नोएडा सेक्टर-29 मधील एका घराला आग; वृद्ध दाम्पत्याला वाचवण्यात अग्निशमन दलाला यश; 18 डिसेंबर 2020 च्या ताज्या मराठी बातम्या आणि ब्रेकिंग न्यूज LIVE

नोएडा सेक्टर-29 मधील एका घराला आग लागली असून या घरातील वृद्ध दाम्पत्याला वाचवण्यात अग्निशमन दलाला यश आले आहे. ट्विट-

दिल्ली: ढाबा का बाबा मालकाला भोजनालयाला आग लावण्याच्या धमकी मिळाली असून याप्रकरणी त्यांनी  पोलिसांत तक्रार दाखल केली आहे.

नागपूर येथे आज 364 कोरोनाबाधित रुग्णांची नोंद झाली आहे. तर, दोघांचा मृत्यू झाला आहे. ट्वीट-

कोल्हापूरमध्ये आयकर निरीक्षकाला लाच घेताना रंगेहाथ पकडल्याची माहिती समोर आली आहे. एसीबीने ही कारवाई केली आहे. एका डॉक्टरकडून कारवाई टाळण्यासाठी त्याने 10 लाखांची लाच मागितली होती. ट्विट-

महाराष्ट्राचे मुख्यमंत्री उद्धव ठाकरे यांनी घेतला माहिती तंत्रज्ञान विभागाचा आढावा. महानेटच्या माध्यमातून ग्रामीण भागातील विद्यार्थी, शिक्षक, डॉक्टरांशी साधला संवाद. पर्यावरण व पर्यटन मंत्री आदित्य ठाकरे उपस्थित होते. तसेच महानेट यंत्रणा अधिक सक्षम करण्याचे मुख्यमंत्र्यांचे निर्देश दिले आहेत. ट्वीट-

बीडमध्ये हार्डवेअर प्लायवूडच्या दुकानात रसायनाचा स्फोट झाल्याने एकाचा मृत्यू झाला आहे, तर अन्य दोनजण गंभीर जखमी झाले आहेत. ही घटना बीड शहरातल्या जिजामाता चौक परिसरात घडली. पोलीसांनी घटनास्थळी धाव घेत जखमींना रुग्णालयात दाखल केले. सध्या स्फोटच्या कारणांचा पोलिस तपास घेत आहेत.

महाराष्ट्रामध्ये आज कोरोना विषाणूच्या 3,994 रुग्णांची व 75 मृत्यूंची नोंद झाली आहे. यासह राज्यातील एकूण संक्रमितांची संख्या 18,88,767 वर पोहोचली आहे. राज्यात आतापर्यंत 48,574 जणांचा मृत्यू झाला आहे.

अहमदाबाद शहर रुग्णालयात कोरोना व्हायरसचा उपचार घेत असलेल्या 59 वर्षीय व्यक्तीला तब्बल 113 दिवसांनंतर डिस्चार्ज देण्यात आला आहे. गुजरातचे उपमुख्यमंत्री नितीन पटेल यांचे म्हणणे आहे की, ही बहुधा सर्वात जास्त काळ रुग्णालयात कोरोना व्हायरसचा उपचार घेत असलेली व्यक्ती असावी.

सोलापूरच्या करमाळा परिसरात गेले काही दिवस बिबट्याने धुमाकूळ घातला होता. याआधी भिवरवाडी येथे बिबट्याने गाई व वासरावर हल्ला केला होता. आता मिळालेल्या माहितीनुसार या नरभक्षक बिबट्याला ठार मारण्यात आले आहे.  

राष्ट्रीय मानवाधिकार आयोग (NHRC) तामिळनाडू सरकारला कांचीपुरम कृषी कार्यालयात शौचालयाची सुविधा नसल्याबद्दल नोटीस बजावली आहे. यामुळे या ठिकाणी 7 डिसेंबर रोजी एका महिला वेअरहाऊस व्यवस्थापकाचा मृत्यू झाला होता.

संरक्षण संशोधन व विकास संस्थेचे सायबर सल्लागार अमित शर्मा यांना संरक्षणमंत्री राजनाथ सिंह यांच्या हस्ते, आत्मनिर्भरतेचा अग्नि पुरस्कार मिळाला. सायबर डोमेनमध्ये हा पुरस्कार प्राप्त करणारे ते सर्वात तरुण आहेत.

सातारा मध्ये 3 ते 9 वयाच्या तीन बहिणींचा मृत्यू झाला आहे. दरम्यान अन्नातून विषबाधा झाल्याचा संशय पोलिसांनी व्यक्त केले आहे.

अभिनेते प्रशांत दामले यांना कोरोनाची लागण झाली आहे. हे सौम्य इंफेक्शन असून प्रकृती ठीक आहे. पण वैद्यकीय सल्ल्यानुसार 7 दिवस सेल्फ आयसोलेशनमध्ये राहणार आहेत.

उत्तर प्रदेशातील प्रतापगड़ जिल्ह्यात 14 वर्षीय मुलीवर 2 अल्पवयीन मुलांनी  सामूहिक बलात्कार केला असून दोघांनाही पोलिसांनी ताब्यात घेतले आहे.

उत्तराखंडचे मुख्यमंत्री Trivendra Singh Rawat यांना कोरोनाची लागण झाली आहे.

सरकार APMC ला आधुनिक बनवण्याचा प्रयत्न करत आहेत, त्यावर 500 कोटीपेक्षा अधिक खर्च : PM नरेंद्र मोदी

जे लोक शेतकर्‍यांना MSP देऊ शकत नाहीत, त्यावर खरेदी करू शकत नाही तेच MSP वरून  शेतकर्‍यांना भरकटवत आहेत असा आरोप  PM  नरेंद्र मोदी यांनी विरोधकांवर लगावला आहे.

किसान संमेलन मध्ये आज नरेंद्र मोदी यांच्या व्हीसी द्वारा मध्य प्रदेश च्या शेतकर्‍यांना संबोधित करण्याच्या कार्यक्रमाला सुरूवात झाली आहे.

बॉक्सर आणि कॉंग्रेस नेता   विजेंद्र सिंह कृषी कायद्याविरोधात शेतकर्‍यांच्या समर्थनासाठी सिंधू बॉर्डरवर पोहचला आहे.  त्याने हा लढा सरकार विरूद्ध नाही तर 3 काळ्या कायद्याविरुद्ध असल्याचं म्हटलं आहे.

रशियाच्या Sputnik V vaccine चे 300 मिलियन डोस भारत बनवणार