहे.

जम्मू-कश्मीर येथे कोरोनाचे आणखी 578 रुग्ण आढळले असून 7 जणांचा बळी गेला आहे.

आँध्र प्रदेशात कोरोनाचे आणखी 3986 रुग्ण आढळले आहेत.

पंजाब मधील शेतकऱ्यांकडून  शेतात अजूनही पेंढा जाळला जातोय अशी माहिती समोर आली आहे. 

देशातील विविध ठिकाणच्या परिसरातील वायुप्रदुणाची माहिती मिळवण्यासाठी SAMEER अॅप नागरिकांनी डाऊनलोड करावे असे प्रकाश जावडेकर यांनी आवाहन केले आहे.

मिझोराम येथे गेल्या 24 तासात कोरोनाचा एकही नवा रुग्ण आढळून आलेला नाही आहे.

हाथरस प्रकरणी येत्या 26 ऑक्टोंबरला काँग्रेसकडून देशव्यापी आंदोलन केले जाणार आहे.