नवी दिल्लीत 2877 नव्या COVID-19 रुग्णांसह राज्यात कोरोना बाधितांची संख्या 49,979 वर ; 18 जून 2020 च्या ताज्या मराठी बातम्या आणि ब्रेकिंग न्यूज LIVE

नवी दिल्लीत 2877 नव्या कोविड-19 रुग्णांसह राज्यात कोरोना बाधितांची एकूण संख्या 49,979 वर पोहोचली आहे अशी माहिती आरोग्य विभागाने दिली आहे.

झारखंड मध्ये 23 नव्या रुग्णांसह राज्यात कोरोना बाधितांची एकूण संख्या 1919 वर पोहोचली आहे. तर आतापर्यंत एकूण 11 रुग्ण दगावल्याची माहिती आरोग्य विभागाने दिली आहे.

आता संपूर्ण जगाला चीनशी व्यवहार करण्यात फारसा रस नसल्याने हे भारतासाठी चांगले संकेत आहे. जगातील ब-याच देशांना भारताशी व्यवहार करायचा अशून भारताने आता आयातीपेक्षा निर्यात वाढविले पाहिजे असे केंद्रीय मंत्री नितीन गडकरी म्हणाले.

दिल्लीचे आरोग्यमंत्री सत्येंद्र जैन यांची प्रकृती सुधारली आहे, परंतु ताप कमी झाला नाही. आवश्यकतेनुसार त्यांना ऑक्सिजनचा पुरवठा चालू आहे.

भारतीय लष्कराने दिलेल्या माहितीनुसात, आतापर्यंत कोणताही जवान गंभीर नाही, सर्व स्थिर आहेत. 18 सैनिक लेह येथील रुग्णालयात आहेत व ते सुमारे 15 दिवसांसाठी आपले कर्तव्य बजावणार नाहीत. 58 सैनिक इतर रुग्णालयात आहेत व ते एका आठवड्यात परत कर्तव्यावर रुजू होतील.

कोविड-19 प्रकरणांची वाढती संख्या लक्षात घेता, रुग्णालयांमध्ये आयसीयू बेडची संख्या वाढवण्याची व्यवस्था दिल्ली सरकार करीत आहे, मुख्यमंत्री अरविंद केजरीवाल यांनी याबाबत माहिती दिली.

मुंबईत आज दिवसभरात 1298 रुग्णांसह शहरात कोरोना बाधितांची एकूण संख्या 62,799 वर पोहोचली आहे अशी माहिती मुंबई महापालिकेने दिली आहे. तसेच गेल्या 24 तासांत 518 रुग्ण बरे झाले असून 67 रुग्ण दगावले असल्याची माहिती महापालिकेने दिली आहे.

राज्यात आज 3752 कोरोना बाधीत रुग्णांची वाढ झाली आहे. त्यामुळे राज्यातील एकूण कोरोना बाधित रुग्णांची संख्या आता 120504 इतकी झाली आहे. आज नवीन 1672 कोरोना बाधित रुग्ण बरे झाले आहेत. एकूण 60838 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 53901 ऍक्टिव्ह रुग्ण आहेत.

राजस्थानमध्ये आज 315 जणांना कोरोना विषाणूची लागण झाली असून 17 जणांचा मृत्यू झाला आहे.

मिझोराममध्ये 5.0 रिश्टर स्केलचा भूकंपाचा धक्का बसला आहे.

धारावीत आज 28 जणांना कोरोना व्हायरसचे संक्रमण झाले आहे. त्यामुळे धारावीतील कोरोना रुग्णांची संख्या 2134 वर पोहोचली आहे. यासंदर्भात मुंबई महानगरपालिकेने माहिती दिली आहे.

तामिळनाडूत आज 2141 नवे कोरोना रुग्ण आढळून आले आहेत.

कर्नाटकमध्ये आज 210 नवे कोरोना रुग्ण आढळून आले असून 12 जणांचा मृत्यू झाला आहे. त्यामुळे राज्यातील कोरोना बाधित रुग्णांची संख्या 7944 इतकी झाली आहे. तर आतापर्यंत 114 जणांचा कोरोनामुळे बळी गेला आहे.

नांदेड जिल्ह्यात आज 10 रुग्णांना कोरोना विषाणूची लागण झाली आहे. त्यामुळे नांदेड जिल्ह्यात एकूण कोरोना बाधित रुग्णांची संख्या 296 इतकी   झाली आहेत.

जळगाव जिल्ह्यात आज नवीन 135 कोरोना बाधित रूग्ण आढळून आले आहेत. त्यामुळे जिल्ह्यात कोरोना बाधित रूग्णाची संख्या 2020 इतकी झाली.

शिमला येथे जीपच्या अपघातात तीन व्यक्तींचा मृत्यू तर अन्य 2 जण जखमी झाले आहेत.

गलवानच्या खोऱ्यातील संघर्षात शहीद झालेल्या नायब सुबेदार मनदीप सिंग यांचे पार्थिव पटियालातील सील गावी आणण्यात आले आहे.

गरिब कल्याण योजनेअंतर्गत 125 दिवसात 116 जिल्ह्यांसाठी 25 योजना एकत्र आणल्या जाणार असल्याचे अर्थमंत्री निर्मला सीतारमण यांनी असे म्हटले आहे.

मुख्यमंत्री उद्धव ठाकरे यांच्याशी झालेल्या चर्चेत समाधानी  असल्याचे बाळासाहेब थोरात यांनी म्हटले आहे. 

काँग्रेसमध्ये कोणत्याही पद्धतीची नाराजी नाही असे बाळासाहेब थोरात यांनी म्हटले आहे. आज मुख्यमंत्री उद्धव ठाकरे यांच्यासोबत बैठक पार पडली त्यानंतर थोरात यांनी हे विधान केले आहे.