चेन्नई सुपर किंग्ज विरुद्ध सामन्यात दिल्ली कॅपिटल्सचा 5 विकेट्सने विजय; 17 ऑक्टोबर 2020 च्या ताज्या मराठी बातम्या आणि ब्रेकिंग न्यूज LIVE

आयपीएलच्या 34 व्या सामन्यात दिल्ली कॅपिटल्सने चेन्नई सुपर किंग्जला 5 विकेट्सने पराभूत केले आहे. ट्विट-

गोव्यात कोरोनाचे आणखी 309 रुग्ण आढळले असून 7 जणांचा बळी गेला आहे.

झारखंड येथे कोरोनाचे आणखी 542 रुग्ण आढळले तर 8 जणांचा बळी गेला आहे.

पंजाब येथे 4 वर्षीय मुलीची हत्या करणाऱ्या 30 वर्षीय महिलेला पोलिसांनी बेड्या ठोकल्या आहेत.

औरंगाबाद जिल्ह्यात आज 286 जणांना सुटी  देण्यात आली. आजपर्यंत 33351 कोरोनाबाधित रुग्ण बरे होऊन घरी परतले आहेत. आज एकूण  257 कोरोनाबाधित रुग्णांची नव्याने भर पडल्याने जिल्ह्यातील एकूण कोरोनाबाधित रुग्णांची संख्या 36456 झाली आहे. ट्वीट-

आयपीएलच्या तेराव्या हंगामातील 34 व्या सामन्यात चेन्नई सुपर किंग्जच्या संघाने दिल्ली कॅपिटल्ससमोर 180 धावांचे लक्ष्य ठेवले आहे. 

केरळमध्ये गेल्या अनेक वर्षांपासून अनधिकृत रजेवर होते. तसेच अनेक संधी देण्यात आल्या तरीही या आपल्या  कर्तव्यावर रुजू होण्याकडे कोणताही कल न दाखवणाऱ्या 432 वैद्यकीय कर्मचाऱ्यांसह 385 डॉक्टरांना बडतर्फ केले आहे, अशी माहिती आरोग्यमंत्री के. शैलजा यांनी दिली आहे. पीटीआयचे ट्वीट-

मुंबईत आज आणखी 1 हजार 791 कोरोनाबाधित रुग्णांची नोंद झाली आहे. ज्यामुळे मुंबईतील कोरोनाबाधितांचा आकडा 2 लाख 40 हजार 339 वर पोहचली आहे. एएनआयचे ट्विट-

नवरात्रौत्सवानिमित्त US मधील डेमोक्रेटिक अध्यक्षपदाचे उमेदवार जो बिडेन यांनी  शुभेच्छा दिल्या आहेत.

उत्तराखंड येथे कोरोनाचे आणखी 606 रुग्ण आढळले असून 665 जणांची प्रकृती सुधारली आहे.

मेरुत येथे एका अल्पवयीन मुलीबवर बलात्कार केल्याप्रकरणी आरोपीला अटक  करण्यात आली आहे.

कर्नाटक येथे आज कोरोनाचे आणखी 7184 रुग्ण आढळले तर 71 जणांचा बळी गेला आहे.

मुंबईतील धारावीत कोरोनाचे आणखी 15 रुग्ण आढळल्याने आकडा 3400 वर पोहचला आहे.

बिहार निवडणूकीसाठी भाजपकडून उमेदवारांच्या नावाची यादी जाहीर करण्यात  आली आहे.

चंदीगढ येथे कोरोनाचे आणखी 54 रुग्ण आढळून आल्याने आकडा 13,582 वर पोहचला आहे.

अभिनेत्री कंगना रनौत हिच्यासह बहीण रंगोली चंडेल विरोधात IPC कलम 153A, 295A आणि 124A अंतर्गत वांद्रे पोलीस स्थानकात गुन्हा दाखल करण्यात आला आहे.

मुंबईतील कांजूरमार्ग, घाटकोपर, चेंबूर, ठाणे, भांडूप, पवई येथे वायू गळती झाल्याच्या ट्विटवर युजर्सकडून तक्रारी  करण्यात येत आहेत.

सणासुदीच्या काळात कोरोनाच्या पार्श्वभुमीवर नागरिकांनी सोशल डिस्टंन्सिंगसह अन्य नियमांचे पालन करण्याचे पंतप्रधान नरेंद्र मोदी यांनी आवाहन केले आहे.

ठाणे पोलीस आयुक्तालयातील परिमंडळ 02 भिवंडीमधील सर्व पोलीस ठाण्यांमध्ये 'महिला तक्रार निवारण' दिनानिमित्त बैठक आयोजित करून लोकांच्या अडीअडचणी ऐकून त्यांना योग्य ते मार्गदर्शन केले.

पंतप्रधान नरेंद्र मोदी यांनी आज देशातील कोविड-19 साथीच्या परिस्थितीचा लस वितरण, आणि प्रशासनाच्या तयारीचा आढावा घेतला.